feature

Вардар потпиша со десен бек од Полска

Македонски ракометен клуб Вардар 1961 го промовираше ново засилување за следната сезона. Во таборот на „црвено-црните“ следното лето доаѓа Марек Марчињак од Полска.

Станува збор за ракометар кој игра на позициите десен бек и десно крило. Марчињак доаѓа во Вардар од редовите на Азоти Пулави, а со скопскиот гигант потпиша двегодишна соработка до 2027 година.

Марчињак е полски репрезентативец, играше за националниот тим на последното Светско првенство.

Сезонава во дресот на Азоти Пулави полскиот ракометар на 23 меча во првенството постигна 71 погодок. Во кариерата освен за овој клуб, Марчињак настапуваше уште за Жуково, Вибжеже Гдањск и Заглебје Лубин, па налето доаѓа во Скопје на својот прв интернационален предизвик.

Инаку, Марчињак во редовите на Вардар ќе биде третиот Полјак, откако претходно за тимот настапуваа Патрик Валчак и Јан Чувара.

Хосни доби нов договор во Еурофарм Пелистер

Репрезентативецот на Тунис, Усама Хосни и следната сезона ќе го носи дреост на Еурофарм Пелистер.

„По уште една одлична сезона, соработката на Еурофарм Пелистер и Усама Хосни ќе продолжи и во иднина. Клубот и десниот бек се договорија за продолжување на соработката и за следната сезона и веруваме дека заедничкиот период на радости и трофеи ќе продолжи. Усама Хосни минатото лето се врати во Македонија и го облече дресот на македонскиот шампион, по успешната сезона 2022/23, по која за кратко замина од Битола“, објави клубот на социјалните мрежи.

32-годишниот Хосни со Еурофарм Пелистер има еден освоен шампионат и еден Суперкуп на Македонија. Сезонава во Лигата на шампионите Хосни настапи на 14 натпревари и постигна 24 гола.

Репрезентативец на Тунис го носеше дресот на Ал-Араби во сезоната 2023/24. Освен во Македонија и Кувајт, Хосни настапуваше во својата земја, во Франција и Катар.

Македонија со минимални шанси за директен пласман на Мундијалот

По четвртфиналните натпревари од Лигата на нациите, шпознат е конечниот изглед на квалификациските групи во европската зона за пласман на Светското првенство во 2026 година.

Популарната платформа „Фудбал Митс Дејта“, даде проценка како ќе изгледа конечниот пласман во квалификациските групи.

За нас најинтересна е прогнозата за Ј групата, во која покрај Македонија партиципираат и Белгија, Велс, Казахстан и Лихтенштајн. Македонија во саботата со победа кај аутсајдерот Лихтенштајн ги започна квалификациите.

Македонија има 11 отсто шанси дс го освои првото место во групата, а 24 отсто да избори пласман во баражот за Мундијалот во САД, Канада и Мексико. Според „Фудбал Митс Дејта“, Македонија има 48 отсто шанси да го освои третото место во групата.

Логично, според рејтингот Белгија е најголем фаворит во групата. Белгија има 55 отсто шанси да го освои првото место, наспротив Велс (33 отсто). Предвидувањата на платформата се дека, кога се работи за второто место Белгија има 31, а Велс 42 отсто шпанси.

Најголеми шанси за директен пласман на СП има Шпанија (85 отсто), потоа Германија (84 отсто), Франција (82 отсто), Холандија (82 отсто), Португалија (81 отсто), Англија (73 отсто), Австрија (70 отсто), Хрватска (68 отсто), Италија (58 отсто), Белгија (55 отсто)…

Дешамп го пофали новиот капитен Мбапе

Селекторот на француската фудбалска репрезентација Дидие Дешамп го оцени придонесот на напаѓачот и капитен на репрезентацијата Килијан Мбапе во победата над Хрватска во полуфиналето на Лигата на нации на УЕФА.

„Мбапе блеска. Цела недела беше голем лидер. Тој се покажа како одличен играч и одличен капитен на овој тренинг камп“, изјави Дешамп.

Да потсетиме, синоќа беше одигран реваншот од 1/4 финалето на Лигата на нации на УЕФА, во кој се сретнаа селекциите на Франција и Хрватска. Екипите играа на „Стад де Франс“ во Париз. Франција победи по подобро изведување на пенали (5:4) откако во рекуларниот дел и продолженијата беше 2:0 за Франција.

Нов Зеланд обезбеди пласман на Светското првенство во фудбал

Селекцијата на Нов Зеланд стана петтиот учесник на претстојното Светско првенство. Нов Зеланд во финалето од квалификацискиот циклус ја совлада Нова Каледонија (3-0) и добија билет за завршниот дел од турнирот.

Треба да се напомене дека Светското првенство во 2026 година ќе се одржи во САД, Канада и Мексико. Вообичаениот формат на турнирот ќе биде променет: репрезентациите ќе бидат поделени во 12 групи по четири селекции, каде секоја селекција ќе одигра по три натпревари во групната фаза.

Првопласираните две екипи од секоја група и осумте најдобри третопласирани екипи ќе се пласираат во плеј-оф фазата.

Најголемиот дел од натпреварите ќе се одиграат во САД, каде што ќе се одржат 60 од 80-те натпревари, вклучувајќи ги сите фази од четврт-финалето па до финалето. Канада и Мексико ќе бидат домаќини на по 10 натпревари.

Вардар ги одреди цените за хуманитарниот меч со Црвена Звезда

Фудбалскиот клуб Вардар објави информации за продажбата на билети за закажаниот меч против Црвена Звезда.

Македонскиот и српскиот гигант ќе одиграат пријателски натпревар на 16 април кој ќе биде од хуманитарен карактер, а сите приходи од продажбата на билетите ќе бидат донирани за жртвите и повредените во трагедијата во Кочани.

Вардар на својот официјален веб-сајт објави информации за билетите. Ќе се продаваат два вида на влезници, односно на јужната и северната трибина билет ќе чини 200 денари, а за западната и источната по 100.

Од Вардар најавија бесплатен влез за децата од основните училишта од Кочани.

Познати двојките за првото коло од Купот на Македонија во ракомет

Денес, Ракометната федерација на Македонија ја одржа ждрепката за првото елиминациско коло од Купот на Македонија во машка конкуренција. Вкупно 29 екипи ќе се натпреваруваат во ова издание на најмасовното македонско натпреварување.

Првото коло ќе го скокнат ланскиот освојувач Алкалоид, шампионот Еурофарм Пелистер и вицешампионот Вардар 1961.

Парови за првото елиминациско коло во Купот:
Аеродром – Македонија Ѓорче Петров
Мулти Есенс – Преспа Вардар
Текстилец – Прилеп
Бутел Скопје – Металург РА
Радови – Скопје
Кичево – Пролет
Овче Поле – Фруитленд Борец
Охрид – Шампион
Тиквеш – Јехона
МРК Куманово – Астраион Хендбол
Младост – Струга
Вардар Неготино – Партизан 2016 Спорт
Еурофарм Пелистер 2 – Драчево

Елиминациските натпревари на стартот на Купот на Македонија се на програмата следниот викенд (5 и 6 април).

Мексико првпат ја освои Лигата на нации на КОНКАКАФ

Фудбалерите на Мексико за првпат во историјата го освоија трофејот на КОНКАКАФ Лигата на нации. Мексиканците до победа во финалето стигнаа против Панама со 2-1 пред 70.000 гледачи во Калифорнија.

Уште во осмата минута од мечот Раул Хименез донесе предност со глава. Панамците успеаја да се вратат во игра со голот на Адалберто Караскиљо од белата точка, а на сличен начин и Мексико стигна до победата.

Сите чекаа крај и продолженија, а Кордоба играше со рака. Одговорноста ја презеде Хименез и реализира за 2-1 и прв трофеј на Мексиканците. Со ова беше запрена доминацијата на САД кои ги освоија сите три турнири во Лигата на нациите од нејзиното основање.

Инаку, САД загуби во „малото финале“ од Канада со 2-1.

Алкараз: Психички сум „скршен“ по поразите

Тој загуби од ветеранот Давид Гофен со 7-5, 4-6, 3-6, а по мечот призна дека ова му било еден од најслабите настапи во последно време.

-Тоа беше многу лоша изведба од моја страна, морам да признаам. Тој беше подобар од мене. По првиот сет тој почна да игра подобро, а моето ниво паѓаше. Не играв добро, а не се чувствував добро ниту физички. Во вакви натпревари, кога не се чувствувате сигурни во своите вештини или ментално, сè станува многу потешко. Мислам дека тоа беше видливо во вториот и третиот сет, кога не можев да играм подобар тенис, коментираше Алкараз по мечот.

Изјави дека во следните денови ќе има време да анализира што се случило.

„Добро го знам овој дел од сезоната. Играв одличен тенис на овие турнири, но по ова што се случи денеска, не знам што да кажам. Психички сум уништен, искрено! Ова беше турнир на кој сакав да се претставам добро и кога ќе загубиш во првото коло, боли многу“, додаде Шпанецот.

Велс доаѓа со 2.000 гледачи во Скопје

За мечот на Арената „Тодор Проески“, во Скопје најавено е дека ќе има околу 2.000 гостински навивачи кои ќе даваат поддршка за Велс.

За фановите од Велика Британија е стандардно да ги бодрат своите национални тимови без разлика каде играат.

Во квалификациски дуели во Скопје досега гостувале Велс, Шкотска, Република Ирска и секогаш имало гостински фанови, па така треба да биде и во вторник.

«< 1118 1119 1120 1121 1122 >»