Мурињо е силно заинтересиран за ѕвездата на Кристал Палас, Вилфред Заха и сака да го донесе на „Олимпико“.

Заха сега влезе во последната година од договорот и инсистира да ја промени средината, па поради тоа не сака да го продолжи договорот. Мурињо сака да ја искористи таквата ситуација и да го донесе во Рома без обештетување следното лето.

Мурињо верува дека Заха одлично ќе се вклопи во неговиот тим и ќе биде идеален партнер за Абрахам, па веќе стапил во контакт со неговиот агент.

„Волчицата“ сака да ја победи конкурецијата од англиските клубови и што побрзо да постигне договор со Заха.

Челзи ова лето беше еден од најактивните клубови на трансфер пазарот, а новиот сопственик е спремен повторно да потроши многу пари на трансфер пазарот.

Англиските медиуми пишуваат дека Челзи е заинтересиран за четири фудбалери од Бундеслигата на кои Боели ќе потроши околу 300 милиони евра.

„Сините“ веќе го договорија трансферот на Кристофер Нкунку од Лајпциг за кого ќе платат 60 милиони евра.

Заедно со Нкунку во Челси треба да дојде и неговиот тимски колега и хрватски дефанзивец Јошко Гвардиол за 90 милиони евра.

Организаторите ги објавија имињата на 20-те финалисти кои оваа година ќе се борат за престижната награда „Златно момче“.

Наградата „Голден Бој“ се доделува на најдобрите фудбалери под 21 година во организација на италијанскиот спортски весник „Тутоспорт“.

Карим Адејеми (Борусија Дортмунд)

Антонио Силва (Бенфика)

Џуд Белингем (Борусија Дортмунд)

Едуардо Камавинга (Реал Мадрид)

Фабио Карваљо (Ливерпул)

Ансу Фати (Барселона)

Гави (Барселона)

Вилфред Њото (Лидс)

Рајан Гравенберх (Баерн Минхен)

Јошко Гвардиол (Лајпциг)

Фабио Мирети (Јувентус)

Џамал ​​Мусиала (Баерн Минхен)

Нико Гонзалез (Барселона, позајмица во Валенсија)

Нуно Мендеш (Пари Сен Жермен)

Педри (Барселона)

Џорџо Скалвини (Аталанта)

Бенџамин Шешко (Салцбург)

Матијас Тел (Баерн Минхен)

Дестини Удоги (Тотенхем, позајмица во Удинезе)

Никола Залевски (Рома)

Барселона во текот на целото лето се обидуваше да го продаде Френки Де Јонг, но без успех, па Холанѓанецот остана на „Камп Ноу“.

Барселона се договори со Манчестер Јунајтед за трансфер вреден 85 милиони евра за 25-годишниот фудблер од средниот ред, но тој одби да разговара за трансфер.

Потоа интерес за него покажаа и Челзи и Баерн Минхен, а Барса од него побара да замине или да прифати намалување на патата.

За Барселона најголем проблем е високата плата, бидејќи Де Јонг оваа сезона треба да добие 18 милиони евра, заедно со заостанатите бонуси од минатите сезони. Поради тоа Барселона повторно ќе се обиде да го продаде во зимскиот преоден рок, а неколку европски гиганти се заинтересирани за Де Јонг.

Наводно и самиот Холанѓанец сега е решен да ја промени средината бидејќи е разочаран од односот на клубот кон него и малата минутажа.

Британскиот весник Телеграф пренесува дека германскиот тренер Томас Тухел бил заинтересиран за водење на англиската фудбалска репрезентација.

Тухел пред еден месец заработи отказ во премиерлигашот Челзи каде освои вкупно три трофеи меѓу кои и оној во Лигата на шампиони.

Актуелниот селектор на Англија Гарет Саутгејт има договор за водење на репрезентацијата до јуни 2024.година, но неговата позиција со сигурност ќе зависи од пласманот на „гордиот албион“ на СП во Катар, каде Англија е во група со САД, Иран и Велс.

ПСЖ загубил повеќе од 300 милиони евра во последната финансиска година, објави венсикот „Ле Паризиен“.

Ова е трета последователна сезона, како парижани се во минус и губат повеќе од 100 милиони евра. За сезоната 2019/20 загубите изнесуваа 124 милиони евра, за сезоната 2020/21 – 224 милиони евра, а за сезоната 2021/22 – речиси 350 милиони евра.

Според проценките, најголемиот дел од загубите се поради влијанието на коронавирусот, но и поради намалување на приходите од продажба на билети, како и од се поголемите плати во тимот.

Реал Мадрид издвои големо богатство за Еден Азар, но Белгиецот никогаш не ги оправда очекувањата на „Камп Ноу“.

Претседателот на Реал Мадрид, Флорентино Перез е подготвен да го раскине договорот со 31-годишниот Белгиец за да го олесни буџетот за плати, пренесува „Ел Национал“.

Раководството на „кралевите“ донело ваква одлука поради односот на Азар кон тренажниот процес и поради фактот што ретко добива шанса кај Анчелоти.

Челзи ќе се обиде да ја прекине позајмицата на Денис Закарија уште во јануари.

25-годишниот играч за врска пристигна на „Стенфорд Бриџ“ од Јувентус во последните денови од преодниот рок. Закарија до сега не одигра ниту една минута за „сините“, па клубот сака да ја прекине позајмицата во јануари.

Јасно е дека за него во Јувентус нема место во моментов, па ќе може да се пресели во друг клуб, но само доколку не запише настап за Челзи.

Играчот на Челзи Н`Голо Канте повторно е надвор од тимот поради повреда, и според весникот „Лекип“, тој би можел да го пропушти учеството на Светското фудбалско првенство во Катар.

Повредата на Канте не била наивна и тој ќе мора да паузира неколку недели, па прашање е дали селекторот на Франција Дидие Дешамп ќе го вклучи играчот во тимот кој ќе настапи во Катар.

Канте долг период е еден од клучните фудбалери во репрезентацијата на Франција која е актуелен светски првак.