Тренерот на Јувентус, Масимилијано Алегри го прифати поразот од Интер во италијанското дерби. Бјанконерите на домашен терен беа поразени со 0:1 од нероазурите. Стрелец на голот за победа на Интер беше Хакан Чалханоглу кој го совлада голманот на Јуве со удар од белата точка.

„Јувентус не е во битка за Скудетото.Сега наша цел е да освоиме што повеќе бодови и да го обезбедиме четвртото место. Потоа мора добро да се подготвиме за новата сезона со цел освојување на Серија А.

ПСЖ се уште е со идеја да го задржи напаѓачот Килијан Мбапе во своите редови. Парискиот клуб е подготвен да му ја даде капитенската лента на 23-годишниот Французин за да го убеди да остане.

Според изворот, актуелниот капитен на ПСЖ, Маркињос е на удар на критики по елиминацијата на клубот од Лигата на шампионите. Неговите лидерски квалитети не му одговараат на раководството, па капитенската лента може да стане аргумент на парижаните во преговорите за продолжување на договорот со Мбапе. Мбапе е во ПСЖ од 2017 година.

23-годишниот фудбалер постигна 26 гола и даде 17 асистенции на 37 натпревари за Пари Сен Жермен оваа сезона. Договорот на играчот со тимот истекува на крајот од сезоната. Неговата пазарна вредност се проценува на 160 милиони евра.

Пари Сен Жермен им се приклучи на Манчестер Јунајтед и Арсенал во трката за потписот на крилниот напаѓач на Ајакс, Ентони. Бразилецот се покажа како еден од најголемите таленти на Ајакс. Оваа сезона тој веќе има 12 гола и 10 асистенции во сите натпреварувања, а шест од неговите погодоци се во Лигата на шампионите.

За Ентони интерес има дуото од премиерлигата, Манчестер Јунајтед и Арсенал, а Французите тврдат дека и ПСЖ им се придружил во битката за потписот на бразилскиот талент.

Сумата која Ајакс ја бара за него е околу 35 милиони евра.

Манчестер Јунајтед минатото лето го доведе Рафаел Варан од Реал Мадрид, но тука не завршија проблемите со одбраната на „црвените ѓаволи“.

Французинот од доаѓањето на „Олд Трафорд“ се соочува и со чести повреди, па затоа Линделоф и критикуваниот Мегваер го сочинуваат стоперскиот тандем. Спред англиските медиуми на мета на Манчестер Јунајтед е фудбалерот на Виљареал, Пау Торес.

Шпанецот веќе неколку сезони игра одлично во дресот на „жолтата подморница“, а стигна и до репрезентацијата на Шпанија. Неговата цена на трансфер пазарот изнесува 50 милиони евра.

Екипата на Лестер Сити размислува ова лето да го продаде играчот од средниот ред Џејмс Медисон.

Тренерот Брендан Роџерс сака три нови имиња како засилувања со кои ќе го обнови својот тим, после слабата сезона, пишува „Дејли мејл“.

Раководството на Лестер е подготвено да му даде поддршка на Роџерс, но за тоа да се оствари најверојатно ќе мора да продадат некој играч за да се привлечат финансии во клубот. Како играч на кој ќе му се дозволи да замине од клубот се споменува Џејмс Медисон за кој Лестер ќе бара околу 50 милиони фунти. 

Шпанскиот дефанзивец Серхио Рамос нема намера да ја напушти екипата на Париз Сен Жермен во текот на летото, пренесуваат извори блиски до фудбалерот. Целта на Рамос е да покаже дека уште е способен да освојува титули.

Поранешниот капитен на Реал Мадрид, одигра само 4 натпревари за ПСЖ во Лига 1 . Долго време се мачи со повреди, и никако да влезе во посакуваната форма. 

Според информациите, тој е свесен дека не ги исполни очекувањата на навивачите и на клубот поради постојаните повреди и сака да му се оддолжи на истите останувајќи уште една сезона во Париз.

Луис Суарез може да ја продолжи кариерата во МЛС лигата. Интер Мајами е заинтересиран за услугите на 35-годишниот уругвајски фудбалер. Атлетико наводно одлучил да не го продолжи договорот со Суарез. Така Суарез на лето со слободен трансфер може да се пресели во клубот од МЛС лигата. Да потсетиме дека Суарез игра за Атлетико Мадрид од 2020 година, се пресели од Барселона за 7 милиони евра.

Оваа сезона напаѓачот учествуваше во 29 натпревари од Ла Лига, постигна 11 гола и даде 2 асистенции. Пазарната вредност на Суарез се проценува на 10 милиони евра. Неговиот договор со шпанскиот клуб истекува на крајот од сезоната.

Поранешната светска и олимписка фудбалска шампионка со селекцијата на САД, Хоуп Соло е уапсена поради возење во пијана состојба, соопшти американската полиција. Во нејзиниот автомобил имало и две деца, за кои се верува дека се нејзините 2-годишни близнаци.

Според извештајот, апсењето се случило во четвртокот на паркингот пред трговскиот центар во Винстон-Салем, Северна Каролина. Покрај тоа што возела во алкохолизирана состојба, поранешната голманка на САД е обвинета и за давање отпор при апсење и загрозување на здравјето на децата.

Таа е пуштена од притвор и треба да се појави на суд на 28 јуни.