Фудбалерот на Челзи и француски репрезентативец Нголо Канте нема да настапува на претстојното Светско првенство во Катар.

Во соопштението на Челзи се наведува дека Канте поради операција на бутниот мускул ќе мора да паузира четири месеци. Фудбалерот пред неколку недели се врати на тренинзите, меѓутоа повторно ја обнови повредата поради што мораше да оди на операција. Канте се повреди на 14.август на натпреварот против Тотенхем во Премиер лигата.

Канте настапува за Франција од 2016 година, и беше дел од тимот кој пред четири години го освои Мундијалот во Русија.

Францускиот елитен клуб Монпелје го отпушти тренерот, Оливие Дел Олио, по седмиот сезонски пораз.

Клубот соопшти дека еден од помошните тренери, Ромен Пито, ќе биде времено главен на клупата до паузата за Светското првенство во Катар. Оливие Дал’Олио беше назначен за шеф на Монпелје во 2021 година на местото на Мишел дер Закаријан.

Монпелје во тековнава сезона во домашниот шампионат има само четири победи во 11 кола.

Најскапото засилување во историјата на Атлетико Мадрид, Жоао Феликс не е задоволен од односот на тренерот Диего Симеоне и сака да си замине во јануари.

Младиот Португалец веќе пет меча седи на клупата за резерви и јавно почна да го искажува своето незадоволство. Шпанските медиуми пренесуваат дека Феликс е огорчен од ситуацијата и побарал да го напушти клубот во јануари.

Иако клубот тврди дека нема намера да го продаде, сепак одлуката на Феликс е конечна и неговиот менаџер Жорге Мендеш веќе почна да му бара нов клуб.

Тренерот на Ливерпул, Јирген Клоп, ја извести јавноста дека португалскиот фудбалер Диого Жота поради повреда ќе го пропушти претстојното Светско првенство во Катар.

Жота се повреди на дерби натпреварот против екипата на Манчестер Сити кој Ливерпул на Енфилд го доби со резултат 1:0.

Тренерот Клоп не прецизира колку долго Жота ќе мора да паузира од играње фудбал, но потенцира дека се работи за период од неколку месеци.

Жота се очекуваше да биде стандарден член во португалската репрезентација која на Мундијалот во Катар ќе настапува во група со Гана, Јужна Кореја и Уругвај.

Според пишувањата во италијанската Газета дело Спорт, напаѓачот на Интер, Лаутаро Мартинез е трансфер желба на Париз Сен Жермен и Манчестер Јунајтед во јануарскиот преоден рок.

Двата клуба наводно веќе оствариле контакт со 25-годишниот Аргентинец, чиј договор со Интер важи до 2026 година. Според информациите од Газета, Лаутаро првично изразил желба да остане во Интер, но треба да се почека како ќе се одвиваат понатамошните разговори.

ПСЖ сака преку Мартинез кој е добар пријател со Меси да го убеди да остане во клубот од Париз, додека на Манчестер Јунајтед му е неопходен нов напаѓач бидејќи очигледно тренерот Тен Хаг не смета сериозно на Кристијано Роналдо.

Паоло Малдини добил задача во јануари да се обиде да го доведе фудбалерот на Блекбурн, Бен Берететон Диаз. Одличниот напаѓач сезонава игра добар фудбал, а има само 23 години.

Во Милан се свесни дека полека треба да го менуваат напаѓачкиот тандем затоа што и Жиру и Ибрахимовиќ се во залезот на кариерата. Минатата сезона во Чемпионшип Диаз постигна 22 гола и подели три асистенции.

Со добро темпо продолжи и оваа и досега има седум голови на 15 натпревари. Очигледно станува збор за одличен голгетер кој би можел да биде одличен тандем со Рафаел Леао.

Фудбалерот на Париз Сен Жермен и капитен на Аргентина Лионел Меси, изјави дека Бразил и Франција се најголеми фаворити за освојување на титулата на Мундијалот во Катар.

Меси избегна да ја смести и својата Аргентина во кругот на фаворити на претстојното Светско првенство кое ќе се одржи од 20.ноември до 18.декември оваа година.

Аргентина на СП ќе настапи во групата Ц заедно со Саудиска Арабија, Мексико и Полска. Бранител на светската титула е селекцијата на Франција.

Азиската фудбалска конфедерација потврди дека Катар ќе биде домаќин на Азискиот Куп 2023 година. Покрај Катар, во комбинација за домаќини беа уште и Јужна Кореја и Индонезија.

Исто како што е случајот со Светското првенство, и Азискиот куп во Катар наместо на лето ќе се одржи на зима.

Тоа ќе претставува проблем за клубовите кои имаат азисики фудбалери бидејќи во сред сезона ќе треба да ги пуштат да играат за своите репрезентации.

Тренерот на Тотенхем Антонио Конте во изјава за медиумите тврди дека фудбалерот Ричарлисон ќе игра за бразилската репрезентација на СП во Катар и покрај повредата која ја заработи на натпреварот со Евертон .

Конте потврдува дека Бразилецот нема да биде во составот на Тотенхем за натпреварот од 12.коло на Премиер лигата со Манчестер Јунајтед.

Бразил на СП во Катар ќе настапува во групата Ц, заедно со Србија, Швајцарија и Камерун.