feature

Јокиќ се врати со „трипл-дабл“ и монструозна партија

Кошаркарите на Денвер на домашен терен го совладаа Милвоки (127-117), а по пет пропуштени натпревари на теренот беше и Никола Јокиќ. Лос Анџелес Лејкерс на звукот на сирената ја совлада Индијана Пејсерс (120-119).

Јокиќ натпреварот го заврши со трипл-дабл учинок, 39 поени, 10 скока, 10 асистенции и три загубени топки.

Погоди 16/25 од поле, 3/6 од три, и 4/7 од линијата за слободни фрлања.

Мајкл Портер Џуниор додаде 23 поени, 10 скока и четири асистенции, Кристијан Браун 19 поени, 10 скока и шест асистенции, а Џамал Мареј 17 поени, шест асистенции и четири скока.

Бакс беа ослабени со отсуството на Јанис Адетокумбо (повреда на стапалото) и Демијан Лилард (ја заврши сезоната поради тромбоза), а најефикасен беше Брук Лопез со 26 поени, седум скока и три асистенции.

Леброн Џејмс, погоди со звукот на сирената, а Лејкерис славеа победа над Индијана 120:119. Џејмс од „одбојка“ го поправи промашувањето на Лука Дончиќ и така во последната секунда му донесе победа на својот тим.

Лука Дончиќ беше најефикасен на теренот со 34 поени, седум скока и исто толку асистенции. Остин Ривс уфрли 24 поени.

Матурин беше најефикасен кај Индијана со 23 поени и пет скока. Тајрис Халибартон додаде 16 поени и 18 асистенции, а идентичен поентерски учинок имаа и Ендрју Небхарт и Мајлс Тарнер.

Милан нема да го откупи Жоао Феликс, Галатасарај фаворит за неговиот потпис

Португалецот Жоао Феликс имаше добар почеток во Милан меѓутоа подоцна ги разочара навивачите и на „Сан Сиро“ не ги исполни очекувањата.

Феликс пристигна на позајмица од Челзи за која Милан палти два милиони евра, а иако по првите неколку натпревари веќе се размислуваше за откуп на неговиот договор ситуацијата набрзо се промени.

Сега во Милан веќе донеле одлука да не го откупат неговиот договор и се најавува каде би можел да продолжи.

Наводно, агентот на Феликс, Жорж Мендеш го известил Челзи дека Феликс има желба да продолжи во редовите на Галатасарај.

Турските медиуми пренесуваат дека веќе имало и први разговори кои биле позитивни.

Раул Албиол ќе добие нов договор во Виљареал

Некогашниот шпански репрезентативец, Раул Албиол иако веќе има 39 години сепак нема намера да се пензионира.

Шпанецот во својата кариера настапуваше за Валенсија, Реал Мадрид, Гетафе и Наполи, а во последните шест сезони ги брани боите на Виљареал.

Во актуелната сезона во дресот на „Жолтата подморница“ , Албиол собра 16 настапи.

„Договорот кој го имам истекува на лето, но јас се чувствувам одлично и сакам да одиграм најмалку уште две сезони. Сепак, тука се прашува и клубот, не знам како тие размислуваат. Постојат и други опции, меѓутоа јас во овој момент сум среќен во Виљареал“, изјави Албиол.

Во септември тој ќе наполни 40 години, меѓутоа очигледно нема намера да се откаже.

Алкалоид го совлада Охрид, пелистерци први влегуваат во плеј-офот

Екипите на Алкалоид и Охрид го комплетираа 22. коло во ракометната Супер лига, а домашниот тим успеа да го скрши отпорот на незгодниот противник и го заокружи првиот дел од сезоната со уште една победа за конечно 29-26.

Серафимов со 8 голови беше најефикасен во редовите на победничката екипа, додека Ивановски го заврши натпреварот со 6 голови.

Победата на Алкалоид му одговараше и на Еурофарм Пелистер, кој со ваков епилог ќе пренесе три бода во плејоф фазата, додека Алкалоид и Вардар ќе пренесат по два бод

Филипинката Еала е сензација на Мастерсот во Мајами

Александра Еала, 19-годишната филипинска тенисерка, приреди уште една сензација на Мастерсот во Мајами. Еала, во четвртфиналето ја победи петкратната грен слем шампионка Ига Швјонтек.

Еала (140. на ВТА листата) за еден час и 41 минута ја победи второрангираната на ВТА листата со 6-2, 7-5.

Филипинката претходно победи две грен слем шампионки, Елена Остапенко и Медисон Киз.

Еала осум пати и го одзеде сервисот на фаворитката, одтако блескаше во првиот сет, во втриот успеа да се извлече и врати во мечот по предноста на Швјонтек од 2:4.

Со оовј триумф, Еала си обезбеди пласман на 75.место на ВТА листата. Еала во полуфиналето ќе игра со победничката од дуелот меѓу Ема Радукану и Џесика Пегула.

Арсенал нема да го откупи договорот на Стерлинг

Првите луѓе на Арсенал и тренерот, Микел Аретата, не се задоволни од ефектот на фудбалерот, Рахим Стерлинг, наведуваат дел од медиумите во Англија.

Наводно, челниците на „топџиите“ ги информирале колегите од Челзи дека не планираат да ја искористат опцијата на крајот на сезоната и да му го откупат договорот.

Англичанецот кој e позајмен за една сезона, досега има одиграно 12 натпревари за Арсенал но, не успеа да се запише во листата на стрелците.

МотоГП во Валенсија до лето 2031

Најдобрите мотоциклисти во светот ќе продолжат да се натпреваруваат на трките од Светскиот шампионат во Валенсија до 2031 година, објави раководството на натпреварувањето на својата веб-страница.

Валенсија традиционално е домаќин на последната трка од сезоната, а како што е наведено на веб-страницата на MotoGP, оваа трка постојано ја освојувала наградата за најдобар настан во сезоната.

Неговата најголема предност е големата видливост над патеката, бидејќи гледачите имаат одличен поглед практично од секое место покрај патеката.

Минатата година трката во Валенсија не се одржа поради последиците од катастрофалните поплави кои го зафатија овој дел од Шпанија на крајот на годината.

„Ова е најдобрата вест. За патеката Рикардо Тормо, продолжувањето до 2031 година значи дека работиме добро во последните 25 години и дека ја имаме поддршката од Владата и MotoGP. Мотоциклизмот има силна традиција во оваа средина. По една година прекин поради поплавите, ние сме воодушевени од поддршката“, изјави директорот на трката Рикардо Тормо.

Баерн го загуби Дејвис до крајот на сезоната

Тежок удар доживеа Баерн Минхен во решавачкиот дел од сезоната. Левиот бек, Алфонсо Дејвис, поради повред на лигаментите во коленото ја заврши сезоната.

Алфонсо Дејвис, поради болки во коленото, пред три дена го напушти теренот во 12. минута против САД. Во борбата за третото место во Лигата на нации во КОНКАКАФ зоната, Канада ги победи САД (2-1), а Дејвис по натпреварот на новинарите им кажа дека се повредата не е сериозна.

Сепак, деталните прегледи дијагностицираа кинење на лигаментите во коленото.

Канаѓанецот во тековната сезона одигра 31 натпревар, постигна три гола и забележа исто толку асистенции.

Инаку, Дејвис на почетокот на февруари конечно ги прифати условите кои му беа понудени и се обврза на соработка до летото 2030.

Еурофарм Пелистер потпиша со полски десен бек

Полскиот ракометар, Анџеј Видовски, ќе биде ново име во составот на Еурофарм Пелистер за наредната сезона.

Станува збор за 22-годишен играч кој ќе дојде од екипата на Гвардиа Ополе. Десниот бек кој е висок 186 сантиметри настапува и за полската репрезентација.

Тој со битолчани ќе има договор до 2027 година.

Ралф Рангник од јуни ја презема Борусија Дортмунд

Селекторот на фудбалската репрезентација на Австрија, Ралф Рангник ги одбројува последните месеци од својот мандат како селектор на националниот тим, бидејќи медиумите во Германија пишуваат дека тој е во напредни преговори со Борусија Дортмунд за преземање на функцијата спортски директор.

И покрај тоа што договорот со оваа средноевропска репрезентација му истекува на крајот на оваа календарска година, големи се шансите популарниот „Професор“ да го скрати мандатот и на лето да му се врати на клупскиот фудбал.

Без разлика што Рангник веќе водел прелиминарни преговори со Борусија, германски „Билд“ пренесува дека елиминацијата од Србија и пропуштената шанса да ја одведе Австрија во елитната дивизија од Лигата на нации може да го забрза заминувањето на искусниот тренер.

Самиот Рангник изјави дека поразот од Србија нема да влијае на примарна цел на Австрија да се пласира на Светското првенство следната година.

Првите предизвици Австрија ги очекува во јуни на стартот од квалификациите, каде во првата половина од месецот ќе ги одмери силите со Романија и Сан Марино, па останува да се види дали квалификациите ќе го започне со Рангник на клупата или без него.

Она што дополнително ја усложнува ситуацијата е тоа што местото спортски директор на Борусија е веќе пополнето, бидејќи функцијата ја обавува пораншениот играч на овој клуб, Себастијан Кел.

«< 114 115 116 117 118 >»