Елмас по првиот гол сезонава: Имам поголема самодоверба со Спалети
Елиф Елмас го запиша првиот гол сезонава за Наполи, во натпревар во кој клубот од Неапол победи со 2:0 против Венција и тоа со играч помалку.
Македонскиот репрезентативец беше задоволен од прикажаната игра, од постигнатиот погодок и од фактот дека му помогна на тимот да победи.
„Задоволство е да се постигне гол пред нашите навивачи на почетокот на новата сезона. Ваква победа докажува дека сме одличен тим кој и со 10 играчи на теренот, покажа дека може да ја контролира играта и да доминира. Сакам да му се заблагодарам на тренерот Спалети за огромната доверба која ми ја укажа од самото пристигнување во тимот. Верувам дека наша сила оваа сезона ќе биде и нашиот тренер.“ – изјавил Елмас.
Пропадна Влаховиќ, Атлетико го носи Матеус Куња
Атлетико Мадрид е се уште активен на трансфер пазарот и интензивно бара нов напаѓач.
Прва мета беше напаѓачот на Фиорентина, Душан Влаховиќ, но откако преговорите пропаднаа Атлетико се насочи кон бразилскиот напаѓач Матеус Куња.
Симеоне на крајот најде поефтина опција од Влаховиќ и трансферот на Куња е пред реализација за 30 милиони евра.
22-годишниот напаѓач покажа добри одлични партии во Херта, а одигра добро и на Олимписките игри.
Неверојатни сцени во Лига 1 – навивачите влетаа на теренот! (видео)
Неверојатни сцени на синоќешниот натпревар помеѓу Ница и Марсеј во француската Лига 1, хаос на трибините и на теренот, навивачите ги гаѓаа играчите, а тие тргнаа да се пресметуваат со нив.
Инцидентот се случи кога домашните навивачи го удрија Димитри Паје со тврд предмет, а тој не остана должен па им го врати „назад“.
Натпреварот меѓу Ница и Марсеј од 3. коло во Лига 1 заврши 15 минути порано поради овој голем инцидент.
Јамајканската атлетичарка Илејн Томпсон победи на трката на 100 метри на митингот во рамки на Дијамантската лига во Јуџин со второ најдобро време во историјата на оваа спринтерска дисциплина.
Томпсон патеката ја мина за 10,54 секунди. Актуелниот светски рекорд за жени изнесува 10,49 секунди, поставен во 1988 година од Американката Флоренс Грифит-Џојнер.
На неодамнешните Олимписки игри во Токио, Томпсон освои злато на 100 метри со олимписки рекорд од 10,61 секунди.
Хендерсон ќе добие нов договор на „Енфилд“
Ливерпул и Џордан Хендерсон се во завршна фаза од преговорите за обновување на договорот. Во моментов двете страни разговараат за последните точки од договорот.
Според изворот, новиот договор ќе важи до 2024 година. Актуелниот договор на Хендерсон со Ливерпул трае до 30 јуни 2023 година. Неговата трансферна вредност се проценува на 20 милиони евра. Минатата сезона тој одигра 28 средби на сите турнири, на кои постигна еден гол и една асистенција.
Повредата ќе го оддалечи Пике неколку недели од терените
Дефанзивецот на Барселона, Жерар Пике, се повреди на натпреварот од второто коло на шпанската Примера со Атлетик (1-1) и прашање е колку ќе отсуствува од фудбалските терени.
Според денешните информации, на Пике му беше дијагностицирано оштетување на мускул на левата нога, а засега лекарите не прогнозираат колкав ќе биде периодот на рехабилитација.
Младите битолски кугларки на светско првенство во Словенија
Младите битолски кугларки до 18 години деновиве ќе учествуваат на Светското првенство во куглање, кое викендов започнува во Словенија.
Пред заминувањето на Светското првенство градоначалничката на Битола, Наташа Петровска, се сретна со нашите репрезентативки и нивниот тренер Игор Михајловски и им посака многу успеси во тамошните натпревари.
„На светското првенство во куглање до 23 години (од 21-26август 2021 Крањ Словенија) ќе ја водам македонската женска кугларска репрезентација до 18.години како тренер и селектор. После период од 10 години повторно нашите кугларски таленти ке имаат можност на големо натпреварување да ги бранат боите на Македонија. Во период кога кугларската федерација е блокирана поради долгови цела деценија смогнавме храброст до степен на лудост, да превземеме ризик и да пријавиме учевство само и само во интерес на нашите нови и надежни генерации кои треба да бидат стожер наредните 10-15 години. Прв пат во историјата на македонското куглање, составот на репрезентативките е 100% од Битола. Благодарам до сите добронамерници кои помогнаа да се реализира овој подвиг, до сите оние куртоазни одбивања, а посебно до сите кои немаа слух и од старт ги одбиваа нашите заложби, а со тоа го пробудија мојот/нашиот инает да успееме, а со тоа да станеме посилни од претходно. Ќе биде тешко во Словенија тоа сигурно но верувам во нашиот успех. Да ќе бидеме дебнитанти, но имаме свој адути и ќе може да се натпреваруваме со другите репрезентации. Лудилото со пандемијата си велам нема да ни направи дополнителни проблеми, девојките и јас ке бидеме внимателни и се надевам негативни на вирусот, и ќе може да отпатуваме во Словенија. Работиме со поширок состав , само да се заштитиме за недајбоже ако имаме некој позитивен случај. Верувам дека здравјето ќе не служи и повредите ќе бидат избегнати. Девојките се во одлична форма и очекувам последните 15 дена да стигнеме до својот максимум а оние шест дена на официјалните настапи, на црвено-жолтито дрес, тоа што го знаеме и да го покажеме на патеките. Тремата ке биде нашиот најголем непријател но , работиме на тој сегмент.“ – изјави селекторот Михајловски пред тргнувањето во Крањ.
Моја: Надал трпи голема болка, неговата состојба не е добра
Рафаел Надал мораше предвреме да ја заврши оваа сезона, а причината за тоа е повредата, проблемот со стапалото.
„Бикот“ од Мајорка направи пауза по настапот на Ролан Гарос, го пропушти Вимблдон и Олимписките Игри во Токио за да се врати на АТП турнирот во Вашингтон каде не изгледаше баш најдобро и доживеа рана елиминација.
Потоа стана јасно дека нема да игра на Мастерсите во Торонто и Синсинати за да потоа биде соопштено дека ситуацијата е пресериозна и додека не се реши проблемот со стапалото Шпанецот нема повеќе да игра.
„Надал веќе некое време не е добро. Факт е дека болката на земја е помала, но на бетон ситуацијата е значително поинаква. Болката во секој случај е голема“, истакна тренерот Карлос Моја.
Драгарски веќе не е фудбалер на Теута
Некогашниот младински репрезентативец на Македонија , Христијан Драгарски ја прекина авантурата во Албанија, па повеќе не е фудбалер на Теута од Албанија.
29-годишниот централен бек, ја заврши соработката со составот од Драч по само неколку месеци откако се пресели во албанскиот прволигаш од битолски Пелистер.
Драгарски кариерата ја започна во редовите на Пелистер, а освен за битолчани во Македонија играше и за екипите на Струга и Победа.
Останува да се види каде поранешниот капитен на Пелистер ќе ја продолжи својата кариера.
Гризман: Уживам додека играм за Барселона
Напаѓачот на Барселона, Антоан Гризман е прва ѕвезда во составот на Барселона во новата сезона.
Тој беше во дуелот со Реал Сосиедад кој „каталонците“ го добија со 4:2 го одигра 100 натпревар во дресот на Барса, по што беше неизмерно среќен.
„Среќен сум и горд. Се надевам дека ќе одигра уште најмалку 100 натпревари и ќе му помогнам на тимот да испише нова историја. Сакам да бидам од помош и уживам додека играм за Барселона.“ – изјави Гризман.
Тој заедно со Мемфис Депај и со Брајтвајт во моментов се тројцата напаѓачи на Барса во очекување на кам-бекот на Дембеле, Агуеро и Фати.
