Премиерлигашот Манчестер Јунајтед планира да се раздели со 32-годишниот дефанзивец Хари Мегваер и на негово место тоа да го ангажира 22-годишниот фудбалер на Евертон, Џаред Брантвејт.

Според истиот извор, Јунјатед долго време ја разгледувал можноста да го продаде Мегваер, но трансферот бил попречен во последните два преодни рока поради високите барања за плата на Англичанецот.

Сега Јунајтед е подготвен да инвестира во млад централен дефанзивец, а според англиските медиуми Евертон за услугите на Брантвејт бара сума од околу 80 милиони фунти.

Мегваер го носи дресот на Манчестер јунајтед од 2019 година. Досега за тимот од „Олд Трафорд“ одигра 234 натпревари.

Неговиот договор со Јунјатед е до лето 2026 година. Пазарната вредност на Мегваер се проценува на 15 милиони евра.

Пред Суперкласико, како што Јужноамериканците го нарекуваат дербито меѓу Аргентина и Бразил, кое се играше во Буенос Аирес во 14. коло од квалификациите за СП, Аргентина обезбеди пласман на Светското првенство следната година, на пет кола пред крајот на квалификациите. Тоа покрај нејзините одлични резултати и го овозможи нерешениот резултат меѓу Боливија и Уругва (0:0).

На стадионот на Ривер Плата „Монументал“, Аргентинците без Лионел Меси и Лаутаро Мартинез го декласираа Бразил со 4:1.

Натпреварот резултатски, но коа станува збор за ривалствот тоа е нешто друго. За полувреме „гаучосите“ ја наполнија мрежата на Бразил.

Стрелци за домашните беа Хулијан Алварез во 4. минута, Енцо Фернандез во 12. минута, Алексис Мекалистер во 37. минута и Џулијано Симеоне во 71. минута. Стрелец на единствениот гол за Бразил беше Матеус Куња во 26. минута.

Фудбалерот, Раул Асенсио, кој се позиционира во првиот тим на Реал Мадрид, потпиша нов договор до летото 2029 година.

22-годишниот играч максимално ја искористи шансата што му ја даде Анчелоти по серијата повреди на стандардните првотимци.

Младиот дефанзивец во сезонава има 30 натпревари од кои дел се во Лигата на фудбалските шампиони.

Селекторот на македонската фудбалска репрезентација, Благоја Милевски, на прес-конференцијата по натпреварот со Велс им честиташе на играчите за прикажаното и изрази задоволство од освоениот бод, со оглед на сериозноста на противникот и се што се случуваше на натпреварот.

„Велс е исклучително сериозен тим, составен од играчи кои настапуваат во најсилните лиги, Премиер лига и Лига 1. Беа агресивни, физички подготвени, но нашите фудбалери покажаа дека напредуваат со секој изминат натпревар, иако сметам дека уште малку ни фали за да се носиме со подобри репрезентации кои играат на топ-ниво.

Нема простор за големо разочарување, Македонија покажа дека може да биде рамо до рамо со силните селекции од стариот континент. Не би рекол дека се израдувавме прерано, примениот гол беше наша грешка, но има и такви моменти. Моравме да останеме фокусирани до самиот крај, но не верувам дека грешката дојде поради некаква еуфорија.

Мислам дека сите треба да бидеме горди, благодарност за големата поддршка од трибините, се надевам дека им возвративме на навивачите со нашата тактичка дисциплинираност и пожртвуваност. Да останеше 0-0, можеби ќе бевме позадоволни, вака останува горчината дека бевме многу близу до трите бода“, изјави Милевски.

По две одиграни кола во овие квалификации, Македонија сепак останува лидер на табелата со вкупно четири бода, колку што има и Велс.

Јан Вертонген на крајот од оваа сезона ќе ја заврши кариерата. Белгискиот дефанзивец и рекордер по бројот на настапи за белгиската репрезентација ќе ја заврши кариерата како играч на Андерлехт каде ги мина последните три сезони.

„Во последните неколку недели ми стана јасно дека ова ќе бидат моите последни натпревари. Одлуката не беше лесна, но е вистинската. Забележав дека ми е се потешко физички да се подготвам за тренинзи и натпревари и да се претставам како играч каков што сакам да бидам. Затоа ќе престанам по оваа сезона”, објасни Вертонген.

Вертонген ја започна својата кариера во Ајакс, каде играше од 2006 до 2012 година. Во првата сезона тој беше позајмен во Валвијк. Потоа мина осум години во Тотенхем, а пред Андерлехт играше и за Бенфика. За Белгија играше 157 пати, што го прави рекордер по бројот на настапи. Тој се повлече од националниот тим по Европското првенство во Германија.

Италијанските фудбалски гиганти Милан и Интер направија важен чекор кон изградба на нов стадион со презентирање на деталниот план до градските власти на Милано. Проектот вклучува изградба на модерен спортски комплекс во областа Сан Сиро, каде што моментално се наоѓа легендарниот стадион „Џузепе Меаца“.

Според планот што го претставија клубовите, тие имаат намера да го преземат стадионот стар 98 години и придружното земјиште од градот Милано. Централниот дел на проектот е нов стадион со капацитет од 71.500 седишта, чија изградба се очекува да чини околу 700 милиони евра. Но, покрај самата арена, планот вклучува и сеопфатен развој на околината, која ќе се трансформира во мултифункционална спортска зона.

Проектот предвидува изградба на музеј посветен на историјата на двата клуба, продавници, деловни простории, хотели и пространи зелени површини. Планот содржи и предлог за „рефункционализација“ на сегашниот стадион, со цел да се зачува неговата историска вредност и да се прилагоди на нова намена. Дополнителните трошоци за реновирање на целиот комплекс се проценуваат на 500 милиони евра.

Според сегашниот план, новиот стадион треба да биде завршен до 2031 година, со што Милано ќе добие еден од најмодерните фудбалски објекти во Европа.

Манчестер Сити не се откажува од фудбалерот на Реал Мадрид, Родриго. Медиумите на Принејскиот полуостров трврдат дека клубот започнал преговори со луѓето блиски до крилниот напаѓач.

Бразилецот повеќепати јавно изјави дека сака да остане во Реал, но тоа не ги спречи Манчестер сити и Ливерпул да продолжат да покажуваат интерес. Родриго наводно ја одбил понудата на Сити минатото лето. Сето ова не го обесхрабри клубот.

Пеп Гвардиола е голем фан на Родриго, а Сити планира голем ремонт на тимот ова лето, Кевин Де Брујне и Бернардо Силва со голема веројатност ќе го напуштат клубот. Според тврдењата на некои шпански медиуми, Сити неодамна одржал состанок со таткото на Родриго.

Сити нуди поголема плата од онаа што фудбалерто ја има во Реал и слобода во играта Новинарот Едуардо Инда, тврди дека таткото на Родриго и неговиот тим негираат дека средбата се случила, но според неговите извори, средбата се случила пред две до три недели.

Иран е шестиот учесник на Светското првенство во фудбал во 2026 година.

По организаторите: САД; Канада и Мексико, низ квалификациите пласман изборија Јапонија, Нов Зеланд и Иран. Во осмото коло од квалификациите во Азија, Иранците пред своите гледачи ремизираа со Узбекистан 2-2.

Двоен стрелец за Иран беше напаѓачот на Интер, Мехди Тареми.

Со ова реми, на две кола пред крајот, селекцијата на Иран и теоретски обезбеди едно од првите две места кои водат директно на Мундијалот.

По натпреварот славеа домашните фудбалери, а наскоро историски пласман на Мундијалот би можеле да слават и во Узбекистан. Узбекистанците имаат четири бода повеќе од Обединетите Арапски Емирати.