Дефанзивецот на Челзи, Андреас Кристенсен, изјави дека сака да го продолжи договорот со клубот. Тој не ја започна сезоната како стартер, но во последно време добива се повеќе шанси и настапува на одлично ниво.
„Сè уште не разговаравме за продолжување на договорот со Челзи, но јас би сакал да останам во клубот што е можно подолго. Ова е втор дом за мене. Данска секогаш ќе биде дом за мене, но јас се чувствувам многу добро во Челзи”, рече Андреас Кристенсен.
Данскиот репрезентативец се приклучи на Челзи во летото 2012 година. Во сезоната 2020/21, 25-годишникот одигра 23 натпревари. Неговиот сегашен договор важи до крајот на јуни 2022 година.

Доколку Масимилијано Алегри се врати на кромилото на Јувентус во текот на летото, ќе направи напор да го обезбеди потписот на играчот на Реал Мадрид, Марко Асенсио.
Младиот напаѓач на „кралевите“ најверојатно ќе биде ставен на списокот за трансфери доколку „белите“ успеат да ги ангажираат Мбапе или Халанд.
„Асенсио има понуди од Англија и од Јувентус. Се шпекулира дека Алегри ќе го замени Пирло, тој е голем фан на Асенсио”, напиша новинарот Инда.

Патрик Виеира и Френк Лампард се главни кандидати да го заменат Рој Хоџсон на клупата на Кристал Палас, објави на Твитер италијанскиот новинар Николо Шира.
Раководството на Кристал Палас не планира да го продолжи договорот со главниот тренер Рој Хоџсон. Дејли Меил објави дека Лампард и предводникот на Рома, Пауло Фонсека се сметаат за главни кандидати за позицијата тренер на Кристал Палас. Прелиминарните преговори веќе се водат со двајцата тренери.
Рој Хоџсон на 9 август ќе наполни 74 години, а самиот тој постојано повторуваше дека размислува да стави крај на тренерската кариера. Неговиот договор со Палас завршува на крајот на оваа сезона. Хоџсон ја предводи екипата на Кристал Палас од 12 септември 2017 година. Оваа екипа има освоени 38 поени на 32 натпревари и е на 13. место на табелата во англиската Премиер лига.

Навивачите на Арсенал пред неколку дена се собраа пред стадиониот „Емирати“ со што ги изразија своето незадоволство и побараа заминување на сопствениците на клубот, семејството Кренке.
Сопствениците им одговорија и објавија соопштение во кое стои дека не размислуваат за продажба на Арсенал, и покрај интересот на шведскиот милијардер, Даниел Ек.
„И понатаму во целост сме посветени на Арсенал и нема да го продадеме својот пакет акции во клубот. Не сме примиле никаква понуда, нити ќе размислуваме доколку некоја пристигне. Нашата цел е Арсенал да се натпреварува за најголемите трофеи и нашиот фокус останува на подобрување на компетитивноста на теренот, како би ја оствариле целта.“ – стои во соопштението.
Стен Кренке во 2007. година купи 9.9% од акциите на Арсенал, а до 2011. година тие се зголемија на 62.89%. Неговиот син Џош е директор на клубот и вклучен е во работата на Арсенал. Освен Арсенал, Кренке е сопственик и на НБА клубот Денвер, како и НФЛ франшизата Лос Анџелес Ремс.

Цезар Аспиликуета е трансферна цел на Атлетико Мадрид, откриваат медиумите во Шпанија. 31-годишниот фудбалер, кој е и капитен на „сините“ од Лондон, има договор до 2022 година, но сè уште не го продолжил.
Доколку преговорите меѓу двете страни се одолговлекуваат, другите тимови ќе гледаат на ова како можност за ангажирање на искусниот дефанзивец. Диего Симеоне е загрижен за честите повреди на Хозе Хименез, а Марио Хермозо, Фелипе и Стефан Савиќ не се константни во нивните настапи. Привлекувањето на Аспиликуета би било одличен потег, но Челзи нема лесно да се раздели со еден од своите лидери. Аспиликуета потекнува од школата на Осасуна и одигра 99 натпревари за оваа екипа во Примера помеѓу 2007 и 2010 година.
Следуваа две сезони во Олимпик Марсеј, а во 2012 дефанзивецот потпиша со Челзи за седум милиони фунти.

Рафаел Варан договор со Реал Мадрид има само за уште една сезона, а според пишувањето на медиумите неговата иднина во клубот од Мадрид е под голем знак прашалник.
Ситуацијата со францускиот стопер ќе се обиде да ја искористи Челзи кој е спремен да го доведе за сума од 70 милиони евра. Варан е стандарден во првиот тим на Реал, но ако Реал сака да доведе некое топ засилување од типот на Халанд и Мбапе тогаш некој ќе мора да биде продаден. Освен тоа клубот веќе би имал замена за него затоа што на големо се најавува доаѓање на Давид Алаба во Мадрид.
Интерес за Варан покажал и ПСЖ, а се споменува и Манчестер Јунајтед. Според информациите од Англија Челзи има предност.