Радамел Фалкао ќе потпише нов договор со Рајо Ваљекано, пренесуваат локалните медиуми.

Важечкиот договор на Фалкао истекува на крајот на сезоната, а бидејќи и двете страни се задоволни од соработката таа ќе биде продолжена на уште една година. Според информациите клубот наскоро треба да го соопшти официјализирањето на новата соработка.

Оваа сезона Фалкао го мачат повредите, но по дебито за екипата каде што брани Столе Дмитриевски постигнува пет гола во 334 одиграни минути, односно по еден на секој час. Последен пат во листата на стрелци се запиша на 21 ноември од тогаш на теренот променливо собра 20 натпревари.

Легендата на Манчестер Јунајтед, Рио Фердинанд, открива дека Тиаго Алкантара сакал да се пресели на Олд Трафорд пред неговиот трансфер во Ливерпул во 2020 година.

Од Ливерпул за него му платија 22 милиони евра на Баерн Минхен, а потоа Шпанецот со бразилски корени стана еден од најважните играчи во играта на Јирген Клоп.

„Тиаго е еден од играчите од средниот ред кои најмногу се истакнуваат во последните недели и месеци. Тој е во навистина топ форма“, изјави Фердинанд.

Според Рио, Тиаго е совршен пример за фактот дека и на најдобрите играчи и тренери им треба малку време да се прилагодат на фудбалот во Премиер лигата.

Весникот „Газета Дело Спорт“ тврди дека Милан е во напредни преговори со Сасуоло за трансфер на крилниот напаѓач, Доменико Берарди.

Позицијата десно крило е дефицитарна кај „росонерите“ а токму Берарди може да ја пополни таа празнина. Неговата трансферна цена е околу 30 милиони евра.

27-годишниот фудбалер во тековнава сезона има 14 голови и 15 асистенции на 29 натпревари во Серија А.

Медиумите од Италија пренесуваат дека Манчестер Јунајтед е заинтересиран за играчот од средниот ред на Рома, Николо Заниоло.

Според „Калчомеркато“ Ерик тен Хаг, кој ќе го преземе водењето со тимот ова лето, инсистира во својот тим да го има 22-годишниот италијански репрезентативец.

Договорот на Заниоло со Рома е до летото 2024 година, а информациите велат дека „римјаните“ за играчот ќе бараат околу 55-60 милиони евра.

За Заниоло интерес имаат уште Јувентус и Тотенхем. Сезонава тој одигра 25 натпревари за Рома, постигнувајќи два гола.

Реал Мадрид е спремен да го продаде Марко Асенсио, па неколку заинтересирани клубови веќе работат на трансферот.

Асенсио има договот со „кралевите“ до јуни 2023 година, па на лето ќе влезе во последната година од договорот.

Менаџерот на Асенсио, Жорге Мендеш е во преговори со Реал Мадрид за продолжување на соработката, но фудбалерот не е задоволен од понудата.

Шпанските медиуми пренесуваат дека Асенсио е спремен на лето да ја промени средината, па веќе започна битката за неговиот потпис.

Англискиот „Мирор“ открива дека екипата на Њукасл Јунајтед планира летна офанзива за играчот од средниот ред на Тотенхем, Пјер-Емил Хојберг.

Тренерот на црно-белите, Еди Хау, планира видно засилување на својот тим во летниот преоден рок, а Хојберг е еден од фудбалерите кои се на врвот од неговата листа. Сумата која Њукасл ја нуди за фудбалерот изнесува 30 милиони фунти.

Данскиот интернационалец би можел да добие дозвола да замине доколку тренерот на Тотенхем, Антонио Конте успее да најде негова замена.

Репрезентативецот на Белгија, Дрис Мертенс, ќе го продолжи договорот со калчолигашот Наполи до 2023 година.

Напаѓачот со новиот договор се согласил на пониска плата од сегашната која изнесува 4,5 милиони евра годишно. 

Неговата цел е да ја заврши својата играчка кариера во Наполи, и затоа е подготвен да игра за 1,5 милиони евра во последната сезона за екипата.

Килијан Мбапе сигурно ќе биде една од ѕвездите на летниот преоден рок.

На напаѓачот на ПСЖ за два месеци му истекува договорот со францускиот шампион, а се уште не се знае дали ќе потпише нов договор. Засега за најсериозен кандидат за неговиот потпис е Реал Мадрид, за многумина овој трансфер е и завршена работа.

Ситуацијата со Мбапе сега ја коментираше легендарниот француски фудбалер Жан-Пјер Папен. Тој откри дека разговарал со Мбапе.

„Разговаравме и набрзина му кажав – ако не отидеш во Реал ќе жалиш до крајот на животот, мораш да одиш таму. Никогаш немој да одиш против твоите соништа, мораш да ги следиш. Ако сака да оди во Реал Мадрид, време е да оди“, изјави освојувачот на „Златна топка“ од 1991 година.

Уругвајскиот напаѓач на Атлетико Мадрид, Луис Суарез најави дека ќе го напушти клубот по завршувањето на сезоната 2021/22.

35-годишниот напаѓач објави благодарност до навивачите на Атлетико Мадрид во која покажува незаборавни моменти од неговата кариера во клубот.

„Ви благодарам многу на сите за вашата љубов и поддршка секогаш. Ви благодарам многу за вашите срца“, напиша Луис Суарез на социјалните мрежи.

Претходно беше објавено дека раководството на Атлетико одлучило да не го продолжи договорот со фудбалерот кој истекува на лето. По завршувањето на сезоната тој ќе се пресели во Интер Мајами во сопственост на Дејвид Бекам.

Миралем Пјаниќ, чии права и припаѓаат на Барселона може да стане играч на Интер.

По завршувањето на позајмицата во турски Бешикташ, Пјаниќ ќе се врати во каталонскиот клуб. Сепак, од Барселона планираат да го продадат играчот. Договорот на Пјаниќ со Барселона е со важност до 2024 година и 32-годишниот босански играч од средниот ред, според изворот, не е вклучен во плановите на тренерот на Барселона, Чави.

Еден од главните претенденти за Пјаниќ е Интер. Извршниот директор на Милане Џузепе Марота ја пофали играта на Пјаниќ, а тие веќе соработуваа во Јувентус. Доколку се реализира овој трансфер Пјаниќ би можел да биде замена за Артуро Видал.