Најдобриот бразилски фудбалер на сите времиња Пеле, преку објава на Инстаграм му честиташе на Родриго, кој беше херој во победата на Реал Мадрид во полуфиналето од ЛШ над Манчестер Сити.

Родриго беше најзаслужен за резултатскиот пресврт на „Сантијаго Бернабеу“, кога при водство на гостите од Манчестер од 0:1, после 90. минута од средбата успеа да постигне два брзи гола со кои натпреварот отиде во продолжение, за на крајот Реал да оствари конечна победа од 3:1 и ќе игра во големото финале во Париз против Ливерпул.

„Отсекогаш знаев дека ќе дојде денот кога ќе те поздравам пријателе. Не може поинаку да биде за оние кои напорно работат и го сакаат тоа што го работат. Ти си просветлен и ќе ни донесеш многу повеќе радост Родриго. Напред Реал Мадрид! Едвај чекам да го гледам финалето!“, напиша Пеле на Инстаграм.

„Мундо Депортиво“ пренесува дека играчот од средниот ред на Манчестер Јунајтед, Пол Погба, сака да заигра за Париз Сен Жермен ова лето.

Французинот наводно веќе им кажал на своите блиските луѓе дека посакува да се врати во Франција по истекот неговиот договор со Јунајтед по крајот на сезоната.

29-годишниот играч го одигра последниот натпревар за „црвените ѓаволи“ минатиот месец против Ливерпул на „Енфилд“. Тој поради повреда нема да може да учествува во натпреварите на тимот до крајот на сезоната.

Полуфиналистот од Лигата на шампионите, Виљареал е подготвен да го ангажира голманот на Челзи, Кепа Аризабалага, објавија медиумите во Англија.

Тренерот на Виљареал, Унаи Емери смета дека купувањето голман е приоритетна цел за летото, поради неубедливиот настап на Џеронимо Рули. Аризабалага оваа сезона забележа 15 настапи во сите натпреварувања.

На 8 август 2018 година, Кепа му се приклучи на Челзи од Атлетик Билбао. Договорот е на 7 години, трансферната сума изнесуваше 80 евра, со што стана најскапиот голман во историјата на фудбалот. Покрај тоа, тој стана и најскапиот Шпанец.

Иако се појавија шпекулации дека Паоло Дибала може да се пресели во редовите на Борусија Дортмунд, Патрик Бергер тврди дека информациите на италијанскиот „Кориере дело Спорт“ не се точни.

Дибала е една од главните теми во Италија после одлуката да не го продолжи договорот со Јувентус и често пати се поврзува со разни клубови. Бергер набрзо после сензационалната вест за Борусија Дортмунд тврди дека Борусија не може да ги исполни финансиските услови на Аргентинецот.

„Дибала одби понуда од 6.5 милиони евра од Јувентус. Борусија не може да му понуди повеќе, нема шанси да дојде тука“, објави новинарот на германскиот „Спорт“.

Како еден од најсериозниот кандидати за доведување на Дибала во медиумите важи и големиот ривал на Јувентус, екипата на Интер.

Новиот тренер на Манчестер Јунајтед, Ерик тен Хаг веќе започна со селекција на играчи кои би го засилиле тимот летово. Холандскиот стручњак посакува да ја подобри дефанзивната линија на екипата со доведување на играчот од Интер, Дензел Дамфрис.

Сонародникот на Тен Хаг би претставувал идеална замена за Арон Ван Бисака кој според шпекулациите ја губи довербата и веројатно ќе ја напушти екипата. 

Интер за услугите на 26-годишниот дефанзивец кого го купи од ПСВ плати 13,7 милиони евра и тој има договор со екипата до 2025 година. Па така ако Јунајтед се одлучи во реализација на трансферот тогаш со сигурност ќе треба да издвои околу 40 милиони евра.

Напаѓачот на Ливерпул, Роберто Фирмињо ги обнови тренинзите со својата екипа. Бразилскиот играч ги пропушти последните пет натпревари на „црвените“ поради повреда на стапалото. Тренерот на Ливерпул Јирген Клоп неодамна изјави дека повредата не е сериозна, но е многу болна за играчот. Англиските медиуми пренесуваат дека Фирмињо ќе биде во составот на Ливерпул за дерби дуелот со Тотенхем во сабота.

Италијанскиот весник „Кориере дело спорт“ објави дека напаѓачот на Јувентус, Пауло Дибала добил понуда и од Борусија Дортмунд за негов премин во бундеслигашот.

За 28-годишниот фудбалер има понуда и од милански Интер, и се очекува Дибала сепак да ја прифати истата и да остане во Серија А.

Аргентинецот ова лето ќе си замине од Јувентус како слободен играч откако не успеа да се договори со клубот за нов договор.

Според информациите, со понудата, Дортмунд на Дибала му нуди 4,5 милиони евра годишно и клучна улога во тимот за следната сезона, додека понудата на Интер изнесува 6 милиони евра.

Селта побрза да реагира по судска одлука дека нивниот напаѓач Санти Мина треба да биде осуден на четири години затвор поради сексуалното насилство во 2017 година.

Клубот во својот официјален став му замери на својот играч за делото, објавувајќи дека тој презел дисциплински мерки против него, почнувајќи од негова привремена суспензија од тренажниот процес на тимот.

„Како резултат на денешната одлука на Окружниот суд во Алмерија, Селта одлучи да преземе дисциплинска постапка против играчот Сантијаго Мина за да ги разјасни неговите работни обврски со оглед на оваа одлука. Поради оваа причина и како мерка на претпазливост, одлучено е играчот привремено да се отстрани од тренинзите на првиот тим, без да биде во спротивност со продолжување на неговото извршување на активностите што ги прецизира клубот за оваа намена. Селта го почитува правото на одбрана на играчот, но е должна да преземе мерки во однос на оние настани кои го нарушуваат престижот на клубот и се насочени директно против неговите вредности, уште еднаш покажувајќи го целосното отфрлање на кривичното дело дефинирано во судската одлука“, се вели во соопштението на официјалниот сајт на клубот.

Големата ѕвезда на светскиот фудбал, Лионел Меси не се најде на листата за најдобар играч во Лига 1.

Единствен претставник на Пари Сен Жермен е неговиот соиграч Килијан Мбапе, кој би можел трет пат по ред да ја освои наградата, но се среќава со конкуренцијата на Висам Бен Једер од Монако, Димитри Паје од Марсеј, Лукас Пакета од Лион и Мартин Териер од Рен.

Досега аргентинската ѕвезда има запишано 23 натпревари во Лига 1, на кои постигна четири гола и даде 13 асистенции, но тоа не беше доволно за да се бори за наградата.

Ова е речиси непозната ситуација за Меси, кој победи 13 пати од сезоната 2008/09, кога беше воспоставена ваква награда во Ла Лига, во конкуренција на играчи како Кристијано Роналдо, Карим Бензема и Луис Суарез.