Килијан Мбапе вели дека уште во јули го известил ПСЖ дека сака да биде продаден бидејќи нема намера да стави потпис на нов договор.

Во последните денови од летниот преоден рок, Реал Мадрид тргна во офанзива по потписот на Килијан Мбапе, на маса беа ставени три понуди, последната вредна околу 200 милиони евра.

Сепак, ПСЖ не сакаше да слушне за продажба на напаѓачот и покрај тоа што тој ја одработува последната година од договорот и следното лето може да замине беспари.

Во разговор со Радио Монте Карло, Килијан Мбапе сега си ја отвори душата и откри што се случувало во летниот преоден рок.

„Побарав да го напуштам ПСЖ, тоа беше во јули месец, се решив на еден ваков чекор бидејќи немав намера да ставам потпис на нов договор и сакав клубот да добие обесштетување со кое ќе може да донесе квалитетна замена. Овој клуб ми даде многу, бев среќен изминативе четири години и се уште сум среќен. Им кажав порано за да имаат време да испланираат се. Сакав да се разделиме достоинствено со почит и им кажа, „Доколку не сакате да заминам, ќе останам“, заврши Мбапе.

Младиот Едуардо Камавинга е уште едно од имињата во тимот кој мора да паузира откако доби повреда на левата нога на пресметката со Еспањол вчера.

Камавинга, кој доби повик за настап и во селекцијата на Франција, ќе отпатува во кампот на француската репрезентација, каде ќе ги мине медицинските прегледи, а потоа ќе се донесе одлука дали ќе се врати во Мадрид или ќе остане со репрезентативниот тим на „петлите“.

Ова е уште една лоша вест за Карло Анчелоти, бидејќи листата на повредени и натаму расте. Во неа веќе се Едуардо Менди, Марсело, Дани Карвахал, Иско, Асенсио и Маријано Диаз.

Дарвин Нуњес ја воодушеви фудбалската јавност и е на мета на многу европски гиганти. Скаутите на Милан, Реал Мадрид и Манчестер Сити го следат веќе подолго време, а после фантастичната игра против Барселона ќе направат се за да го доведат во своите редови.

22-годишниот уругвајски репрезентативец игра одлично, но во договорот има откупна клаузула од 150 милиони евра, а Бенфика сигурно нема да сака лесно да се откаже од него.

Бенфика минатата година за потписот на Нуњес плати 24 милиони евра, а неговата вредност веќе повеќекратно се зголеми.

Јирген Клоп пред дербито со Манчестер Сити, проговори за задолжителната вакцинација. Германскиот стратег истата ја спореди со возењето во пијана состојба.

„Претпоставувам дека сите сме биле во ситуација да испиеме едно или две пива и да мислиме дека можеме да управуваме со возило, но законот не го дозволува тоа. Иста е ситуацијата со вакцините. Законот е тука да ги штити сите а не само поединци. Не разбирам зошто задолжителната вакцинација е ограничување на слобода. Ако е така, тогаш и забраната за возење во пијана состојба е ограничување на слободата“, изјави Јирген Клоп.

Македонскиот репрезентативец, Енис Барди поради повреда нема да може да се стави на располагање на тимот за подготовките и натпреварите на македонската репрезентација против Лихтенштајн (8 октомври) и Германија (11 октомври) од квалификациите за Светското првенство 2022.

Фудбалерот на шпански Леванте се уште не е залечен од повредата (заден бутен мускул) здобиена на последниот репрезентативен натпревар против Романија на Националната арена. Селекторот Благоја Милевски нема да повикува друг фудбалер како замена за повредениот Барди.

Македонската репрезентација синоќа во хотел „Хилтон“ во Скопје го имаше првиот собир. Во репрезентативната база пристигаа Адис Јаховиќ, Стефан Ашковски, Висар Муслиу, Тихомир Костадинов, Дени Илиев, Стефан Спировски, Кире Ристевски, Дамјан Шишковски и Никола Ѓорѓев. Сите останати повикани за двата натпревари денеска ќе му се приклучат на тимот.

Првиот тренинг македонската репрезентација ќе го има денеска од 16:00 часот на тренинг центарот „Петар Милошевски“.

Македонската репрезентација до 21 година ги започна подготовките за октомвриските квалификациски натпревари за пласман на Европско првенство 2023. Нашата селекција на 7 октомври игра против Фарски Острови во Клаксвик, а четири дена подоцна гостуваме во Ереван против Ерменија.

Селекторот на репрезентацијата, Драги Канатларовски се соочува со низа проблеми поради неиграњето на неколку стандардни првотимци. Метју Божиновски и Стефан Чолаковски поради административни ковид-19 протоколи и ограничувања не беа во можност да допатуваат од Австралија. Поради повреда отпаднаа Агон Елези и Енис Фазлагиќ.

Селекторот Канатларовски прати дополнителен повик за Иван Николов од Вардар и Димитар Тодоровски од Работнички. Двајцата веќе се приклучија на репрезентативниот тим.

„Не очекуваат две тешки гостувања против Фарски Острови и Ерменија. Ќе дадеме се од себе за да ја оствариме зацртаната цел, а тоа е освојување на максимални шест бода од двата натпревари. Против Франција и Србија очекувавме повеќе, посебно на резултатски план, но освоивме само еден бод. Се надевам дека сега нема да ги повториме грешките од претходните средби и ќе ги оствариме првите две победи во квалификацискиот циклус. Имаме одличен тимски дух, сите сме подготвени да дадеме се од себе за дресот на Македонија“.

Пеп Гвардиола го коментираше натпреварот од 7. коло од англиската Премиер лига против Ливерпул.

„Манчестер Сити и Ливерпул се таму каде што сме во последните години, затоа што се обидуваме да играме на тој начин. За жал, не можевме да победиме – но ниту загубивме. Ова е причината зошто Премиер лигата е најдобра. Беше одлично, навистина одлично. Резултатот е резултат, и не можеме да го промениме. Знам колку е тешко да се игра против овие играчи и овој тренер. Ова е неверојатен предизвик за нас секој натпревар. Начинот на кој игравме на „Стемфорд Бриџ“ во Париз и денес покажува дека сме одличен тим. Се молам да продолжиме на ист начин и играчите да се вратат здрави од настапите за своите репрезентации“, изјави Гвардиола по натпреварот.

Мечот Ливерпул – Манчестер Сити заврши нерешено 2-2. Мане и Салах погодија за „црвените“, Фоден и Де Брујне за Манчестер Сити.

Пако Лопез утрово доби отказ после катастрофалниот стат на сезоната во Ла Лига.

Леванте не ја започна сезоната според очекувањата па затоа во наредниот период македонскиот репрезентативец Енис Барди ќе добие нов тренер.

За викендот Леванте претрпе пораз од Мајорка и тимот се најде на 18-место на табелата. После осум кола Леванте освои само четири бода и се уште чека на првата победа сезонава.

Инаку Лопез е првиот стратег кој сезонава добива отказ во Ла Лига.

Во саботата Манчестер јунајтед одигра 1-1 против Евертон на Олд Трафорд. Роналдо беше на клупата, во игра влезе во 57. минута од натпреварот. По мечот тој нервозно излезе од теренот мрморејќи си нешто. 

Поранешниот играч на Јунајтед и сегашен фудбалски критичар во „Скај спортс“, смета дека овој гест на Роналдо создава притисок врз Солшер.

„Го гледав натпреварот и видов како Роналдо го напушти теренот. Не можам да кажам дека ми се допадна. Дали Кристијано е вознемирен кога не игра? Да. Дали Кристијано е вознемирен кога не постигнува гол? Да. Дали Кристијано е бесен кога тимот не победува? Се разбира. Ги знаеме сите овие работи, не мора да го потврдува тоа. Тој го напушти теренот зборувајќи си нешто себеси, што отвора многу прашања. Што ли зборуваше? На кој е лут? И тоа може да се одрази на тренерот“, вели Невил. 

Вoтфорд му врачи отказ на тренерот Сиско Муњоз, што е прва тренерска смена оваа сезона во Премиер лигата.

41-годишниот стратег помалку од една година помина на кормилото на Вотфорд, а денес беше отпуштен поради слабите резултати. Вотфорд моментално е на 14-то место во Премиер лигата и запиша 4 порази на последните шест меча.

Италијанските медиуми пренесуваат дека прв фаворит за негов наследник е искусниот Клаудио Раниери.