Тренерот на Баерн Минхен, Јулијан Нагелсман, потврди дека германскиот првак парично го казнил својот фудбалер Бенџамин Павар бидејќи управувал со автомобил под дејство на алкохол.     Баерн вчера го победи Интер со 2-0 во последниот натпревар од групната фаза во Лигата на шампиони, а Павар беше еден од стрелците. Одговарајќи на новинарски прашања по натпреварот, Нагелсман рече дека на Павар му е одземена возачката дозвола, а клубот го казнил со петцифрена сума откако францускиот фудбалер беше приведен поради возење под дејство на алкохол. 

„Мислам дека клубот реагираше на вистински начин. Тој ја увиде грешката“, изјави Нагелсман.

Шпанскиот фудбалски прволигаш Селта Виго го објави назначувањето на Карлос Карвалхал за главен тренер на тимот. 

56-годишниот фудбалски стручњак потпиша договор до 2024 година, соопштува официјалниот сајт на клубот од Виго. Последната работа на Карвалхал беше Ал Вахда од Обединетите Арапски Емирати, од која беше отпуштен во октомври, 4 месеци по неговото назначување. 

Претходно ја водеше Брага со која го освоија Купот на Португалија 2020/21, а има работено и во Велика Британија, Турција и Грција. Како главен тренер на Селта, Карвалхал го замени Едуардо Кудет, кој беше отпуштен во текот на денот.

Жоржињо има догово со Челзи до крајот на сезоата и нема намера да го продолжи истиот. Готово сигурно плејмејкерот ќе го напушти Челзи како слободен агент, а веќе почна битката за неговиот потпис.

30-годишниот италијански репрезентативец сака подолг договор, додека Челзи му нуди двегодишен договор. Интерес за него покажува Милан, кој наскоро ќе почне преговори со неговиот агент.

Сепак, Милан ќе треба да ја победи конкуренцијата бидејќи интерес за него покажуваат уште Барселона и Јувентус.

Челзи е силно заинтересиран за ѕвездата на Брајтон, Леандро Тросар и сака да го донесе во зимскиот преоден рок.

Тросар игра фантастично од почетокот на сезоната и го привлече вниманието на многу европски клубови. До овој момент тој има 7 гола и 2 асистенции на 12 меча за Брајтон.

Освен Челзи интерес за Тросар покажуваат уште Арсенал и Атлетико, па се очекува голема битка за неговиот потпис.

27-годишниот белгиски репрезентативец има договор со крајот на сезоната, па Брајтон сака да го продаде после Мундијалот.

Манчестер Јунајтед е заинтересиран за плејмејкерот на Реал Мадрид, Брахим Дијаз, кој е на позајмица во Милан.

Шпанецот е во сопственост на Реал Мадрид, но веќе трета сезона е на позајмица во Милан. Италијанскиот клуб може да го купи Дијаз за 22 милиони евра на крајот на сезоната, но Реал има опција да го врати за 5 милиони евра повеќе.

Наводно „кралевите“ веќе го известиле Милан дека сакаат да го вратат Шпанецот во своите редови и ќе ја платат разликата од 5 милиони евра.

Реал се одлучил на таков чекор бидејќи цената на Брахим Дијаз е повисока во моментов и Манчестер Јунајтед е спремен да плати 35 милиони евра за неговиот потпис.

Милан и Јувентус не се отлажуваат од намерата да ја донесат во своите редови ѕвездата на Рома и италијански репрезентативец, Николо Заниоло.

Двата клуба и минатото лето беа заинтересирани за Заниоло, но не беа спремни да ја платат сумата од 50 милиони евра, колку што бараше Рома за неговата слобода.

Рома сака да му го продолжи договорот на Заниоло, кој на лето ќе влезе во последната година од договорот. Доколку Заниоло не стави потпис на нов договор до крајот на сезоната неговата цена драстично ќе се намали, па Милан и Јувентус се спремни да ја искористат ситуацијата.

Фудбалскиот клуб Манчестер Јунајтед изгледа ќе ја активира клаузулата од договорот со фудбалерот Диого Далот за негово останување во клубот и наредната сезона.

Со продолжувањето на договорот, челниците на Јунајтед сакаат да го спречат евентуалното заминување на Далот како слободен играч и негова преселба во Барселона и Милан кои покажуваат голем интерес за негов ангажман.

23-годишниот Португаглец пристигна во Манчестер Јунајтед во 2018 година од Порто во трансфер вреден 19 милиони фунти. во сезоната 2020/21 тој беше испратен на позајмица во Милан, но по доаѓањето на преодниот тренер Ралф Рангник тој беше вратен во Јунајтед.

Оваа сезона Далот прикажува одлични настапи во екипата под водство на тренерот Ерик тен Хаг , и стана прв избор на позицијата десен бек.

Баерн има намера да го задржи 33-годишниот камерунски напаѓач Ерик Чупо-Мотинг, кој покажа високи перформанси оваа сезона. Според извори во клубот, за новиот договор на Чупо-Мотинг ќе се разговара во наредните месеци. Тој е речиси клучен играч во тимот на Нагелсман, а во последниот натпревар од 6. коло од групната фаза на Лигата на шампионите на УЕФА со Интер (2:0) постигна уште еден гол.

Севкупно, Чупо-Мотинг оваа сезона забележа 13 настапи за Баерн во сите натпреварувања, постигнувајќи дури осум гола и обезбедувајќи три асистенции. Тој му се приклучи на германскиот клуб во октомври 2020 година како слободен агент од ПСЖ, а има актуелен договор кој истекува ова лето.

Младата фудбалска ѕвезда на ПСЖ, Килијан Мбапе, со 23 години, десет месеци и 13 дена, стана најмладиот играч во Лигата на шампионите кој стигнал до 40 голови.

Тој со вчерашната реализација во мрежата на Јувентус го помина неговиот соиграч, Лео Меси, кој досега беше рекордер со 24 години, четири месеци и осум денови.

Аргентинецот го држеше рекордот од 2011 година.

Дисциплинската комисија на УЕФА го казни Фудбалскиот сојуз на Хрватска, поради однесувањето на дел од навивачите на натпреварот со Австрија во Виена, во рамките на Лигата на нации.

Хрватскиот фудбалски сојуз е казнет со 20 илјади евра и затворање на дел од трибините на следниот натпревар на репрезентацијата, поради дискриминирачко однесување.

Сојузот е казнет и со 20.625 евра поради фрлање на предмети на теренот од страна на навивачите, како и со 2.500 евра поради палење пиротехника.

Хрватска обезбеди пласман на завршниот турнир во Лигата на нации каде ќе играат и Италија, Шпанија и Холандија.