Јужноамериканската фудбалска асоцијација (КОНМЕБОЛ) зазеде неутрален став во врска со неодиграниот натпревар меѓу Бразил и Аргентина во рамки на мундијалските квалификации, наведувајќи дека тој дуел е во „надлежност на ФИФА“.

Јужноамериканското дерби беше прекинато кратко по самиот почеток на стадионот во Сао Паоло поради кршење на ковид-19 протоколите за карантин.

Бразилски здравствени претставници влегоа на теренот и побараа од тројца аргентински репрезентативци, Кристијано Ромеро, Џовани Ло Селсо и голманот Емилијано Мартинез, да го напуштат стадионот и државата поради кршење на правилата за задолжителен карантин.

Аргентинскиот тим потоа се повлече од теренот во соблекувалната и натпреварот не се одигра.

Од КОНМЕБОЛ денеска се оградија од целиот случај, додавајќи оти одлуката за евентуален нов термин е во надлежност исклучиво на Меѓународната фудбалска федерација (ФИФА).

За евентуални дисциплински мерки ќе се чекаат извештаите на судиите и делегатот на натпреварот.

Жалење поради неодигрување на натпреварот изрази претседателот на Бразилската фудбалска федерација Ернандо Родригез, истакнувајќи дека во таборот на „караоките“ сите сакале дуелот да се игра.

Некогашниот фудбалер, Дени Марфи, проценува дека кам-бекот на Кристијано Роналдо на стадионот – „Олд Трафорд“,  ќе делува лошо за младиот фудбалер, Мејсон Гринвуд,  кој во целата ситуација би бил колатерална штета.

19-годишниот играч во изминатите две години покажа дека има потенцијал да стане расен голгетер а според повеќето фанови на „црвените ѓаволи“  тој со играта наликува на Робин Ван Перси.

„Мејсон ќе биде соочен со ситуација дека треба да почека за да се пробива бидејки сега дојде Роналдо. Неговиот прогрес дефинитивно ќе биде запрен“, вели Марфи.

Челзи спрема понуда за дефанзивецот на Наполи, Калиду Кулибали во зимскиот преоден рок.

Челзи е во потрага по квалитетен дефанзивец и до последниот ден од трансфер пазарот се обидуваше да го ангажира Жил Кунде од Севиља. Откако пропадна трансферот на Кунде, „сините“ сега ќе се насочат кон дефанзивецот на Наполи, Калиду Кулибали.

30-годишниот Кулибали сака да го напушти Наполи, но ова лето не пристигнаа понуди за него.

„Сините“ стапиле во контакт со агентот на Сенегалецот и сакаат што поскоро да постигнат договор и да го реализираат трансферот во јануари.

Ромелу Лукаку мораше да  го напушти белгискиот табор и да замине на лекарски преглед пред да се врати на стадионот – „Стемфорд Бриџ“.

Тој вчера против Чешка во квалификациите за Мундијалот го одигра 100-от меч за „црвените ѓаволи“ и го постигна 67-от репрезентативен гол. По натпреварот Лукаку откри дека се соочува со мала повреда.

„Имам одреден проблем што ме мачи извесно време. Прво ќе одам да ја снимам ногата а потоа ќе се вратам во Челзи“, рече Лукаку.

Челниците на Манчестер Сити подготвуваат нов договор за младиот фудбалер, Фил Фоден,  кој сега ќе заработува речиси четири пати повеќе од актуелната сума.

Наводно, „граѓаните“ ќе му понудата на 21-годишниот фудбалер да остане на “Етихад“ и во наредните шест години и да добива  неделна плата од 150.000 фунти.

Крилниот напаѓач во претходната сезона одигра 28 натпревари во Премиер-лигата  и постигна девет голови.

Пауло Дибала бара од Јувентус во новиот договор да ги израмни неговите примања со Матијс Де Лихт, јавуваат италијанските медиуми додавајќи дека се јавија проблеми во преговорите помеѓу двете страни.

Годишната плата на Де Лихт во Јувентус е девет милиони евра, а со бонуси расте и до 12 милиони евра, што го прави најплатен играч во клубот.

Јувентус на Дибала во моментот му нуди девет милиони евра со вклучени бонуси.

Договорот на 27-годишниот Аргентинец со торинскиот клуб е до крајот на оваа сезона.

Менаџерот на Дони ван де Бек, играчот за врска на Манчестер Јунајтед, призна дека е загрижен по враќањето на Кристијано Роналдо на Олд Трафорд, бидејќи на неговиот играч веројатно му се намалија шансите за настапи.

„Разговаравме со Солскјер и управата. Презедовме иницијатива да пронајдеме клуб и го одбравме Евертон. Ноќ пред последниот ден за трансфери добивме повик од Солскјер, кој ни рече дека нема ништо од трансферот и дека играчот мора да се јави на тренинг наредниот ден.“ – вели Гуидо Алберс.

Сепак, Алберс верува дека Ван де Бек ќе ја добие својата шанса и е подготвен за нови предизвици.

„Се сложивме дека Дони не е играч само за куп натпревари. Тој дојде во Англија да игра во Премиерлигата. Начинот на кој течеше разговорот со Солскјер, во споредба со оној минатото лето… Сега се е појасно. Имам јасни очекувања дека Дони ќе добие своја шанса. Работеше напорно цело лето, имаше само седум дена одмор и останатиот период го искористи да се подготви максимално за новата сезона.“ – изјави Алберс.

Ван де Бек пристина во Јунајтед минатото лето во трансфер вреден 39 милиони евра од редовите на Ајакс.

Трансферот на Нејмар од Барселона во ПСЖ беше тежок 222 милиони евра, што и натаму а рекорд на фудбалската сцена, но таа сума е отприлика третина од тоа што францускиот клуб ќе го потроши за Бразилецот.

Анализата на „Мундо Депортиво“ вели дека до крајот на сезоната 2022/23, ПСЖ ќе потроши нешто над 489 милиони евра или речиси половина милијарда, а во таа сума се вклучени платата и бонусите предвидени за Бразилецот.

Годишната плата на Нејмар изнесува 43,3 милиони евра, а според првичниот договор, ако Бразилецот го одработи целиот петгодишен договор, тогаш шестата сезона ќе има право на годишна плата од 50 милиони евра.

Ако Нејмар остане во ПСЖ до 2025 година, францускиот клуб ќе потроши над 600 милиони евра само за овој фудбалер.