Дани Алвес и официјално се врати во Барселона како слободен агент.

Алвес за Барселона играше од 2008 до 2016 година и беше член на еден од најдобрите генерации која се појавила на фудбалските терени.

„Во последните пет години се борев како луд за да се случи ова. Не знаев колку ќе биде тешко да се вратам, но срцето ми кажуваше дека тоа ќе се случи. Се враќам во дом, кој никогаш не сум го напуштил. Се надевам дека овој сон ќе трае вечно. Го чуствувам истиот ентузијазам како кога прв пат го облеков дресот на Барселона. Се надевам дека ќе му помогнам на клубот повторно да биде број 1 во светот“, изјави Дани Алвеш.

За фудбалерот на Манчестер Сити, Кевин Де Брујне, идејата за одржување Светско првенство на секои две години не е лоша.

Оваа идеја како предлог дојде од поранешниот тренер на Арсенал, Арсен Венгер, кој сега е шеф за глобален развој на ФИФА, но беше критикувана од УЕФА и англиската Премиер лига.

Репрезентативецот на Белгија, Де Брујне неодамна имал средба со Венгер и побарал подетални информации за неговиот предлог – „За да се реализира вакво нешто мора да се координираат федерациите на сите земји, како и УЕФА и ФИФА. Сите треба да работат заедно, но главна работа е ние како фудбалери да имаме вистински период за одмор на крајот од сезоната. Самата идеја не е лоша но треба да добиеме повеќе детали“, изјави Кевин Де Брујне.

Интер на својот голман Самир Хандановиќ и фудбалерот Иван Перишиќ ќе им понуди договори со намалување на платите.

Клубот од Милано сака да ги намали платите на играчите за речиси половина. Сега Хандановиќ добива 3,5 милиони евра годишно плус бонуси, додека Перишиќ е платен 5 милиони евра. Покрај Интер, Хандановиќ има настапувано и за Удинезе, Тревизо и Лацио. Договорот на 36-годишниот голман со миланскиот клуб е со важност до летото 2022 година.

Оваа сезона Хандановиќ одигра 12 натпревари за Интер. Договорот на Перишиќ исто така е до крајот на оваа сезона. Во сезоната 2021/22, хрватскиот играч за врска одигра 10 натпревари, постигна два гола и една асистенција.

Дефанзивецот на Челзи, Антонио Рудигер, би можел да се пресели во екипата на Баерн Минхен како замена за Никлас Суле. 

Интерес за Суле покажува премиерлигашот Њукасл Јунајтед и големи се шансите Баерн да ја прифати евентуалната понуда за него.

Екипата на Челзи води интензивни преговори со Рудигер за негово останување на „Стенфорд Бриџ“ но не може да се согласи со големите финансиски барања на Германецот, додека „баварците “ се подготвени да платат колку што е потребно за да го видат Рудигер на „Алианц Арена“.

Хрватот во дресот на Реал Мадрид, Лука Модриќ, се надева дека ќе потпише нов договор со клубот со кој би заиграл на „новиот“ клубски стадион пред да стави крај на својата кариера.

Како што пишува весникот „АС“, раководството на Реал и самиот Модриќ знаат дека неговата играчка кариера е при крај но постои расположение за продолжување на договорот на уште една дополнителна година.

36-годишниот Модриќ, во една негова изјава кажа дека сонува да заигра на реновираниот „Сантијаго Бернабеу“ кој би требало да биде завршен до крајот на 2022 година.

Играчот на Атлетико Мадрид кој настапува како позајмен играч во екипата на Челзи, Саул Нигез, би можел да се пресели во Барселона.

Шпанскиот интернационалец по доаѓањето во Челзи скоро и да не добива никакви шанси од тренерот Тухел, и големи се шансите неговата позајмица да биде прекината уште во јануари.

Екипата на Барселона и новиот тренер Чави се во потрага по играч од средината на теренот, па Саул се јавува како реална опција за пристигнување на „Ноу Камп“.

Андреј Шевченко седна на клупата на Џенова, а веќе се најавуваат и можните засилувања во овој тим. Според последните информации едно од првите засилувања би можел да биде Алексеј Миранчук кој не е во плановите во редовите на Аталанта.

Миранчук во септември минатата година потпиша за Аталанта како големо засилувања од Локомотив Москва за сума од 15 милиони евра. Сепак, во Бергамо не ги оправда очекувата.

Најавите се дека Миранчук ќе пристигне прво на позајмица со можност за откупување на договорот.

Хаким Зијеч сака да направи транфер во текот на зимскиот период бидејќи ја нема посакуваната минутажа во редовите на Челзи, најавија дел од медиумите.

27-годишниот играч беше купен од Ајакс како големо засилување , но, не успеа да се наметне во редовите на „сините“.

Според наведеното, за неговите услуги е заинтересирана екипата на Борусија Дортмунд. Наводно, луѓето од Германија стапиле во контакт со неговиот агент задолжен за трансфери.

Според информациите кои ги пренесува шпанска „Марка“, раководството на Барселона покажува интерес за доведување на напаѓачот од Челзи, Тимо Вернер.

Од весникот посочуваат дека клубот од „Ноу Камп“ сака во зимскиот период да се засили со купување на централен напаѓач како замена за Кун Агуеро, а како посакувана опција се споменува Германецот Тимо Вернер.

Во прилог на Барселона оди фактот што 25-годишниот Вернер не добива голема минутажа во тимот на Томас Тухел и падна во втор план по доаѓањето на Ромелу Лукаку во Челзи.

Флорентино Перез откри дека имал средба со Златан Ибрахимовиќ додека играше за ПСЖ, но, бил крајно разочаран од односот на шведската фудбалска легенда.

„Сакав да игра во тандем со Крситијано Роналдо. Како се одвиваа преговорите увидов дека тој сака само пари а не трофеи“, вели претседателот на „кралевите“.

„Сакаше двојно поголема плата од Роналдо, рече дека ќе преговараме само под негови услови. Му реков, збогум“, откри Перез што се случувало во преговорите со популарниот Ибра.