feature

Баер Леверкузен и Астон Вила го потврдија трансферот на Бејли

Германски Баер Леверкузен и официјално потврди дека напаѓачот Леон Бејли се сели во Астон Вила. Иако неодамна беше потврдено дека Бејли (23) и Астон Вила се договориле за соработката, сепак, имаше само одредени детали што требаше да се допрецизираат.

Откако се е ставено на хартија, како што објавија од Леверкузен во соопштението за медиумите , Бејли ќе им се придружи на Англичаните.

„Во Леверкузен тој од талент стана врвен играч“, рече спортскиот директор Симон Ролфес, кој на својот поранешен играч му посака успех во иднина.

Бејли се пресели од Генк во Леверкузен во јануари 2017 година.

Постигнат договор за соработка на Олимписките комитети на Македонија и Словенија

Претседателот на МОК, Даниел Димевски и Претседателот на Олимпискиот комитет на Словенија, Богдан Габровец, денеска потпишаа договор за Олимписко партнерство и соработка во однос на заеднички подготовки на најдобрите македонски и словенечки спортисти Олимпијци во пресрет на зимските Олимписки игри Пекинг 2022, Медитеранските игри Оран 2022, Европските игри Гдањск 2023, летните Олимписки игри Париз 2024.

Договорот се однесува и на понатамошни активности по и во овој период кои се однесуваат на унапредување на работата на спортската администрација, спортскиот односно тренерскиот кадар, спортската медицина, користење на спортските објекти и воопшто на спортските ресурси со кои располагат словенечкиот и македонскиот спорт, објавија од МОК.

Фабињо стави потпис на нов договор со Ливерпул

Бразилецот Фабињо стави потпис на нов, долгорочен договор со „црвените“. Информацијата денес официјално ја објавија клубот од Енфилд. Иако Ливерпул не ги откри деталите, медиумите откриваат дека новиот договор е до 2026 година.

Се очекува наскоро потпис на нов договор да стави и првиот голман Алисон Бекер.

Последните три сезони бев навистина среќен. Научив многу со менаџерот, со целиот персонал, како и со соиграчите. Заеднички постигнавме многу работи и мислам дека ова е најдоброто место за напредок, да се учи од стручниот штаб, од момците“, изјави Фабињо.

Лина Ѓорческа со одлука, ќе игра во белгиски Коксијд

Нашата најдобра тенисерка Лина Ѓорческа го потврди учеството на еден од ИТФ-фјучрс турнирите кој ќе се одржи во Коксијд, Белгија на стартот во август.
Таа на овој турнир ќе настапи како осма носителка.
Моментално Македонската тенисерка се наоѓа на 339. позиција на ВТА-листата.

Официјално: Холандија има нов селектор

Лошиот настап на Европското првенство кое заврши пред скор еден месец донесе промени во селекторското место во редовите на Холандија каде отказ доби Франк де Бур, а денес федерацијата официјално го промовираше Луис Ван Гал.
Луис Ван Гал по трети пат е поставен за нов селектор на фудбалската репрезентација на Холандија.
За икусниот холандски сратег ова е трет мандат. Тој беше селектор во 2000 до 2002 година, и од 2012 до 2014 година.

Ракометарите на Еурофарм Пелистер се имунизираа пред почетокот на сезоната

Вчера во вакциналниот центар во Битола, во спортската сала „Јован Калаузи“, комплетната екипа на Еурофарм Пелистер изврши имунизација на ковид-19. Ракометарите и стручниот штаб ја примија првата вакцина. Втората е закажана за 24 август. Клубот во соработка со здравствените власти комплетно ја обезбеди и организираше имунизацијата. РК Еурофарм Пелистер изразува благодарност до здравствените власти за соработката и поддршката.

По консултацииите со здравствените работници, ракометарите добија слободни денови и в четврток им се враќаат на тренинзите. В петок пелистерци заминуваат на викенд во Маврово, каде ќе одиграат два контролни натпревари против Еурофарм Пелистер 2 (од неделата се подготвува во Маврово) и Металург (денес замина на подготовки).

Сите ракометари освен Марио Танкоски, кој заздравува од повредата, тренираат во група, под будното око на стручниот штаб.

Словенецот Дончиќ добива нов договор по Олимписките игри

Лука Дончиќ по завршување на Олимписките игри (ОИ) во Токио се очекува да потпише со НБА екипата на Далас продолжување на договорот за уште пет години за што ќе добие 202 милиони долари, јавија вечерва американските медиуми.

Дончиќ има договор со Далас до крајот на следната сезона, а на Олимпијадата во Токио со словенечката репрезентација го очекува четвртфинална пресметка против Германија.

Дончиќ, кој беше избран за најдобар дебитант во НБА лигата во 2019 година, има просек, од 25.7 поени, 8.4 скокови, 7.7 асистенции во 199 натпревари откако се пресели во најсилната кошаркарска лига во светот.

Успешен настап на Евротип на турнирот во Дорфулија

Традиционалниот ноќен турнир во мал фудбал „Илинден“ се одржува во с. Дорфулија, годинава беше добра можност за вљубениците во овој спорт да проследат интересни натпревари, а од истите дел е и екипата на спортските обложувалници Евротип.

Турнирот во Дорфулија, на кој учество зедоа 26 екипи, е еден од најмасовните од ваков карактер, а екипата на Евротип оствари добар резултат. Со победата над Дидакс Скопје, Евротип го освои третото место.

Спортските обложувалници Евротип и понатаму продолжуваат со поддршка на спортските настани и активно земаат учество во истите, со цел промоција на спортскиот дух и спортскиот начин на живот, а токму турнирот во мал фудбал „Илинден“ е одлична можност за тоа.

Интер и Каљари постигнаа договор за Уругваецот Нандес

Интер постигна договор со играчот за врска на Каљари, Нахитан Нандес, пренесуваат италијанските медиуми. Оваа недела раководствата на двата клуба ќе имаат средба и ќе се обидат да најдат заеднички јазик за трансферот.

Медиумите тврдат дека Каљари ќе се согласи на едногодишна позајмица единствено ако биде вклучена клаузула за задолжителен откуп следното лето за 25 милиони евра.

Односите помеѓу двата клуба се одлични и преговараат за неколку трансфери, а се очекува во наредните денови да биде комплетиран трансферот на Нандес.

Уругваецот може да игра на повеќе позиции, а тренерот Инзаги во него гледа идеална замена за Хакими кој се пресели во ПСЖ.

Суарез ќе добие нов договор во Атлетико Мадрид

Раководството на шпанскиот фудбалски шампион, Атлетико Мадрид, се обидува да го продолжи договорот со Луис Суарез.

Според весникот „Марка“, мадридскиот клуб е уверен во голгетерските способности на 34-годишниот Уругваец и сака да го продолжи договорот со фудбалерот до 2023 година. Суарез игра за Атлетико од летото 2020 година. Во сезоната 2020/21, напаѓачот одигра 38 натпревари за тимот, постигна 21 гол и три асистенции.

Актуелниот договор на играчот е со важност до крајот на јуни 2022 година.

«< 1326 1327 1328 1329 1330 >»