Италијанскиот новинар Фабрицио Романо тврди дека претставници на Челзи и Рома се во преговори за дефанзивецот Преснел Кимпембе.
Имено, од ПСЖ за евентуална продажба на Кимпембе бараат износ помеѓу 60 и 65 милиони евра, додека од Челзи се подготвени да понудат 45 до 50 милиони евра.
Иако во ПСЖ , Кимпембе го сметаат за важен дел од проектот на екипата, сепак ќе дозволат негово заминување доколку пристигне добра понуда за него.
Легендата на американскиот фудбал, Том Брејди се уште не одлучил дали претстојната сезона во НФЛ ќе биде последна во неговата кариера. 44-годишниот бек на Тампа Беј, кој има роденден во август, се повлече од спортот по крајот на минатата сезона, но ја смени својата одлука само еден месец подоцна.
Брејди има седум победи во „Супер Боул“ со Њу Ингланд и Тампа. Тој наскоро ќе ја започне својата 23-та НФЛ сезона и трета со Тампа Беј.
„Физички се чувствувам прилично добро. Имав многу повреди низ годините, но се надевам дека следната ќе помине без проблеми и ќе победувам“, изјави Брејди за Variety.
„Ја донесов одлуката (да се пензионирам) рано. Мислев дека тоа е за доброто на тимот и им го кажав тоа. Но понекогаш ви треба повеќе време за планирање. По разговорите со Брус Аријанс (тренер), Џејсон Лихт (генерал менаџер) и мојата сопруга (моделот Жизел Бундхен) одлучивме дека сè уште можам да играм на највисоко ниво. Преферирав да размислувам до јули дали ќе играм повторно, но работите се случија порано. Сакав да му дадам време на тимот да прави планови и поради тоа пребрзо ја донесов одлуката. Меѓутоа, подоцна сфатив дека можам да продолжам бидам на терен“.
Флојд Мејведер е подготвен да се врати на професионалниот бокс. Мејведер целосно го насочи вниманието кон своите други деловни потфати надвор од боксот. Тој навести дека наскоро ќе поседува кошаркарски тим во НБА.
Мејведер сè уште се натпреварува егзибициски, а неодамна се соочи со YouTube ѕвездата, Логан Пол и поранешниот спаринг партнер Дон Мур.
Популарниот „Мани“ изгледаше задоволно што се пензионира по неговата последна професионална борба против Конор МекГрегор во 2017 година. Откако навести дека ќе остане во пензија, Мејведер не ја затвора целосно вратата за враќање на професионалниот бокс, што ќе се случи во одреден момент, но за вистинската цена.
Мејведер ја именуваше цената за потенцијално враќање во професионалниот ринг.
Аргентинскиот напаѓач Пауло Дибала ќе продолжи да игра во Серија А бидејќи речиси сигурно ќе се пресели во Рома, пишуваат италијанските медиуми.
28-годишниот Аргентинец си замина од Јувентус како слободен играч, а голем интерес за играчот имаше од Интер. Двете страни преговараа, се разговараше и за бонусите за Дибала, но по доаѓањето на Ромелу Лукаку се чини дека нема место за него во тимот на Инзаги.
Затоа Пауло Дибала започна преговори со Рома. За да ја добие аргентинската ѕвезда, „волчицата“ ќе направи исклучок и ќе го направи најплатен фудбалер во сегашниот состав со годишен приход од 6 милиони евра. Сепак, претходно Мурињо сака да го продаде Никола Заниоло, кој е на чекор до Јувентус.
Новиот тренер на Пари Сен Жермен, Кристоф Галтие не ја сфати сериозно информацијата која се појави во некои медиуми како „Радио Монте Карло“ и „Екип“ дека дефанзивецот Преснел Кимпембе е несреќен и бара начин веднаш да си замине.
Како можна дестинација дури се споменуваше и Челси.
„Прочитав се што излезе како гласини за Кимпембе. Дури и јас и тој се смеевме на сето ова заедно. Ми се допаѓа Преснел бидејќи е одличен централен дефанзивец. Сепак, не знам што ќе се случи“, објасни тренерот за „Екип“.
Францускиот интернационалец не учествуваше во вчерашната прва контрола на ПСЖ летово. Сепак, тој се најде во тимот за турнејата во Јапонија.
Марко Верати веќе десет години игра за Пари Сен Жермен. Се наметна како апсолутно суштински играч во тимот на францускиот шампион за кого одигра 378 натпревари. Верати е дури третиот играч во историјата на ПСЖ по број на натпревари, а по овој показател е само втор по Жан Марк Пилорже и Силвен Арман, но сосема е можно наскоро да ги престигне.
„Отидов од едно мало село во Абруцо Монопело во престолнина како Париз каде што сте потопени во толку многу култури. Тоа се случи на возраст кога го градите вашиот карактер, вашата личност. Париз е голем град и Франција ми даде толку многу “, признава Верати во интервју за „Газета дело спорт“.
„Се чувствувам многу Французин додека останувам Италијанец. Еден ден ќе побарам француско државјанство, со оглед на тоа што моите деца се родени овде“, изјави 29-годишниот Верати.
Атлетико Мадрид е во преговори со колегите од Удинезе во обид да го ангажираат Науел Молина, пренесуваат медиумите во Италија. Шест месеци по разделбата со Киеран Трипие, кој минатата зима се пресели во Њукасл, Мадрид сака да го ангажира Аргентинецот, кој се претстави добро минатата сезона.
Молина запиша 7 гола и 5 асистенции во Серија А, што го импресионираше Диего Симеоне. Покрај тоа, Молина има и 16 натпревари за репрезентацијата на Аргентина и е меѓу играчите за кои се смета дека речиси сигурно ќе бидат во тимот за Светското првенство во Катар.
Од „Ванда Метрополитано“ се подготвени да му понудат сериозна сума на Удинезе, но и на Нојен Перез кој минатата сезона ја мина на „Дачиа Арена“.
Полскиот фудбалер Роберт Левандовски се огласи за прв пат откако ги засили редовите на Барселона.
Искусниот голгетер во интервју за германскиот Скај Спортс изјави дека поминал осум прекрасни години во Баерн од Минхен.
„Ќе се вратам за да се збогувам со сите вработени во клубот како што доликува. Не заборавајте дека поминав посебни осум години во Минхен и дека ми беше прекрасно тука. Наскоро заминувам но после тренинг кампот со Барселона, ќе се вратам во Минхен за да се поздравам со сите. Со моите соиграчи од Баерн веќе се збогував на последниот одржан тренинг“, изјави Левандовски.
Полскиот напаѓач ќе им се придружи на неговите нови соиграчи од Барселона на подготовките во Мајами. Барса за неговите услуги на Баерн му исплати 45 милиони евра, а дополнители пет милиони ќе бидат платени низ бонуси.
Македонскиот кошаркарски шампион МЗТ Скопје објави дека потпиша договор со американскиот центар Еван Максвел.
27-годишниот Максвел со скопскиот тим потпиша едногодишен договор, а пристигна од украинскиот клуб Запорожје.
Се работи за центар кој веќе три сезони игра во европската кошарка, а во екипата на Запорожје имаше просек од 11 поени и 6,7 скокови на 24 натпревари.
Фудбалерот од средниот ред на Баерн, Серж Гнабри и покрај интересот од лондонски Челзи и Реал Мадрид, потпиша нов договор со Баерн Минхен, според кој ќе остане во клубот до летото 2026 година, објави италијанскиот новинар Фабрицио Романо на својот Твитер.
Германскиот фудбалер имаше само една година од договорот, а неговата иднина во Баерн беше доведена во прашање. Претходно беше објавено дека раководството на Баерн Минхен би можело да го отстрани 26-годишниот фудбалер од главниот тим доколку Гнабри не сака да го продолжи договорот.
Играчот од средниот ред, пак, сакаше да остане во тимот, но беше незадоволен од односот на раководството на Баерн. Гнабри се пресели во Баерн Минхен во летото 2017 година од Вердер Бремен. За Баерн на 171 натпревар постигна 64 гола и имаше 40 асистенции. Гнабри постигна 20 гола на 34 натпревари за репрезентацијата на Германија.
