Од раководството на Ајакс, стигна потврда дека тренерот на екипата Ерик тен Хаг ќе си замине од клубот по завршувањето на сезоната. Со ова се потврдуваат информациите дека холандскиот стручњак од на лето најверојатно ќе го преземе Манчестер Јунајтед.

 „ Направивме се што можевме за да го задржиме Ерик тен Хаг.Се обидовме со се, му понудивме нов договор, но резултатот е ваков. Тој нема да остане во Ајакс. Очекуваме наскоро официјални информации на оваа тема “, изјави еден од директорите на Ајакс.

Се очекува во следните неколку дена Тен Хаг да биде претставен како нов тренер на Манчестер Јунајтед.

Тренерот на Рома, Жозе Мурињо го посети местото во Неапол кое е посветено на легендарниот Диего Марадона, и положи свежо цвеќе.

Португалскиот тренер овој гест го направи пред натпреварот на својот клуб против Наполи во рамките на Серија А.

Мурињо во повеќе наврати има потенцирано дека тој и Марадона беа големи пријатели и имаа високо почитување еден за друг. Со овој гест тој доби големо аплаузи од присутните навивачи и граѓани на самото место.

Барселона покажува сериозен интерес за левиот бек на Челзи, Маркос Алонсо, пренесува „Мундо Депортиво“.

Барселона на таа позиција го има само Жорди Алба, па сака да донесе валидна алтернатива, а прва цел е Маркос Алонсо. Шпанецот е во Челзи од 2016 година, но во последно време го загуби првотимскиот статус и е спремен да ја промени средината.

31-годишниот Шпанец на лето влегува во последната година од договорот, па и Челзи е спремен да го продаде, а за неговата слобода бара 12 милиони фунти, сума која Барселона е спремна да ја плати.

Фудбалскиот клуб Пелистер, после поразот од екипата на Шкупи, од идната сезона ќе се натпреварува во втората македонска фудбалска лига.

„Зелено-белите“ се заковани на табелата со освоени 10 бодови. Тие остварија само една победа и седум нерешени дуели. Имаат 16 бода помалку од ФК Скопје, кој ќе игра бараж за опстанок во лигата.

Пред 15 години, Лионел Меси го постигна веројатно својот најубав погодок. На само 19-годишна возраст, аргентинскиот магионичар ја зеде топката на својата половина и го „издрибла целиот гостински тим на Хетафе.
Со овој неверојатен гол тој го копираше „Голот на векот“ на Марадона против Англија на Светското првенство во 1986 година.

Алваро Мората не е особено заинтригиран од можноста да премине во Арсенал на лето, тврди „Ла Стампа“. Во последните денови се зборува за интерес на „топчиите“ за Шпанецот, кој дури подготвуваат понуда од 25 милиони фунти за неговите права. 29-годишниот фудбалер моментално е на позајмица во Јувентус од Атлетико Мадрид, но тимот од Торино најверојатно нема да ја плати откупната клаузула и ќе мора да бара нов тим на лето.

Сепак, можноста за враќање во Премиер лигата не звучи особено примамливо за Мората. Тој веќе имаше прилично лошо време во Челси, каде играше помеѓу 2017 и 2019 година, но не успеа да го покаже најдоброто од себе и на крајот беше префрлен во Атлетико Мадрид. Покрај тоа, на играчот не му се допаѓал особено животот во Лондон, па опцијата да се врати таму не звучи многу добро.

Фудбалскиот клуб Милан планира враќање на голманот Џанлуиџи Донарума, кој не се чувствува добро во ПСЖ оваа сезона.

Напуштањето на Донарума предизвика голем гнев во Милан. Голманот сакаше огромна плата и одби неколку понуди од челниците на кубот пред да ја прифати понудата на ПСЖ. Но по се изгледа сега работите се смирија и голем дел од навивачите се подготвени да му простат на Донарума доколку тој повторно се одлучи да заигра за Росонерите.

Според пишувањата, иднината на Донарума во ПСЖ е тесно поврзана со Леонардо. Голема е веројатноста дека спортскиот директор на лето ќе го напушти клубот од Париз, а со него ќе замине и италијанскиот репрезентативен голман.

Габриел Жесус го привлече вниманието на Барселона. Не е тајна дека Каталонците на лето ќе настојуваат да го засилат нападот. Тие беа заинтересирани за Ерлинг Халанд, но се чини дека на „Камп Ноу“ се откажаа бидејќи ги немаат потребните финансии за да ја добијат битката за Норвежанецот. Затоа клубот бара други опции и една од нив е Жесус.

25-годишниот Бразилец не е цврст стартер оваа сезона кај Пеп Гвардиола. Шпанскиот стручњак прави многу ротации во својот тим, но Жесус има 33 натпревари и 7 гола сезонава во сите натпреварувања. Сепак, неговата иднина на „Етихад“ не е сосема сигурна, бидејќи неговиот договор е до 2023 година и на лето клубот мора да одлучи дали ќе му понуди продолжување или ќе го продаде за да добие највисока можна сума за трансфер.

Сепак, Барселона не е единствениот кандидат за Бразилецот. Фудбалерот долго време е на мета на Јувентус и „бјанконерите“ имаат сериозна желба да го земат во својот тим на лето. 

Од вчера веќе на големо се зборува и најавува дека Милан набрзо ќе добие нови сопственици.

Дека е блиску до договор потврди и Паоло Малдини кој порача дека не би требало да биде изненадување ако Милан многу брзо добие нови сопственици, иако не сакаше да открие нешто повеќе.

„Не знам многу, но може да се случи да добие нов сопствник во наредниот период. Она што не можам да ви го потврдам е моментот кога тоа би се случило. За нас сега е најважно да се фокусираме на завршницата сезоната во Серија А како и Купот на Италија“, изјави Малдини.

Вчера „Ројтерс“ објави дека компанијата „Инвесткорп“ од Бахреин веќе ги договорила условите со актуелниот сопственик, инвестициската група „Елиот менаџмент“ и прашање на време е кога зделката ќе биде објавена.