Лионел Меси нема да игра во последното коло од Лига 1 пред паузата за Светското првенство.
Француските медиуми откриваат дека Меси побарал од тренерот Галтие да го остави надвор од составот за натпреварот против Оксер, закажан за 13 ноември.
ПСЖ вечерва ќе му гостува на Јувентус во последното коло од групната фаза на Лигата на шампионите, по што ќе има уште два првенствени натпревари со Лориен на гости и Оксер на „Паркот на принцовите“.
НБА тимот Бруклин Нетс спогодбено се раздели со првиот тренер на екипата, Стив Неш. Разделбата доаѓа после серијата на лоши резултати на Бруклин на стартот од новата сезона.
Неш беше тренер на Бруклин Нетс од 2020.година, и тоа му беше прв договор во тренерската кариера. Како играч играше за екипите на Феникс, Далас и ЛА Лејкерс.
Бруклин во моментот е на 13.место во Источната конференција, со скор од две победи и пет порази.
Азар повеќето натпревари ги следи од клупата – само во белгиската репрезентација игра нешто повеќе. Намерата на Реал е да го продаде крилниот напаѓач, а англиските и шпанските медиуми пренесуваат дека Астон Вила е заинтересирана да го доведе Белгиецот уште овој јануари.
Вила, која неодамна ја презеде Унаи Емери, е подготвена да го врати Азар на Островот. Еден има договор со Реал до 2024 година, се уште не е јасно дали Астон Вила прво би се обидела со позајмица, па дури потоа откуп.
Клубот од Бирмингем се бори за опстанок во ПЛ, има само бод повеќе од Лестер кој е во опасната зона. Интересно би било да се врати Азар во англискиот фудбал и тоа во тандем со Фелипе Кутињо кој го носи дресот на Вила.
Арсенал ќе се обиде во јануари да ја доведе ѕвездата на Лестер, Јури Тилеманс.
Приоритет на Арсенал во зимскиот преодниот рок ќе биде засилување на средниот ред, а најголема желба на Артета е токму Тилеманс. 25-годишниот Белгиец влезе во последната година од договорот и одбива да ја продолжи соработката бидејќи сака промена на средината.
Токму тоа може да биде причината Лестер да ја прифати понудата на Арсенал бидејќи во спротивно ќе го загуби играчот без обештетување.
Меѓутоа, „топџиите“ ќе мора да ја победат конкуренцијата бидејќи за Белгиецот интерес покажуваат уште Барселона и Манчестер Јунајтед.
Шпанскиот фудбалски клуб Севиља, планира доведување на уругвајскиот напаѓач Луис Суарез. Суарез претходниот период го помина играјќи во својот матичен клуб Насионал од Уругвај, со кого ја освои и шампионската титула во првенството.
Според информациите од Шпанија, се очекува понуда за ангажман на Суарез да достави Севиља од каде и во летниот период правеа напори за реализирање на трансфер на Уругваецот.
Доколку Суарез се одлучи да потпише договор со Севиља тоа би била едногодишна соработка бидејќи според изјавите на голгетерот неговите долгорочни планови се да се пресели во Америка и да заигра во Интер од Мајами.
Марко Асенсио се предомислил во последните недели и сега е отворен кон идејата да потпише нов договор со Реал Мадрид.
Договорот на Асенсио истекува на крајот на сезоната, па иако се очекуваше дека сигурно ќе ја промени средината, сепак дојде до пресврт. Асенсио не е задоволен од лимитираната минутажа која ја добива кај Анчелоти и оваа сезона има само 246 минути на кои постигна 2 гола и 2 асистенции.
Меѓутоа, Реал му понуди нов договор и сака да го задржи, а Асенсио сега сериозно размислува да ја прифати понудата и да остане на „Сантијаго Бернабеу“.
Поранешниот шаховски светски првак, Анатолиј Карпов се здобил со повреда на главата по пад во влезот од својот дом. Неговата сопруга за руските медиуми соопшти дека Карпов се здобил со повреда на главата и е во болница во Москва.
„Во саботата го напуштивме влезот со него. Се лизна и падна. Кога стана, куцаше. Мислевме дека ја повреди нога. И отидовме во болница. Таму го задржаа. Му рекоа, дека нешто не е во ред со главата и дека има мал хематом. Според моите информации тој е свесен и не е многу страшна повредата. Треба да биде на опсервација три дена. Се надевам дека се работи за обична повреда“, изјави Наталија Буланова.
Од друга страна, „Известија“ објави дека Анатолиј Карпов е приклучен на апарати и е во вештачка кома поради дијагностициран церебрален едем, скршеници и повеќе хематоми на главата. Покрај тоа, неговата состојба е комплицирана и од хронични заболувања.
Македонскиот фудбалски интернационалец ,Никола Серафимов, кој настапува за екипата на МОЛ Фехервар, се најде во тимот на колото во првенството на Унгарија.
Македонскиот дефанзивец имаше успешен натпревар со својот тим против екипата на Хонвед и забележа победа со 1:0, со што го заслужи местото во тимот на првенственото коло. Нареден противник на Серафимов и МОЛ Фехервар е шампионот Ференцварош.
Фудбалскиот прволигаш Шкендија, објави дека го раскина договорот со бразилскиот фудбалер Вагнер Гонкалвеш после само четири месеци од неговото пристигање во клубот.
Вагнер во дресот на Шкендија одигра 10 натпревари на кои оствари една асистенција. Тој беше дел од екипата на дуелите од Лигата на конфренции. Шкендија не ги објави причините за прекинување на соработката со 26 годишниот фудбалер.
Бенџамин Павард би можел кариерата да ја продолжи во Серија А, пренесуваат италијанските медиуми.
Иднината на 26-годишниот Французин е прилично неизвесна во Баерн и тој уште во летниот преоден рок сакаше да ја промени средината.
Јувентус и Милан будно ја следат ситуацијата околу дефанзивецот и се спремни да испратат понуда во зимскиот преоден рок.
Јувентус е во потрага по дефанзивец и Алегри верува дека Павард одлично ќе се вклопи во тимот бидејќи може да игра како десен бек, но и како стопер.
