„Навиваме и добиваме“ – Европско првенство со Евротип и награда за секого!
Фудбалскиот месец и Европското првенство само што започна, тоа ќе биде настанот кој ќе ја крене цела Македонија на нозе, со премиерниот настап на нашата фудбалска репрезентација на некое големо натпреварување!
Но, покрај возбудувањата кои ќе ги донесат Ангеловски и неговите избраници, спортските обложувалници Евротип не заостануваат во тоа и ја имаат најбогатата наградна игра ова лето каде ќе има за секого по нешто!
„Навиваме и добиваме“ е мотото на наградната игра во која покрај тоа што ќе ги бодриме нашите репрезентативци за успех на континенталниот шампионат, истата ќе биде можност за освојување на одлични награди кои Ве очекуваат во текот на целиот месец!
Најсреќните двајца добитници, односно оние кои во текот на Европското првенство ќе имаат тикети со највисок погоден коефициент во регуларна уплата и еден со највисок коефициент од понудата за обложување во живо, ќе бидат наградени со вреден четирицикл!
Возбудувањата не застануваат тука, па награди ќе се доделуваат и во шест етапи! Не се заборавени ниту оние „малерозни“ кои ќе промашат само еден натпревар на тикетот, па секој таков тикет кој ќе има највисок погоден коефициент (не сметајќи го промашениот пар), ќе биде наградуван со Самсунг Галакси А52 во текот на Европското првенство!
Тоа значи дека ќе бидат доделени мобилни телефони на шест среќни добитници кои ќе имаат по еден промашен натпревар на тикетот.
Не заборавајте Вашите тикети да ги уплатите со Евротип клуб картичка, а доколку истата се уште ја немате, сега е вистинскиот момент за тоа. Обратете кај операторот се во најблиското уплатно место на Евротип и искористете ги поволностите кои ги нуди истата.
Навиваме и добиваме! За најбогатите награди на Евротип и успех на Македонија на Европското првенство!
Бејтулаи: Со нетрпение го чекам дебито на Европското првенство
Дефанзивниот фудбалер на нашата репрезентација, Егзон Бејтулаи, вели дека е се чувствува одлично бидејќи е дел од селекцијата која го направи историскиот успех со пласманот на ЕП.
„Со нетрпение го очекувам. Се надевам дека во Букурешт ќе се претставиме во одлично светло и ќе успееме да ги израдуваме нашите навивачи. Секогаш давав сè од мене, во младата репрезентација до 21 година и во А селекцијата. Треба подеднакво добро да напаѓаме и да се браниме“, вели Бејтулаи.
Македонија на 13 јуни во Букурешт со почеток од 18:00 часот ќе го игра првиот натпревар против Австрија во рамките на групата „Ц“ од Европското првенство.
Тричковски: Првиот натпревар секогаш е најважен
Нашиот фудбалски репрезентативец, Иван Тричковски, пред мечот со Австрија в недела на стартот во нашата група на Европското првенство, вели дека очекувањата се крајно измешани.
„Некои очекуваат да ја поминеме групата а некои дека сме аутсајдери. Добро е што си ги знаеме квалитетите. Дали тоа ќе биде пресудно или не, не знам. Сигурно е дека ќе биде значајно. Првиот натпревар е секогаш значаен и многу работи ќе зависат од нас. Се што ќе договориме пред натпреварот ќе мора да се спроведе на терен максимално сконцентрирано од првата до последната минута“, потенцираше Тричковски.
Македонија на Европско – Евротип фан зона во секој град!
Премиерниот настап на македонските фудбалери на големите натпреварување е на повидок, голем број навивачи се упатија кон Букурешт да ги бодрат Пандев и другарите во походот по европски успех, а спортските обложувалници Евротип создадоа услови за оние кои ќе останат дома и во добро друшто ќе ги следат сите натпревари од Европското првенство во сите краеви од државата!
Македонската нација е позната по бодрењето на своите избраници во сите спортови, атмосферата често знае да биде „пеколна“, а ветуваме дека таква ќе биде и во фан зоните каде ќе се следат натпреварите!
Приклучете се во бодрењето на следните локации:
Скопје: Кафе бар „Кактус“ и „The Coffee Cino“
Струга: Сиеста
Гостивар: „Baby Blue“
Струмица: Струмица 4
Дојран: „Reform“
Богданци: „Emporio“
Гевгелија: „City“
Радовиш: „Escape“ и „Down Town“
Куманово: Irish Pub и Pin Petrol
Велес: Градски базен
Сите локации се наоѓаат на чекор до уплатните места на Евротип, па одиграјте на најдобрите квоти со најдобрите услови, искористете ги сите можности за обложување на Европското првенство и специјалите кои ги нуди Евротип, уживајте во добро друштво и пијалак во фан зоните и бодрете ја Македонија на ЕП!
45 илјади гледачи на Вембли во нокаут фазата
Британската влада ќе дозволи одигрување на натпреварите од нокаут фазата на Европското првенство пред поголем број гледачи, односно дозволено ќе биде 50 проценти од Вембли да биде пополнет, пишува англиски Телеграф.
Владата на Велика Британија даде гаранции на УЕФА дека натпреварите од групата во Лондон, ќе се играат пред 25 проценти, односно пред 22.500 навивачи.
Британците на 21. јуни ги попуштаат речиси сите мерки, но постои опција таа одлука да помести за некој ден. Нокаут фазата на Вембли почнува на 26. јуни, но Телеграф тврди, повикувајќи се на свои извори од Владата, дека евентуално одложување на попуштање на мерките нема да влијае на ЕУРО 2020. Во превод, ако попуштањето се одложи, на Вембли во секој случај секако ќе има 45.000 гледачи, што е одлична вест за фудбалскиот свет.
Лапорт е најновата желба на Барселона
Барселона е силно заинтересирана за дефанзивецот на Манчестер Сити, Емерик Лапорт, пренесуваат шпанските медиуми.
27-годишниот Лапорт го загуби стартното место во тимот на Гвардиола и е спремен ова лето да ја промени средината. „Граѓаните“ се спремни да го пуштат, а за неговата слобода бараат сума од 60 милиони евра.
Барселона наскоро ќе ги започне преговорите со Сити и веќе стапила во контакт со агентот на шпанскиот репрезентативец.
Манчестер Сити како негова замена сака да го донесе Серхио Рамос на кого му завршува договорот со Реал Мадрид.
ЕУРО 2020 – 24. МАКЕДОНИЈА одблиску
Најчудното Европско првенство за над е прекрасно – Македонија дебитира на голем настан
11 од претходно утврдените 12 градови останаа на листата на домаќини на првенството откако УЕФА пролетоска направи притисок. Имено, организацијата инсистираше на неотповиклива согласност дека – и покрај пандемијата – ќе се дозволи публика на стадионите. Таквото барање наиде на многу критики. Властите во три града, меѓу кои и Минхен, не сакаа да се обврзат. Минхен сепак остана локација за ЕУРО 2020, а Даблин и Билбао отпаднаа. Натпреварите планирани за главниот град на Ирска ќе се одиграат во други градови, а натпреварите од Билбао ќе се одржат во Севиља. Ќе се игра и во Рим, Баку, Санкт Петерсбург, Будимпешта, Букурешт, Амстердам, Глазгов и Копенхаген. Двете полуфиналиња, како и големото финале кон кое се стремат сите тимови, ќе се одиграат на стадионот Вембли во Лондон.
УЕФА веќе сторнираше влезници и ги информираше фановите. Полн стадион изгледа дека ќе има само во Будимпешта. Властите дозволија влез на 68 илјади гледачи на стадионот Ференц Пушкаш. Како и во Лигата на шампиони претходно, така и сега унгарските власти се покажаа исклучително либерални. На сите други локации се разликуваат ограничувањата и може и да се променат во зависност од ситуацијата со короната. Минхен на пример има разработено три различни сценарија: со помалку од седум илјади фанови, со 14.500 или со 27 илјади гледачи. Глазгов за Хемпден Парк дозволува половина од капацитетите, значи околу 13 илјади гледачи. Слично е во Лондон. За трите натпревари од група на англиската репрезентација се дозволени 22.500 гледачи, благодарение на посебна дозвола како исклучок од инаку строгите правила. Сѐ уште е неразјаснето колку луѓе ќе може да бидат на трибините на полуфиналињата и на финалето кон средината на јули. Англиската фудбалска федерација и УЕФА се надеваат оти ќе има релаксирање во ситуацијата со коронавирусот и во согласност со тоа и многу повеќе гледачи за финалето на ЕУРО. Картите за сите игри УЕФА ги продава по систем на случајно извлекување.
Кој ќе игра за Македонија и колку заработува ФФМ од Европското првенство
Европската фудбалска федерација (УЕФА) го намали наградниот фонд за овогодишното ЕУРО 2020, што почнува идната недела, од 371 на 331 милиони евра, но и покрај тоа претстојното Европско првенство ќе има рекорден фонд за награди.
Досегашниот рекорд изнесуваше 301 милиони евра, колку што поделија 24 учесници на ЕУРО 2016 во Франција.
Сите учесници, вклучувајќи ја и македонската репрезентација, ќе инкасираат загарантирани 9.25 милиони евра, додека учесниците во осминафиналето ќе заработат дополнителни 1.5 милиони евра, место првично предвидените два милиони евра.
Пласманот во четвртфиналето вреди 2.5 милиони евра, полуфиналето четири милиони евра, додека финалистите ќе инкасираат дополнителни пет милиони евра. Европскиот шампион ќе добие дополнителни осум милиони евра.
Селекторот Игор Ангеловски го објави списокот на фудбалери кои ќе ја претставуваат Македонија на Европското првенство 2020. Во составот на македонската репрезентација се 26 фудбалери. Младите Милан Ристовски и Дарко Чурлинов се најдоа на списокот, а како трет голман е повикан Ристе Јанков.
Игор Ангеловски
(селектор на македонската репрезентација)
Ристовски, Чурлинов и Јанков се нашата иднина, затоа се на нашиот список. Со својот квалитет јас сметам дека можат да придонесат во А тимот и да соберат искуство, бидејќи очекувам во наредните години да бидат стандардни првотимци. Жалам за отсуството на Илија Несторовски, со нас е пет години и вредно работеше со сите нас да се пласираме на Европско првенство. Сепак, верувам во останатите играчи и дека без проблем ќе го дополнат неговото отсуство. УЕФА дозволи и три резерви во случај на ковид-проблеми, но се надевам дека тоа ќе не одмине.
Навивачите се навикнаа на успеси, сега бараат да бидеме европски шампиони. Овие фудбалери многу пати досега ја направија нацијата горда и со самиот пласман на Европскиот шампипонат. Со нивните настапи за тимот и можам да ветам на нацијата дека ќе направат сè во своја моќ пак да ги направат фановите горди. Одиме со желба за надигрување и ќе ја грабнеме секоја шанса за позитивен резултат и пласман во втората фаза. Јас прв верував во играчите и очекувам максимум од нив на секој натпревар. Првиот собир е на 25 мај, со тренинзи стартуваме ден подоцна, а според УЕФА регулативите, закажавме и уште еден тест против Казахстан на 4. јуни. Ги анализираме и противниците, со Австрија игравме и иако двапати не совладаа, ќе се обидеме да научиме од тие грешки, Украина исто така е многу квалитетна селекција, знаеме дека Шахтјор Доњецк двапати го победи Реал Мадрид, а таму има многу украински репрезентативци. На крајот одиме во Амстердам во Холандија со надеж дека повторно би можеле да се вратиме во Романија, ако ја минеме првата фаза.
Холандија забрани Македонци на натпреварот во Амстердам
Холандската амбасада во Скопје објави дека нашава земја останува на листата на држави за кои е забранет влез поради ковид-19.
Аналогно на тоа, сите наши фанови кои обезбедија влезници за мечот Холандија – Македонија, нема да можат да патуваат во Амстердам.
„Ве информираме дека забраната за патување во ЕУ за граѓани од трети држави (вклучувајќи ја и Македонија) е сѐ уште во сила. Може да патувате во Холандија само доколку влегувате во една од категориите кои се надвор од забраната за патување“, се вели во соопштението на холандската амбасада во Македонија.
Панчев: Македонија може до изненадување!
Дарко Панчев, еден од најдобрите фудбалери во историјата на Македонија, смета дека нашата репрезентација не треба да се задоволи само со учество на Европското првенство.
Нашата репрезентација е во групата Ц со репрезентациите на Холандија, Австрија и Украина.
„Не е тоа некоја претерано силна група. Можеме да направиме едно убаво изненадување. Холандија е единствена репрезентација од екстра класа. Со Австрија и Украина апсолутно може да се игра. Ова е одлична шанса на Европа да и демонстрираме висок квалитет. Немаме што да изгубиме бидејќи и така никој од нас ништо не очекува“– вели Панчев.
Како главен квалитет на Македонија, Панчев го гледа големиот квалитет во средниот ред.
„Тука имаме четири одлични играчи. Ги предводи Адеми, кој е капитен во Динамо Загреб, Тука се уште Барди, Алиоски и Елиф Елмас од Наполи, кој е еден од најголемите таленти на овие простори. Со сите можат да се надигруваат“- вели Панчев.
Олимпик Марсеј го сака Кутињо од Барселона
Бразилецот Кутињо сигурно ќе ја напушти Барселона ова лето.
Кутињо на почетокот на 2018 година стигна во Барселона како големо засилување од Ливерпул за неверојатни 160 милиони евра. Бразилецот стана најскапо засилување во историјата на Каталонците, но не ги оправда очекувањата.
Куман му даде шанса на Кутињо да се докаже, но Бразилецот не ја искористи и не воодушеви со своите настапи. Скоро цел втор дел од сезоната го пропушти поради повреда и јасно станува дека повеќе нема да заигра за Каталонците.
Барселона ја добила и првата официјална понуда и станувало збор за француски Марсеј. Марсеј е спремен да започне преговори за Кутињо и одлучни се за да издвојат околу 30 милиони евра за негово доведување што е многу помалку од она што Барса го плати за него.
