Нигерискиот напаѓач од екипата на Ватфорд, Емануел Денис, треба да ја продолжи кариерата во Премиер лигата, откако потпиша договор со Нотингем Форест.
24-годишниот фудбалер му се приклучи на Ватфорд од белгискиот Бриж во 2021 година и минатата сезона забележа вкупно 35 настапи во сите натпреварувања, постигнувајќи десет гола.
МЗТ Скопје Аеродром денес и официјално потврди дека Војдан Стојановски (34 год, 194 см) го продолжи договорот и во следните две сезони ќе остане член на македонскиот кошаркарски шампион.
Војдан имаше повеќе сериозни понуди надвор од странство, пред сѐ од Франција, но кај него победи желбата да се биде предводник на МЗТ Скопје во новата сезона и во АБА лигата.
Тој е единаесеттиот кошаркар со кој во моментов располага тренерот Александар Петровиќ, по Дамјан Стојановски, Адем Мекиќ, Бојан Крстевски, Андреј Магдевски, Дамјан Робев, Андреј Андоноски, Американците Бре Ајви, Мајк Кафи и Еван Максвел, како и српскиот интернационалец Страхиња Миќовиќ. Тука се и талентираните Димитар Иванов, Бојан Величковски и Марко Спасовски.
Тренерот на Манчестер Јунајтед Ерик тен Хаг реши да ги казни фудбалерите со вонреден тренинг после поразот во второто коло на Премиер лигата од Брентфорд со 4:0, пренесува Скај Спортс.
Тимот на Јунајтед на стартот од новата сезона во Премиер лигата претрпе два порази од Брајтон и Брентфорд. Според објавите во медиумите, Тен Хаг одлучил да го укине предвидениот слободен ден на фудбалерите, и ги казни играчите со тоа што ги натера да истрчаат 13,8 километри. Само за потсетување, фудбалерите на Брентфорд за 13,8 километри колективно повеќе претрчаа од играчите на Манчестер Јунајтед на нивниот меѓусебен дуел.
Нареден натпревар на Манчестер Јунајтед е големото дерби против Ливерпул на 22.август.
Тренерот на Реал Мадрид, Карло Анчелоти во интервју за италијански медиум изјави дека по завршетокот на соработката со „кралскиот клуб“ планира да стави крај на својата богата тренерска кариера.
„После Реал Мадрид заминувам во пензија. Со тоа ќе ја завршам мојата тренерска кариера. Реал Мадрид е клуб на највисоко можно ниво, така да има смисла својата кариера да ја завршам во овај клуб“, изјави Анчелоти.
Италијанскиот стручњак во своите два мандати на клупата на Реал освои две Лиги на шампиони, титула првак на Шпанија, Куп на Кралот, Суперкуп на Шпанија, два Суперкупа на Европа и СП за клубови.
Во кариерата Анчелоти се прослави и како тренер на на Милан, а има работено и во Реџана, Парма, Јувентус, Челзи, ПСЖ, Баерн, Наполи и Евертон.
Неговиот договор со Реал Мадрид истекува во јуни 2024 година.
Тунискиот ракометар Мохамед Суси е нов член на македонскиот вицешампион Еурофарм Пелистер.
Левиот бек на туниската репрезентација во тимот од Битола пристигнува од францускиот клуб Трембле. Трансферот на Суси ќе се официјализира откако ќе бидат завршени неопходните медицински прегледи.„РК Еурофарм Пелистер ја информира јавноста дека постигна целосен договор со тунискиот репрезентативец Мохамед Суси. До официјализација на трансферот недостигаат само медицинските прегледи кои ракометарот ќе ги реализира утре по пристигнувањето во Македонија. Клубот во текот на утрешниот ден ќе ги обелодени деталите од соработката со новиот свој член“, соопштуваат од клубот.
Најтрофејниот македонски фудбалски клуб Вардар, денеска претстави уште четворица нови играчи за наредната сезона. „Црвено-црниот“ дрес ќе го облечат Јорго Папули, 21 годишен играч од одбраната кој што дојде од романска Стеауа, Боби Целески, 25 годишен голман кој што дојде од екипата на Скопје, како и Христијан Вецески, 23 годишен играч од одбраната и средниот ред кој што дојде од екипата на Пелистер и Матеј Николов, 21 годишен играч на позицијата лев бек кој доаѓа како слободен играч.
Сите играчи потпишаа едногодишен договор со Вардар и се очекува да бидат големи засилувања во новата сезона во која скопската гордост ќе се обиде да се врати во елитата.
Некогашниот капитен на Манчестер Јунајтед, Гери Невил, после поразот на славниот тим со 4:0 од Брентфорд, во изјава за Скај Спортс вели дека е вистински успех да потрошиш милијарда фунти на засилувања а да се биде вака лош.
Манчестер Јунајтед после две одиграни кола е закован на дното од Премиер лигата без освоен бод и гол разлика 1:6.
„Ако некој мислеше дека Јунајтед не може да падне пониско сега се увери во спротивното. Ова сега е ново дно. Проблемот не е во тренерот Тен Хаг, овие играчи со последните три тренери не направија ништо, немаат самодоверба и потребна им е некаква помош“, вели Невил кој е стручен коментатор на Скај Спортс.
Невил целата своја кариера ја помина во дресот на Манчестер Јунајтед за кој одигра 19 сезони.
Баерн Минхен планира бомба за крајот на преодниот рок, а тоа е ѕвездата на Челзи, Каи Хаверц. Челзи го купи Хаверц за 80 милииони евра од Баер Леверкузен пред две години, а Германецот настапи на 93 меча и постигна 23 гола и 14 асистенции.
Хаверц е еден од најважните фудбалери на тренерот Томас Тухел, па речиси невозможно е да се замисли дека Германецот ќе си замине, иако Баерн ќе испрати понуда.
Баварскиот гигант многупати досега крадеше ѕвезди од останатите тимови, а сигурно ќе се обиде тоа да му го направи и на Челси, иако шансите за реализација на ваков трансфер се ептен мали.
Шпанскиот тенисер Пабло Карењо Буста го освои трофејот на мастерс турнирот во Монтреал, откако во финалето го совлада полскиот играч Хуберт Хуркач со 2:1 во сетови.
Дуелот помеѓу Буста и Хуркач траеше еден час и 46 минути. За освојувачот на бронзата од Олимписките игри во Токио, ова е прва мастерс титула во кариерата.
Хуркач останува на еден освоен мастерс трофеј, оној од минатата година во Мајами.
Кадетската ракометна репрезентација на Македонија го освои првото место на ЕХФ шампионатот кое се одржуваше во Летонија.
Целиот турнир младите ракометари го одиграа на високо ниво, а во финалето беа поуспешни од кадетите на Швајцарија против кои славеа со 24:22.
МВП на финалето беше избран голманот на нашата селекција Брестовац .
