Тренерот на фудбалерите на Манчестер Сити, Пеп Гвардиола, јавно му се заблагодари на Зиченко кој за 32 милиони евра ги напушти „граѓаните“ и кариерата ќе ја продолжи во екипата на Aрсенал.

„Сакам да ја искажам сета моја благодарност до Зинченко за неговото однесување како на теренот така и надвор од него“, вели Гвардиола.

Украинецот кој во текот на летово се пресели кај „топчиите“, може да игра на неколку позиции и ќе биде големо засилување за четата на Артета.

Газета дело Спорт пренесува дека фудбалскиот клуб Лацио започнал преговори со Бразилецот Марсело.

Марсело е слободен играч откако ова лето му заврши договорот со Реал Мадрид каде настапуваше долг период.

Според информациите, понудата на Лацио за ангажман на бразилскиот фудбалер изнесува 2,5 милиони евра годишна плата. Иако за Марсело постојат и понуди од други клубови, големи се шансите својата кариера да ја продолжи во Серија А и Лацио.

Бугарската фудбалска федерација и официјално го претстави Србинот Младен Крстајиќ како нов селектор на репрезентацијата на Бугарија.

48-годишниот Крстајиќ има искуство како тренер од водењето на клубовите Макаби Тел Авив и ТСЦ, а во периодот од 2017 до 2019 година беше селектор на српската репрезентација.

Неговото деби на селекторската позиција во Бугарија ќе биде на 23.септември против Гибралтар на домашен терен, а веднаш потоа ќе гостува во Скопје против македонската репрезентација.

Реал Мадрид му понудил на напаѓачот Карим Бензема да го продолжи договорот со клубот, објави во средата веб-страницата „Дифенса централ“.

Актуелниот договор на 34-годишниот стрелец со европскиот клупски шампион истекува следното лето. „Белите“ му понудиле да го продолжат договорот до крајот на сезоната 2023/24. Во последната кампања Бензема одигра 32 натпревари во Примера, постигнувајќи 27 гола и 12 асистенции. Французинот со Мадрид ги освои шпанското првенство и Лигата на шампионите.

Карим Бензема минатата сезона стана и најдобар стрелец во Ла Лига и Лигата на шампионите.

Новиот фудбалер на Барселона, Роберт Левандовски, изјавува дека е спремен да испише историја со неговиот нов клуб.

Левандовски пред неколку дена за 50 милиони евра премина од Баерн Минхен во Барселона.

„Подготвен сум да бидам дел од овај клуб со богата историја, и да освојам многу трофеи во иднина“, изјави Левандовски од Мајами каде заедно со Барселона се наоѓа на припреми пред новата сезона.

Полскиот напаѓач веќе започна со самостојни тренинзи откако им се приклучи на своите соиграчи во САД, и се очекува дека ќе биде на располагање на екипата за дуелот со Реал Мадрид.

ПСЖ вчера го победи Кавасаки Фронтале со 2-1 во пријателски меч а новиот тренер на Французите, Кристоф Галтие, објасни дека неговите фудбалери мора да се адаптираат на новата шема 3-4-1-2.

„Ми се допадна што нашиот тим притиска високо. Тоа ни дозволи да бидеме опасни и да создаваме многу шанси. Играме во нов систем – 3-4-1-2 и мора да се навикнеме. Сè уште не сме синхронизирани. Треба да внимаваме на противниците кога првават транзиција“, вели тренерот на ПСЖ.

Потписот на Матаис де Лихт нема да доведе до разделба со ниту еден од другите дефанзивци во Баерн, појасни извршниот директор Оливер Кан. Поради доаѓањето на Холанѓанецот, медиумите шпекулираа дека клубот ќе мора да продаде или барем да префрли еден од останатите, но очигледно нема план за такво нешто.

„Во моментов не размислуваме за разделба со никого“, изјави Кан за „Абендцајтунг“. – Нема ништо подобро од тоа да имате фудбалери кои можат да играат на различни позиции – Бенџамин Павард, Лукас Хернандез, Танги Нианзу…“.

Поранешниот голман привлекува внимание на фактот дека сите споменати тројца можат да делуваат не само како централни дефанзивци, каков што е Де Лихт.

Како што пренесуваат англиските медиуми, од Нотингем Форест испратиле понуда за фудбалерот Џеси Лингард.

Иако се очекуваше дека за Лингард најголем интерес има од екипата на Вест Хем, сега во трката за негов ангажман се вклучи и новиот премиерлигаш Нотингем Форест.

Се очекува бившиот играч на Манчестер Јунајтед одлуката околу својот нов клуб да ја донесе во наредните денови.