Милан продолжува да се поврзува со разни имиња за позицијата плејмејкер по заминувањето на Хакан Чалханулу во градскиот ривал Интер.

Според „Газета дело Спорт“, најновото можно засилување на оваа позиција е Арон Рамзи од Јувентус. Репрезентативецот на Велс пристигна во клубот како слободен играч пред две години и никогаш не успеа да стане клучен играч за тимот. За ова се одговорни и неговите чести повреди.

„Бјанконерите“ се надеваат дека ќе се засилат со Мануел Локатели од Сасуоло и Миралем Пјаниќ од Барселона на средината на теренот и ќе се обидат да се ослободат од големата плата на 30-годишниот играч, чиј договор е до 2023 година. Осто така постои опција Милан д аго добие Рамзи на позајмица од Јувентус, но во последните денови се пишува дека Милан може д аго привлече Никола Влашиќ од ЦСКА Москва, Иско од Реал Мадрид и Хамес Родригез од Евертон.

Џошуа Кимих ќе го продолжи договорот со Баерн Минхен. По неколкумесечни шпекулации на оваа тема, универзалниот фудбалер е подготвен да потпише нов договор со германскиот гигант.

Договорот ќе биде 5 години, а платата на Кимих ќе се зголеми двојно. Во моментов, германскиот репрезентативец добива 10 милиони евра, но со новиот договор неговата плата ќе биде еднаква на онаа на Томас Милер и Мануел Нојер, а само Роберт Левандовски ќе добива поголема плата.

Самиот Кимих никогаш немал намера да го напушти Баерн. За него цело време приоритет беше да се договори со клубот за нов договор. Последниот дел од разговорите ќе се одржи во понеделник. Минатата сезона, Кимих одигра 27 натпревари во Бундеслигата, постигнувајќи 4 гола и 10 асистенции.

Симон Кјаер доби понуда од клубот за нов договор. Неговиот актуелен договор со „росонерите“ истекува во јуни 2022 година.

Сепак, искусниот централен дефанзивец брзо стана важна фигура за тимот предводен од Стефано Пиоли. Милан понуди зголемена плата на 32-годишниот Данец, од 1,2 на 1,5 милиони евра, објави „Газета дело Спорт“. Покрај тоа, Кјаер е фаворит за капитенската лента.

Капитенот Алесио Ромањоли често остануваше на клупата по трансферот на Томори на „Сан Сиро“ во јануари. Симон Кјаер се приклучи на Милан во јануари 2020 година, и досега има одиграно 58 натпревари и 1 гол за Милан.

Поранешниот дефанзивец на германската репрезентација и долгогодишен член на Шалке 04, Бенедикт Хеведес ќе биде назначен за нов директор на германската фудбалска репрезентација, објави „Спорт Билд“.

Хеведес ќе биде врската меѓу тимот и Германскиот фудбалски сојуз. Тој ќе мора најпрво да мине обука, пред да го замени сегашниот менаџер Оливер Бироф, чиј договор истекува во 2024 година.

Во јули минатата година, на 32-годишна возраст, Хеведес објави крај на својата професионална фудбалска кариера.

Сагата за евентуалната продажба на Антоан Гризман продолжува, бидејќи Барселона сака да се ослободи од Французинот.

Трампата со Атлетико Мадрид пропадна во последен момент, но од „Камп Ноу“ се уште му бараат клуба на 30-годишниот напаѓач бидејќи сакаат да се ослободат од него.

„Се обидуваме да ги балансираме финансиите, па поради тоа сме спремни да слушнеме понуди за Гризман“, изјави Лапорта.

Каталонските медиуми пренесуваат дека Барселона е спремна да го пушти Гризман доколку пристигне понуда од 50 милиони евра.

Французинот е еден од најплатените фудбалер во тимот, а Барса сака значително да го намали буџетет за плати.

Словенечкиот судија Дамир Скомина оди во пензија. Според локалните медиуми, тој е принуден да се повлече од активното судење поради повреда на коленото.

Скомина нема да остане надвор од фудбалот долго време, затоа што наскоро седнува на директорското место во словенечкиот третолигаш Изола.

Во текот на кариерата, Словенецот судеше на Светското првенство во Русија и на Европските првенства и Олимписките игри, како и на финалето во Лигата на шампионите и Лигата на Европа. Тој беше судија на натпреварот во кој Барселона го забележа најубедливиот пораз во историјата, кога беше поразена од Баерн со 8-2 во четвртфиналето од Лигата на шампионите.

Илаиш Мориба минатата сезона доби прилика во првиот тим на Барселона и таа знаеше како да ја искористи.

Овој 18 годишен играч за врска во вториот дел од сезоната доби прилика да дебитира и одигра солидно. Сепак, неговиот статус во клубот во последните недели се промени затоа што одби да го продолжи договорот кој му истекува летото 2022 година.

Каталонските медиуми потврдија дека менаџерите на Мориба не одговориле на последната понуда за продолжување на соработката.

Во исто време, тие откриваат дека пристигнала понуда од Челзи, кој е подготвен да испрати трипати поголема плата за дијамантот од „Ла Масија“.

Тотенхем нема да го игнорира однесувањето на напаѓачот Хари Кејн, кој не се појави на тренингот во базата на клубот за да се подготвува за новата сезона.

Според „Телеграф“, лондонскиот клуб ќе го казни 28-годишниот фудбалер за пропуштање на тренинзите и ќе ја зголеми сумата доколку продолжи вака. Претседателот на Тотенхем, Даниел Леви, исто така, ќе разговара со Хари Кејн. Се тврди дека Тотенхем е разочаран од однесувањето на играчот.

Самиот Кејн, како што веќе беше објавено, инсистира на џентлменски договор со Даниел Леви. Пред една година, првиот човек на Тотенхем вети дека ќе го ослободи играчот ова лето. Хари има намера да се пресели во Манчестер Сити.

Кејн дебитираше за Тотенхем во 2011 година. Неговиот договор со клубот трае до 2024 година. Минатата сезона, напаѓачот одигра 35 натпревари во англиската Премиер лига, постигна 23 гола (четири од пенал) и даде 14 асистенции.