Од фудбалскиот клуб Челзи соопштија дека во сезоната 2021/22 година имале вкупна загуба од 121,3 милиони фунти, како резултат на санкциите кои британската влада ги воведе на поранешниот сопственик на клубот Роман Абрамович.

Рускиот милијардер го стави на продажба клубот минатата година, после почетокот на руската инвазија на Украина, но владата на Британија за брзо воведе и санкции за Абрамович што ја искомпликува продажбата.

Ограничувањата и санкциите останаа до 30. мај кога Челзи конечно беше продаден на конзорциум предводен од Американецот Тод Боели.

Клубот соопшти дека и покрај загубите продолжува со почитување на финансиските прописи на УЕФА и Премиер лигата.

Англискиот репрезентативец Фил Фоден изненадувачки ја напушти репрезентацијата на Англија во пресрет на вчерашниот натпревар со Украина во квалификациите за Европското првенство. Офанзивниот играч за врска на Манчестер Сити имал итна операција на слепо црево.

Англиските медиуми објавија дека тој одеднаш се почувствувал лошо на еден од тренинзите. Прегледите откриле дека му е потребна итна операција.

Сега младиот 22-годишен напаѓач ќе мора да мине извесен период надвор од терените.

Актуелниот тренер на Реал Мадрид, Карло Анчелоти останува најсериозен кандидат за селекторското место во репрезентацијата на Бразил. Веста ја потврди и претседателот на Фудбалскиот сојуз на Бразил, Едналдо Родригез.

„Анчелоти е едногласно почитуван меѓу играчите. Не само кај Роналдо или Винисиус, туку и од сите што играле за него“, изјави претседателот на Федерацијата.

Бразил е без селектор од декември, по разочарувањето од настапот на Мундијалот во Катар, поточно елиминацијата во четвртфиналето.

Новиот тренер на Баерн Минхен, Томас Тухел, наводно ги известил челниците на клубот дека напаѓачот на Тотенхем, Хари Кејн, треба да биде топ приоритет како засилување во следниот преоден рок.

Според медиумските информации, Тухел бил голем фан на Кејн од периодот кога Германецот беше тренер на премиерлигашот Челзи.

Најдобриот напаѓач на англиската репрезентација, е во последната година од својот договор со Тотенхем, но и покрај тоа клубот од Лондон за негово евентуално напуштање на клубот летово ќе бара околу 100 милиони фунти.

Некои новинарски објави напоменуваат дека постои шанса Кејн да го продолжи својот договор со Тотенхем доколку клубот за нов тренер го ангажира германскиот стручњак Јулијан Нагелсман кој неодамна беше отпуштен од Баерн.

Интер покажува силен интерес за играчот на Атлетико Мадрид и аргентински репрезентативец, Родриго Де Пол. „Јорганџиите“ за неговиот потпис на Удинезе му платија 35 милиони евра и Аргентинецот се очекуваше да биде големо засилување.

Меѓутоа Де Пол не се снајде баш најдобро во Мадрид и сака да се врати во Серија А, па Интер е спремен да ја искористи таквата ситуација.

Атлетико Мадрид е спремен да продаде неколку свои фудбалери поради финансиски проблеми, а Де Пол е на трансфер листата.

Аргентинецот одигра одлично на Мундијалот, па „јорганџиите“ за неговата слобода бараат 30 милиони евра.

Манчестер Јунајтед е последниот клуб кој се приклучи во трката за потписот  на напаѓачот на Аталанта, Расмус Хојлунд. 19-годишниот Данец игра одлично од почетокот на сезоната, а беска и на натпреварите за репрезентацијата. Хојлунд постигна пет гола за Данска на два настапи во последните три дена.

Манчестер Јунајтед е во потрага по класичен напаѓач и верува дека Хојлунд е идната ѕвезда на светскиот фудбал и може многу години да го предводи нападот.

„Црвените ѓаволи“ сакаат да ја победат конкуренцијата бидејќи за младиот Данец интерес покажуваат уште Арсенал, Милан и Барселона.

Хојлунд минатото лето пристигна во Аталанта како голем талент за 15 милиони фунти, но неговата цена драстично порасна после оваа сезона.

Многу клубови се заинтересирани во своите редови да го донесат младиот и перспективен напаѓач на Лил и канадската репрезентација, Џонатан Дејвид.

23 годишниот офанзивец игра одлично во Лил, посебно оваа сезона во која веќе стигна до бројката од 22 голови во 30 натпревари за францускиот клуб.

Тоа натера неколку премиерлигаши сериозно да се распрашаат за фудбалерот, кој сепак, според последната изјава ќе чека понуда од друг клуб за да ја продолжи кариерата. Дејвид истакна дека Барселона отсекогаш му била омилен клуб, веројатно навестувајќи дека не би одбил понуда од каталонскиот гигант.

„Барселона отсекогаш бил мојот омилен клуб, ги сакам уште од дете“, изјави Дејвид во интервју за „Винамакс“.

Николо Заниоло во зимскиот преоден рок се пресели во Галатасарај, откако влезе во расправија со Мурињо и самиот побара трансфер.

Галатасарај за неговиот потпис плати 20 милиони евра, а Италијанецот потпиша договор до 2027 година според кој заработува 3,5 милиони евра.

Меѓутоа, Заниоло во својот договор има откупна клазула од 35 милиони евра, која може да биде активирана уште во летниот преоден рок.

Тој сака да се врати во Италија, а Милан и Јувентус покажуваат силен интерес и се во постојан контакт со неговиот агент.

Наводно двата клуба се спремни да ја платат таа сума и да ја активираат откупната клаузула по завршувањето на сезоната.

Килијан Мбапе беше назначен за нов капитен на Франција и имаше извонредна премиера со новата улога, бидејќи „триколорите“ ја декласираа Холандија.

Мбапе уште пред неколку дена откри дека искрено разговарал со Гризман и отстраниле било какви идни недоразбирата, но сега поопширно говореше за „Телефут“ и откри дека нема план да му соли памет на никој кој е подолго од него во репрезентацијата.

„Не сакам да бидам капитен кој диригира и наредува, мора да се мисли на тимот пред се. Имаме многу важни играчи кои долги години се во репрезентациајта. Целта е да бидам капитен, а притоа на никого да не му ја завторам вратата за да каже што мисли. Јас ќе бидам врската меѓу старата и новата генерација.

Имаме важни играчи како Жиру и Гризман и тие секако ќе имаат влијание во се што правиме заедно. За мене да се биде капитен е нешто симболично, на теренот претставувам милиони Французи. Ова е навистина специјално и големо, ме навраќа на деновите кога сонував за такво достигнување со капитенската лента на својата земја“, вели Мбапе.

Баерн Минхен направи промена на тренерската позиција и на местото на Јулијан Нагелсман го назначи Томас Тухел.

Тухел веќе некое време без ангажман откако „раскина“ со Челзи и сега му се отвори можност да го преземе најдобриот германски клуб, можност која реши да ја искористи и потпише договор до 30. јуна 2025 година.

Тој утре ќе го одработи првиот тренинг со „баварците“, но во меѓувреме „Билд“ обелодени колку пари Тухел ќе заработува на „Алијанц Арена“. Во Челзи имаше заработка од 15 милиона евра, сума која е помала во Баерн, сума која е меѓу 10 и 12 милиона евра на годишно ниво.

Кога е во прашање пак Нагелсман, германските медиуми пренесуваат дека може да добие обештетување дури од 50 милиони евра.