Џанлуиџи Буфон откри кога планира да стави крај на богатата фудбалска кариера. Легендарниот чувар на мрежата на „аѕурите“ дебитираше во професионалните води во ноември во 1995 година во дресот на Парма. Потоа поголемиот дел од кариерата го помина во Јувентус. „Имам замислено во мојата глава дека тоа ќе биде во јуни во 2023 година. Тоа е максимумот, иако можам да престанам да играм и по четири месеци“, изјави Буфон. Буфон со „старата дама“ успеа да освои десет титули во Серија А. Тој е светски шампион со италијанската репрезентација. Во еден период од кариерата ги бранеше и боите на ПСЖ.

Поранешниот селектор на Македонија и тренер на неколку македонски прволигаши, Ѓоре Јовановски одлучи да го раскине договорот со фудбалскиот клуб Беласица. Според информациите кои доаѓаат од Струмица, Јовановски и управата на струмичкиот прволигаш не успеале да се поклопат со плановите и начинот на реализација на целиот проект, по што договорот бил спогодбено раскинат. Јовановски се повлекува од менаџерската позиција на ФК Беласица по последниот пораз од Борец од 2:1 во ПМФЛ.

Рехабилитацијата од повредата на ѕвездата на Реал Мадрид, Еден Азар не оди според планот. Белгиецот се здоби со најновата повреда на 3 февруари, а првичните прогнози беа дека ќе се врати на терените за 3 до 4 недели. Лекарите на Реал се надеваа дека Азар ќе ги обнови тренинзите на почетокот на март. Во саботата Белгиецот одработил интензивен тренинг, но почуствувал болки, па готово сигурно ќе го пропушти дуелот со Атлетико овој викенд.

Јувентус веќе поголем дел од сезоната игра без Пауло Дибала. Минатогодишниот МВП на Серија А, од есента одигра само 859 минути и во 16 настапи постигна три погодоци и две асистенции.
Аргентинецот го мачи повреда на левото колено, но веќе два месеци не може целосно да го санира проблемот. Неодамна асот на Јувентус беше во Барселона кај познатиот доктор Цугат, но нема позитивни реакции. Дибала и понатаму чувствува болки во коленото. Лекарите кои ги посетува не можат точно да одредат кој е проблемот.
Маките на Дибала започнаа на 10. јануари кога беше заменет во првото полувреме на натпреварот против Сасуоло. Првите прогнози беа дека ќе го нема 10 до 20 дена. Почетната дијагноза покажуваше полесна повреда на лигаментот, но испадна дека нешто покомплексно е во прашање.
Дибала веќе е на работ на очај бидејќи сезоната наскоро влегува во самиот финиш, на Јувентус му се потребни неговите голови во борбата за четвртфинале во Лига Шампиони, како и во трката кон Интер во Серија А.

Џанлуиџи Донарума се уште нема ставено параф на новото продолжување на договорот со Милан.
22-годишниот голман и веројатно еден од најдобрите чувари на мрежата во Европа има договор кој истекува за помалку од пет месеци, што го прави интересна мета за многу европски великани.
Според пишувањата на медиумите, Челзи е заинтересиран за голманот на „росонерите“.
Кепа Аризабалага падна во заборав по доаѓањето на Менди, се очекува шпанецот веројатно да го напушти Стемфорд Бриџ наредното лето. Најскапиот голман не го даде очекуваното, Донарума би бил вистинско подобрување, а и одлично решение земајќи предвид дека Менди ќе има обврски со Сенегал во Купот на нации во Африка.
Рајола за својот клиент бара плата од 175 илјади фунти на неделно ниво, а останува да видиме што Тухел и „сините“ мислат за тоа.

Порше автомобилот кој го поседуваше аргентинскиот фудбалски великан Диего Марадона во текот на својата последна сезона во Европа, оваа недела оди на аукција.
Марадона во 1992. година возеше сребрен Порше 911 на тренинг и на натпревар, додека играше за шпанскиот клуб Севиља, а тоа беше неговата последна сезона во Европа, по што отслужи 15- месечна забрана поради позитивен тест на дрога.
Марадона во текот на таа сезона беше на насловните страници бидејќи полицијата го сопре токму во ова возило поради поминување на црвено светло и брзина од 180 километри на час во центарот на градот.
„Го возеше само Диего Армандо Марадона и поради тоа овој автомобил би можел да вреди двојно или трикратно повеќе од вредноста на стандардниот автомобил.“ – рече Грегори Тујтенс, специјалист за автомобили во аукциската куќа Бонхамс во Белгија.
Аукцијата преку интернет ќе трае до 10. март, а почетната цена е 200 илјади евра. Возилото на аукцијата доаѓа со поминати околу 120 илјади километри.

Лидерот во Серија А, милански Интер се најде во неочекуван проблем поради неисплатениот бонус кон Манчестер Јунајтед за трансферот на Ромелу Лукаку, кој настана по клаузулата за обврската на миланскиот клуб да го исплати остатокот од барањата.
Најдобриот белгиски напаѓач во Милано пристигна во 2019. година од Јунајтед потпишувајќи петгодишен договор. Обесштетувањето за кое Интер се обврза да го плати изнесуваше 74 милиони евра, со додатни бонуси на име на учинок на фудбалерот кој е одличен оваа сезона.
Бидејќи Интер не го исплатил бонусот, Јунајтед ја активира споменатата клаузула.
Знаејќи дека парите се голем проблем во годината на пандемија, Јунајтед предлага алтернатива во вид на надокнада „во натура“.
Според пишувањата, „црвените ѓаволи“ се распрашуваат за Лаутаро Мартинез и Милан Шкринијар, па останува да видиме каков ќе биде епилогот.

Фудбалерите на Ливерпул во претстојното дерби против Челзи ќе бидат засилени со тројца опоравени првотимци, откако во неделата пред дербито на тренинзите се приклучија Диого Жота, Фабињо и Алисон. Ливерпул сезонава баш и немаше среќа со повредите, но пред дуелот кој се игра во четврток, Јирген Клоп има причини да биде задоволен. Најпрво кога станува збор за опциите во нападот, бидејќи Жота се враќа по пауза која траеше од декември и повредата против Мидтјиланд. Повредата на коленото на засилувањето од Вулверхемптон ги скрати опциите во нападот, баш во моменти кога играше во одлична форма. Клоп на располагање ќе го има и универзалецот Фабињо, кој не се штедеше оваа сезона да ги покрие „дупките“ во одбраната. На голот би требало да се врати и Алисон, кој не беше повреден, но го пропушти минатиот натпревар по трагичната вест за смртта на неговиот татко. Дуелот помеѓу Ливерпул и Челзи се игра во четврток со почеток од 21.15 на Енфилд, а најдобрите квоти за овој натпревар, но и сите останати можете да ги најдете на www.evrotip.mk.