Најдобриот стрелец на Рома, Тами Абрахам, сега тренира заедно со своите соиграчи, откако заработи повреда во тешкиот пораз од Удинезе со 4-0 пред една недела. Англискиот интернационалец го пропушти гостувањето кај Лудогорец во Лигата на Европа (1:2), но се очекува да стартува против Емполи во понеделник.

Рик Карсдорп исто така не отпатува за Разград, но се опорави од повредата и ќе стартува од првата минута против Емполи. Во амбулантата на „волците“ остануваат Мараш Кумбула, Стефан Ел Шарави, Николо Заниоло, Џорџињо Вајналдум и Ебрима Дарбо.

Пауло Дибала и Лоренцо Пелегрини кои стартуваа против Лудогорец нема да бидат поштедени. Двајцата ќе играат во понеделник, а на голот ќе се врати Руи Патрисио.

Тренерот Жозе Мурињо ќе треба да одлучи на кој меѓу Леонардо Спинацола и Никола Залевски ќе се обложи на левото крило.

Поранешниот дефанзивец на Интер и на репрезентацијата на Италија, Давиде Сантон објави дека се повлекува од фудбалот на 31-годишна возраст поради постојани проблеми со повреди.

Фудбалерот ги помина последните четири години во Рома, но не успеа да забележи ниту еден настап под водство на Жозе Мурињо во сезоната 2021/2022. Сантон заработи осум настапи за Италија помеѓ 2009 и 2013 година и ја освои титулата во Серија А двапати со Интер за време на првата од неговите две периоди во клубот.

Сепак, повредите сериозно се одразија на кариерата на Италијанецот, кој својата одлука ја објави во интервју за изданието Tuttomercato.

Касемиро го растури легендарното трио на Реал Мадрид, кое уште беше составено од Тони Крос и Лука Модриќ, откако потпиша за Манчестер јунајтед.

Крос наскоро би можел да го напушти Мадрид и да се пресели во Манчестер, но овој пат да му биде ривал на Касемиро. Германецот е на листата со желби на тренерот Пеп Гвардиола, кој планира да го купи искусниот фудбалер за врска, кој претходно најави дека сака да си замине.

Искусниот фудбалер ја почна кариерата во Баерн, по што беше во Баер Леверкузен на позајмица, а потоа се пресели во Реал Мадрид, каде што стана еден од најдобрите во свет.

Германскиот голман, Лорис Кариус, кој го напушти Ливерпул, веројатно ќе потпише за екипата на Њукасл. Тој треба да биде замена за Дубравка кој во текот на летото се пресели кај Манчестер Јунајтед.

Кариус кој играше со потрес на мозокот во финалето на ЛШ против Реал Мадрид, редовно беше испраќан на позајмици. Прво во турскиот Бешикташ а потоа во Унион Берлин (Германија). Во двата клуба остана по две сезони се додека на му истече договорот во текот на летото.

Бидејќи Кариус е слободен играч, Њукасл може да го искористи правилото да го ангажира иако во Англија е завршен преодниот рок.

Саудиска Арабија, Египет и Грција, ќе поднесат заедничк кандидатира за да бидат домаќини на фудбалскиот Мундијал во 2030 година, пренесува денеска весникот – „Тајмс“.

Доколку нивната понуда биде прифатена, за прв пат Светско првенство би се играло во три земји на исто толку континети и тоа не во лето туку во зимскиот период како што годинива ќе се игра во Катар.

Покрај споменатите земји, понуди за организација за СП 2030 заеднички доставиле Португалија и Шпанија, како и четири јужноамерикански земји, Уругвај, Аргентина, Парагвај и Чиле.

Фудбалерот на Баерн Минхен, Кингсли Коман, за време на тренинг со тимот заработи повреда на тетивата од десната нога.
Клубот од Минхен објавува дека медицинскиот тим ја потврди повредата и дека играчот ќе мора да биде одреден период надвор од терените, без точно прецизирање за должината на отсуството.
Фудбалерот за врска на Баерн оваа сезона беше стартер на секој од последните четири натпревари на екипата.
Баерн во сабота го пречекува тимот на Штутгарт, а во вторник на свој терен во рамките на Лигата на шампионите ќе игра против Барселона.

Фудбалерот за врска на Милан, Сандро Тонали, го продолжи договорот со шампионот на Италија до 2027.година, потврди клубот од Сан Сиро.

Тонали во Милан пристигна 2020.година од екипата на Бреша, а во дресот на росонерите одигра 87 натпревари, на кои постигна пет гола и оствари четири асистенции.

Сандро Тонали за италијанската репрезентација има одиграно 11 натпревари.

Штипска Брегалница за продолжението од сезоната во Првата македонска фудбалска лига ќе биде посилна за репрезентативецот нa Уганда, Халид Лвалива. 26-годишниот Лвалива е најновото име во редовите на „сините“ кој ќе ја засили централната дефанзивна позиција. Лвалива доаѓа од најдобриот клуб во Уганда, шампионот Виперс, каде беше капитен изминативе пет сезони, а е незаменлив капитен и на репрезентацијата на Уганда за која од 2019 година има 22 официјални настапи.

Италијанскиот весник „Тутоспорт“ пренесува дека бившиот тренер на Црвена Звезда, Дејан Станковиќ, е еден од кандидатите за преземање на тренерската позиција во Интер, доколку Симоне Инзаги добие отказ.

Интер во првите пет кола во Серија А забележа три победи и два порази, и екипата се наоѓа на осмото место од табелата со девет бода. Интер новата сезона во Лигата на шампионите ја започна со пораз од Баерн Минхен со резултат 2:0.

Според информациите, челниците на Интер одржале состанок со Инзаги на кој му е даден ултиматум според кој тој мора да победи во наредните три натпревари против Лацио, Удинезе и Викторија Плзен.
Во случај Инзаги да добие отказ, 43-годишниот Станковиќ кој е поранешен играч на клубот најверојатно ќе добие понуда за преземање на тренерското место.