feature

Ибрахимовиќ останува уште една година во Милан

Шведскиот фудбалер Златан Ибрахимовиќ се согласи да го продолжи договорот со Милан до јуни наредната година.

Италијанските медиуми тврдат дека навивачите на Милан се воодушевени со овај потез на Златан, бидејќи сметаат дека тоа е доказ колку фудбалерот ги почитува росонерите.

Според договорот, Ибрахимовиќ ќе заработува околу 1,5 милиони евра, но ќе има бонуси за одиграни натпревари и постигнати голови.

Шведскиот фудбалер во октомври ќе наполни 41.година, а во моментот се опоравува од операцијата на коленото поради која нема да игра до крајот на годината.

Драган Бајиќ не е повеќе селектор на кошаркарската репрезентација на Македонија

Кошаркарската федерација на Македонија, соопшти дека спогодбено ја прекина соработката со досегашниот селектор на репрезентацијата Драган Бајиќ.

Според соопштението двете страни се разделија поради здравствени проблеми со кои во последниот период се справува Бајиќ, па поради тоа, тој нема да биде во можност професионално и во целост да се посвети на работата во селекцијата.

Драган Бајиќ ја водеше македонската репрезентација од април 2021 година, но не може да се каже дека направи некој забележителен резултат. За скоро време од федерацијата велат дека ќе го објават името на новиот селектор.

Кунде од Севиља следен на листата на желби на Чави во Барса

Барселона е еден од најактивните клубови на трансфер пазарот и денес го договори трансферот на Роберт Левандовски од Баерн Минхен.

Каталонците претходно ги донесоа Франк Кеси, Кристенсен и Рафиња, но не мислат да застанат и следен на списокот е Жил Кунде. Тренерот Чави сака да ја засили одбраната со врвен дефанзивец кој ќе биде долгорочен наследник на Жерар Пике, пренесува шпанскиот весник „АС“.

Поради тиа главните финансиски средства во летниот преоден рок Барселона може да ги насочи толку кон Жил Кунде.

Шпанските медиуми пренесуваат дека Барселона испратила понуда од 58 милиони евра плус бонуси, што е приближно на сумата која ја бара Севиља.

Македонските клубови се избегнаа на патот до СЕХА-финалето

Ракометарите на Вардар и на Еурофарм Пелистер ќе се разминат во полу-финалето на СЕХА лигата доколку обезбедат место на завршниот Ф4 турнир кој ќе биде одигран во Задар.

„Црвено-црните“ во последниот елиминациски филтер на 23 август ќе бидат домаќини на хрватскиот состав Нексе додека битолчани на 25 август ќе се соочат со Мешков Брест во салата – „Боро Чурлевски“.

Двојки за полу-финалето: Татран Прешов – Веспрем/Еурофарм Пелистер – Мешков Брест и Вардар – Нексе Нашице/Војводина – Загреб.

Фрејзер-Прајс петти пат златна на „стотка“ на Мундијалите

Шели-Ен Фрејзер-Прајс постигна нешто неверојатно. 35-годишната спринтерка од Јамајка ја освои својата петта светска титула на 100 метри. Фрејзер-Прајс триумфираше на Светското првенство во Јуџин, Орегон со нов рекорд на шампионатот од 10,67 секунди (0,8 м/сек). Таа има златни медали на 100 метри од планетарните форуми во Берлин 2009, Москва 2013, Пекинг 2015 и Доха 2019 година.

Само легендата Сергеј Бубка има освоено повеќе светски титули во индивидуална дисциплина – шест.

Триумфот на Јамајка во ова финале беше комплетен бидејќи сите три места на подиумот ги зазедоа жените од оваа карипска земја. Шерика Џексон заврши втора со личен рекорд од 10,73 секунди.

Двократната олимписка шампионка на 100 и 200 метри Елејн Томпсон-Хера овој пат мораше да се задоволи со бронзениот медал со 10,81 секунди.

Лингард се сели во клуб од Саудиска Арабија

Медиумите на Островот тврдат дека 29-годишниот Англичанец Џеси Лингард ќе донесе одлука за својата иднина најдоцна до 22 јули.

Лингард е спремен да одбие понуди од клубови од Премиер лигата и американската МЛС и да се пресели во неименуван клуб во Саудиска Арабија, кој е подготвен да му плаќа 10 милиони фунти годишно.

Лингард стана слободен играч на почетокот на месецот, откако му истече договорот со Манчестер Јунајтед. Минатата сезона сезона тој настапи ан 21 меч на кои постигна 2 гола и запиша една асистенција. Лингард има понуди од неколку клубови од Премиер лигата, па доколку се пресели во Саудиска Арабија ќе биде шокантна одлука.

Петар Ангелов е нов тренер на Струга

Легендарниот ракометен голман, Петар Ангелов е промовиран во нов тренер на Струга, информираат од овој клуб.

Ангелов своето деби како тренер на Струга ќе го има на 50.издание на познатиот ракометен турнир кој се одржува во овој град на средината на август. Тој на оваа позиција доаѓа од Вардар Неготино каде имаше улога на играч и тренер.

Во својата кариера Ангелов има брането за Тиквеш, Пелистер, Вардар и Металург, но има настапувано и надвор од нашата земја и тоа во Трембле од Франција, Анталија, Кремс и германскииот Ратинген.

Салихамиџиќ негига дека Баерн ќе го доведе Роналдо

Спортскиот директор на Баерн Минхен, Хасан Салихамиџиќ, ги негира сите шпекулации дека може да го ангжира Кристијано Роналдо.

Германскиот фудбалски шампион од вчера остана без Роберт Левандовски кој се пресели во редовите на Барселона а медиумите веднаш излегоа со најава дека неговото место на „Алијанц“ може да го пополни Португалецот кој е дел од Манчестер Јунајтед.

„Потврдувам дека Баерн Минхен не планира да го донесе Роналдо. Нема причина да разговараме на таа тема“, вели Салихамиџиќ.

Бремер од Торино ќе биде замената за Скриниар во Интер

Интер е во напредни преговори со Торино за трансфер на дефанзивецот Бремер, пренесуваат италијанските медиуми.

Бразилецот е трансфер цел број еден на „нероаѕурите“ за засилување на дефанзивата, бидејќи е означен како идеална замена за Скриниар.

Иако трансферот на Скриниар во ПСЖ се уште не е комплетиран, сепак Интер реши да ги забрза преговорите со Торино, бидејќи интерес за Бремер покажува и Јувентус. Италијанските медиуми пренесуваат дека двата клуба постигнале начелен договор и Интер за Бремер ќе плати 30 милиони евра плус младиот играч Чезаре Казадеј.

25-годишниот Бремер беше избран за најдобар дефанзивец во Серија А минатата сезона и ќе биде адекватна замена за Скриниар.

Манчестер Јунајтед за 55 милиони евра го доведе Лисандро Мартинез

Од Манчестер Јунајтед го потврдија трансферот на 24-годишниот Лисандро Мартинез од Ајакс. Аргентинскиот дефанзивец ќе потпише петгодишен договор а неделно ќе заработува 120 илјади фунти.

Англискиот тим како обештетување на Ајакс ќе му исплати 55 милиони евра, плус дополнителни бонуси. Мартинез во Јунајтед стигнува после големото инсистирање од новиот тренер на екипата Ерик тен Таг, кој соработуваше со играчот во Ајакс.

«< 1293 1294 1295 1296 1297 >»