Франција шокантно беше елиминирана во осминафиналето на Европското првенство, а тоа би можело скапо да го чини селекторот Дидие Дешамп.

Дешамп ја води Франција веќе девет години, на Светското првенство пред три години го освои златото, на Европското во 2016. загуби во финалето од Португалија, а сега го доживеа најголемиот удар како селектор.

„Ле Парисиен“ дури пишува и дека Дешамп би можел да се повлече по овој неуспех, а медиумите веќе имаат свој фаворит за нов селектор. Се работи за Зинедин Зидан, легендата на францускиот фудбал кој е без ангажман откако го напушти Реал.

„Зидан сонува за тоа да ја предводи Франција и уверен сум дека сонот ќе му се оствари.“ – изјави пред неколку денови претседателот на Реал, Флорентино Перез.

Сега се чека на одлуката на фудбалскиот сојуз на Франција.

Марек Хамшик со Словачка го заврши настапот на Европското првенство во групната фаза, а сега е претставен во новиот клуб.

Нов клуб на Хамшик ќе биде Трабзонспор. Турскиот клуб го потврди трансферот на социјалните мрежи.

„Навистина сум среќен што сум тука. Ова е вистинско место за мене. Сега можам да се фокусирам за новата сезона после настапот на Еуро. Се се случи многу брзо, се беше чисто како и што сакав. Веднаш ја забележав страста која е тука. Тоа е она што му е потребно на фудбалот, нема ништо поубаво“, изјави Хамшик.

Хамшик во Трабзонспо доаѓа од шведскиот Гетеборг, а пред тоа имаше епизода во Кина.

Холандија е во потрага на нов предводник, откако Франк Де Бур потврди дека добил отказ од националната федерација на „лалињата“ по елиминацијата на ЕУРО 2020.

Де Бур го наследи Роналд Куман, кој ја напушти селекторската позиција во Холандија на сметка на Барселона.

Холандија беше елиминирана од Чешка во осминафиналето на ЕУРО 2020 по што следуваа многу реакции од јавноста во земјата, па отказот е само природна последица од сето тоа.

„Нема да бидам повеќе селектор на Холандија, не ја исполнивме целта и тоа е јасно. За мене ова беше голема чест. Притисокот стана преголем, тоа не е здраво за мене и за репрезентацијата во пресрет на квалификациите за Мундијалот во Катар.“ – вели Де Бур.

ФК Работнички ги потврди термините кога ќе ги игра контролните натпревари кои се дел од подготовките за новата сезона во ПМФЛ. Клубот од Дебар Маало има амбиција да избори излез во Европа наредната сезона, веќе доведе неколку засилувања, а ги очекува и напорно лето во обидот за успех.

„Работнички во Пехчево стартува со пријателските натпревари во текот на летните подготовки. Српскиот тим Напредак Крушевац ќе биде првиот ривал за избраниците на Александар Влахо, а потоа на секои три или четири дена ќе следува нов тест. В сабота Работнички ќе одигра пријателски меч со Македонија ЃП во Ѓорче Петров, на 7 јули противник ќе биде Тиквеш, а три дена подоцна „романтичарите“ ќе тестираат против Академија Пандев.

На 16 јули Работнички ќе замине на подготовки во Охрид, каде засега се закажани три пријателски натпревари, против Ренова, Охрид и против албанскиот тим Игнатиа.“ – стои во соопштението на клубот.

Барселона е во потрага по квалитетен дефанзивец, а италијанските медиуми пренесуваат дека е силно заинтересирана за капитенот на Милан, Алесио Ромањоли.

Преговорите помеѓу Милан и Ромањоли за продолжување на договорот не одат во добра насока, па дефанзивецот влезе во последната година од договорот.

Ромањоли е ставен на трансфер листа, а најсилен интерес за него покажува Барселона, која веќе стапила во контакт со неговиот агент Мино Раиола. Од друга страна Милан е заинтересиран за Кутињо, во кого гледа идеална замена за Чалханоглу, па дбвата клуба можат да договорат трампа, пренесува „Тутоспорт“.

Барселона сака да се ослободи од Кутињо и е спремна да ја прифату трампата, но проблем претставува високата плата на Бразилецот.

За да се реализира оваа трампа Кутињо ќе треба да прифати помала плата на „Сан Сиро“.

Александар Коларов ќе го продолжи договорот со Интер од Милано до 2022 година. Ова го објави новинарот Николо Скира на својот профил на Твитер.

Според изворот, платата на 35-годишниот играч во клубот ќе биде 1,5 милиони евра по сезона. Претходно беше објавено дека фудбалерот е интересен за Болоња и лично тренерот на тимот Синиша Михаиловиќ. Болоња беше подготвена да му понуди договор на играчот до 2022 година со можност за продолжување на уште една сезона.

Во завршената сезона, Коларов играше за Интер, во кој одигра 11 натпревари и направи една асистенција. Договорот на играчот со клубот од Милано истекува на 30 јуни. Во мај, фудбалерот беше подложен на операција за отстранување на хернија на лумбалниот диск, по што започна со рехабилитација. Коларов игра во Интер од 2020 година. Претходно играше за Рома, Манчестер Сити и Лацио.

Златан Ибрахимовиќ на својот Твитер профил ја објави најавата за филмот кој ќе излезе подоцна годинава, а во кој се открива неговиот пат во фудбалскиот свет.

„Јас сум Златан“ е името на филмот за кој ИМДБ тврди дека е вистинска приказна за шведскиот фудбалер кој кариерата ја започна во Малме, а потоа преку Ајакс, Јувентус, Интер, Барселона, Милан, ПСЖ, Манчестер Јунајтед и ЛА Галакси, повторно се врати во Милан каде се уште настапува на прагот на својот 40. роденден.

Во филмот базиран на автобиографијата „Јас, Ибра“, која Ибрахимовиќ ја напиша со помош на Дејвид Лагеркранц, ќе биде прикажан и неговиот однос со агентот Мино Рајола.