Карло Анчелоти нема некои големи планови за следниот преоден рок. Генерално, Реал Мадрид не носи премногу фудбалери во јануари, така ќе биде и во овој случај.
„Па, не размислуваме за преодниот рок во текот на зимата. Ова е тимот што ќе го имаме до крајот на сезоната. Нема да го менуваме“, одговори Италијанецот.
Анчелоти вели дека тимот ќе ги има на располагање Модриќ, Себаљос, Валверде, Маријано и Родриго.
Фудбалерот на мексиканскиот клуб УНАМ Пумас, Дани Алвеш тренира со младинскиот тим на Барселона за одржување на формата.
Според прес-службата на каталонскиот клуб, 39-годишниот се надева дека ќе биде вклучен во репрезентацијата на Бразил за претстојното Светско првенство во 2022 година.
Алвеш ја заврши сезоната во мексиканската лига на 1 октомври, па треба да се одржува во форма пред почетокот на Мундијалот. Светското првенство во Катар ќе се одржи од 20 ноември до 18 декември.
Во саботата на 29.10.2022 во Струга се одржа уште еден успешен тим билдинг кој го реализираа спортските обложувалници Евротип, Голд Слот клубовите, СН финансиско друштво, ЈК Травел, P2P, како и домаќинот Интернационален Универзитет Струга, под името SPARTAN RACE 2022.
Тим билдингот беше од натпреварувачки карактер каде тимовите се надигруваа во физички и ментални вештини во универзитетскиот двор во Струга.
На тим билдингот зедоа учество 19 екипи каде преовладуваше натпреварувачкиот дух, а дружењето и забавата беа главниот акцент на настанот.
Најдобрите беа наградени од покровителите на настанот, а тоа беа:
Настанот заврши со дружба на ручек покрај езеро каде тимовите ги собираа своите впечатоци и се договараа веќе за нареден тим билдинг.
Честитки за сите!
Наскоро, се гледаме повторно!
Англискиот портал Атлетик, пренесува дека фудбалерот на Париз Сен Жермен Лионел Меси тајно преговара за трансфер во Интер од Мајами.
Аргентинскиот фудбалер има договор со ПСЖ до крајот на сезоната, па во летниот период тој може да замине во друг клуб без обештетување. Самиот Меси неодамна изјави дека се уште нема донесено одлука во кој клуб ќе ја продолжи кариерата, но според информациите од Атлетик, поранешниот англиски репрезентативец Дејвид Бекам, кој е еден од сопствениците на Интер од Мајами е уверен дека може да го убеди Аргентинецот својата кариера да ја продолжи во МЛС лигата и во клубот од Мајами.
Одлуката на Меси околу својата иднина може да се очекува после завршетокот на Мундијалот во Катар.
Италијанскиот дефанзивец, Леонардо Спинацола заврши со настапите за Рома за оваа година.
Следниот натпревар Спинацола ќе го игра во 2023 година и тој не е во комбинација за денешниот дуел со Верона. Спинацола заработил повреда на левиот квадрицепс за време на последниот тренинг пред дуелот со Верона.
Првичните информации од медицинскиот тим се дека тој ќе отсуствува најмалку 2-3 недели. Ова значи дека нема да може да и помогне на Рома во големото дерби со Лацио, како и во дуелте со Сасуоло и Торино. Исто така Мурињо ќе биде без него во Лигата на Европа против Лудогорец.
Тој ќе биде во составот на Рома за време на подготовките во текот на Светското првенство кои ќе се одвиваат во Јапонија. Освен Спинацола Мурињо не може да смета ниту на Матиќ, Дибала и Вајналдум.
Американската пливачка Кети Ледецки постави нов светски рекорд во кратки базени во дисциплината 1.500 метри слободен стил, испливувајќи ја патеката на ФИНА Светскиот куп во Торонто за речиси десет секунди побрзо од досегашното најдобро време кое беше во сопственост на Германката Сара Велброк.
Ледецки, која во кариерата има освоено десет олимписки медали, ја исплива патеката во време од 15:08.24 минути, што беше за повеќе од 40 секунди побрзо од второпласираната Беатриз Дизоти од Бразил (15:48.82).
„Ова беше прв пат да пливам во оваа дисциплина во кратки базени и не знаев што да очекувам“, изјави Ледецки, која е актуелна олимписка и светска првенка на долги патеки.
Александар Васоски останува тренер на фудбалскиот прволигаш Академија Пандев. Васоски си поднесе оставка од тренерската позиција после поразот од Работнички со 0:2, но раководството на струмичкиот клуб сепак не ја прифати оставката. Раководството на Академија Пандев верува дека Васоски и понатаму е вистинско решение за екипата и дека заедно со фудбалерите ќе успеат да ја пребродат резултатската криза.
Академија Пандев се наоѓа на претпоследното место на табелата во Првата лига, и има освоено само осум бодови.
Италијанскиот тренер Стефано Пиоли го продолжи договорот со Милан до 2025.година.
Пиоли е тренер на Милан од 2019.година, и минатата сезона успеа да ја освои шампионската титула во серија А, што е прво Скудето за росонерите после 11 години.
Милан има изгледни шанси да се пласира во нокаут фазата од Лигата на шампиони, за прв пат од сезоната 2013/14. За ова на миланезите му е потребен само бод против екипата на Салцбург на натпреварот кој се игра во Милано.
Пол Погба сигурно нема да игра на Светското првенство во Катар. Погба започна да тренира со првиот тим на Јувентус, но веднаш повторно се повредил. Во прашање сега е повреда на бутниот мускул поради која ќе отсуствува десетина дена што значи дека ќе има само две недели да се спреми за Мундијалот и тешко е да се верува дека во таква ситуација ќе заигра за Франција.
Од претходно е познато дека повредата на метатаразлната коска Погба нема да игра до 2023 година за Јувентус, меѓутоа се надеваше дека ќе се опорави пред Светското првенство, меѓутоа како што стојат работите тоа нема да биде случај.
Италијанскиот клуб Интер денес соопшти дека напаѓачот Ромелу Лукаку повторно се повреди. Тој заработи нова повреда на мускулот поради што ќе треба да се направат дополнителни прегледи во текот на наредните неколку денови.
Репрезентативецот на Белгија штотуку се врати во тимот после два месеци отсуство, но сега повторно се соочува со нова пауза.
Екипата на Интер веќе обезбеди пласман во осминафиналето од Лигата на шампионите, а Лукаку нема да може да настапи на дуелот со Баерн во Минхен.
