Напаѓачот на ПСЖ, Килијан Мбапе е очигледно незадоволен во својот сегашен клуб, па затоа играчот не е сигурен за својата иднина во тимот. Според „L’Équipe“, една од причините за неговиот револт, покрај незадоволството од работата на управата на клубот на трансфер пазарот, е и доцнењето на исплатата на платите.

Во информацијата се вели дека пред натпреварот на почетокот на октомври со Бенфика, францускиот напаѓач забележал дека платата за септември се уште не му е префрлена на сметката. Откако во печатот протекоа информации за незадоволството на Мбапе, играчот сè уште ги нема добиено парите. Неколку дена подоцна, на играчот му беше исплатен само дел од платата. Играчот продолжи да бара одговори од раководството на ПСЖ, но не беше задоволен од ниту едно објаснување од нивна страна. Некои посочија на проблеми со сметките, други – проблеми со Федерацијата.

Прашањето оттогаш е решено, а претставниците на Мбапе одбија дополнително да коментираат за ситуацијата. Од прес-службата на парискиот гигант изјавија за медиумите дека на играчот му биле исплатени сите суми договорени според договорот, а доцнењето го нарекоа како вообичаена работа што се случува во сите клубови.

Финската фудбалска репрезентација на пријателскиот натпревар против Македонија, ќе допатува без својот најдобар играч Тимо Пуки.

Пуки кој е голгетер на англискиот клуб Норвич поради повреда ќе го пропушти дуелот со Македонија во Скопје кој е закажан за четврток во 18 часот.

Освен првата ѕвезда во тимот, селекторот на Финска Марку Канрева нема да може да смета и на фудбалерот на Глазгов Ренџерс, Глен Камара кој исто така е повреден.

Тренерот на Наполи, Лучијано Спалети може да потпише нов договор со тимот. Ова го пренесува авторитетниот новинар Николо Шира на својот Твитер.

Според изворот, раководството на наполитанците работи на продолжување на договорот со 63-годишниот тренерт. Раководството на Наполи може да ја активираат клаузулата за продолжување на договорот до 2024 година, но имаат намера со Спалети да се договорат за продолжување на работниот однос до 2025 година.

Оваа сезона Наполи е прв во Серија А со 41 бод.Самиот Спалети е на чело на овој клуб од мај 2021 година. Лучијано е познат по неговата работа со Рома, Удинезе, Анкона, Венеција, Сампдорија,Емполи и Зенит Санкт Петербург.

Напаѓачот на Тотенхем, Хјун-Мин Сон може да ја продолжи кариерата во Франција. ПСЖ е заинтересиран за потписот на 30-годишниот фудбалер и е подготвен да издвои 80 милиони евра за неговиот трансфер.

Претседателот на ПСЖ, Насер Ал-Хелаифи е лично заинтересиран за овој трансфер и има намера да се сретне со Сон за време на Светското првенство во Катар, пренесува „Ел Насионал“.

Според изворот, Сон нема да го продолжи договорот со Тотенхем, кој истекува во 2025 година. Од Тотенхем се подготвени да заработат од неговата продажба доколку дојде добра понуда и ПСЖ се надева дека 80 милиони евра ќе бидат доволни. Сон постигна пет гола и даде две асистенции на 19 натпревари во сите натпреварувања оваа сезона.

Поранешниот аргентински фудбалски репрезентативец Мартин Демикелис е назначен за нов тренер на Ривер Плата. Демикелис досега работеше како тренер на втората екипа на Баерн Минхен.

41-годишниот Демикелис во Ривер Плата доаѓа на местото на Марсело Гаљардо кој на крајот од сезоната во аргентинското првенство реши да ја напушти тренерската позиција во клубот. 

Демикелис е поранешен играч на Ривер Плата каде своето деби го имаше во 2000 година.

Реал Мадрид се вклучил во трката за ѕвездата на Милан, Рафаел Леао.

Португалецот се етаблираше во еден од најдобрите млади фудбалери во Европа и беше избран за МВП на сезоната во Серија А. Скаути на „кралевите“ долго време го следат Португалецот и веруваат дека тој ќе биде новата голема ѕвезда на европскиот фудбал.

Анчелоти верува дека Леао може да игра и како крилен, но и како централен напаѓач на местото на Бензема, па поради тоа сака да го доведе на „Сантиаго Бернабеу“.

Тренерот на Абердин зборуваше дека ќе ги одби сите понуди за македонскиот репрезентативец Бојан Миовски најмалку до лето, сепак сега од Шкотска пристигнуваат поинакви најави.

Пред два дена се појави информација дека Стад Д’Рем е заинтересиран да го доведе Миовски во зимскиот преоден рок, а со оглед на тоа дека со 11 гола е на врвот на листата стрелци во Шкотска сигурно дека ќе се појават и други заинтересирани клуба.

Во Премиер лигата на Шкотска Миовски на врвот е изедначен со хрватскиот репрезентативец Антонио Чолак од Глазгов Ренџерс. Последните информации од Шкотска се дека пет милиони евра ќе бидат доволни за Абердин да го продаде Миовски уште во јануари. Таа сума од пет милиони евра е осум пати поголема од она што летоска Абердин го плати на МТК.

Играчот од средниот ред на Реал Мадрид, Тони Крос, чиј договор со шпанскиот тим истекува на крајот од сезоната, е во сферата на интерес на ПСЖ.

Парижаните се подготвени да го ангажираат 32-годишниот Германец со слободен трансфер во летото 2023 година. Тоа го пренесува „Ел Национал“.

Според изворот, ПСЖ му нуди на Крос 25 милиони евра и 100 милиони евра за потпишување бонус за тригодишен договор.

Крос се пресели во Реал Мадрид од Баерн Минхен во летото 2014 година. На 18 натпревари оваа сезона има гол и четири асистенции. Заедно со Реал Мадрид, Тони Крос освои 18 трофеи од кои четири во Лигата на шампионите.