Поведена постапка против првиот човек на италијанскиот фудбал
Римското обвинителство води истрага против претседателот на Фудбалскиот сојуз на Италија, Габриеле Гравина поради наводна проневера и перење на пари поврзани со ТВ правата.
Гравина кој доброволно се сретнал со обвинителите ги негира обвиненијата. Имено, тој е обвинет дека противзаконски користел пари од продажбата на ТВ правата во 2018 година кога ја водеше третата дивизија.
„Баравме сослушување и предадовме документација за да покажеме дека нашиот клиент е невин. Се рачиствивме и сигурни сме дека вистината набрзо ќе излезе на виделина“, соопштија адвокатите на Гравина.
Гравина на чело на италијанскиот Фудбалски сојуз е од 2018 година, а во април 2021 е избран во извршниот комитет на УЕФА со функција на потпретседател.
Сари пред заминување од Лацио
Италијанските медиуми проценуваат дека Маурисио Сари на крајот на сезоната ќе го напушти кормилото на Лацио.
Наводно, челниците на тимот од Рим планираат да ангажираат нов стратег бидејќи не се задоволни од резултатите од тековната сезона.
Во исто време, искусниот стратег не крие дека не е задоволен од трансферната политика во клубот. Тој вината за лошите резултати ја префрли на управата на „римските орли“.
Два гиганти го сакаат Дани Олмо во своите редови
Манчестер Сити покажува сериозен интерес за ѕвездата на Лајпциг, Дани Олмо, пренесуваат медиумите на Островот.
24-годишниот Шпанец одигра одлично против Реал Мадрид во Лигата на шампиони, па го воодушевил претседателот Флорентино Перез. Олмо ја помина школата на Барселона во младинските категории, од каде замина за Динамо Загреб каде ја доживеа својата фудбалска афирмација.
Сега блеска во дресот на Лајпциг, а Реал е спремен на лето за неговиот потпис да понуди 60 милиони евра.
Ди Марија го одби Маскерано, отворена понуда е упатена до Меси
Хавиер Маскерано ќе ја води фудбалската селекција на Аргентина на Олимписките Игри кои оваа година ќе се одржат во Париз, настан на кој „гаучосите“ сакаат да го видат Лионел Меси.
Меси во минатото има настапувано за олимписката селекција и освоено златен медал, но ова е сосема друга приказна и тоа во година во која ветеранот има и други обврски како со неговиот Интер Мајами така и со сениорската репрезентација која ја очекува Копа Америка.
Сепак до него има отворена покана и засега сите опции се во игра.
„Лионел е свесен дека годините исто така го стигнуваат. Иако е Меси, тој мора да се справи со обемот на работа бидејќи имаше една година исполнета со многу активности. Не сакаме да му пречиме, едноставно упативме покана за тој да ни се придружи на Олимпијадата. Верувавме дека е неопходно да ја упатиме оваа покана за да има време да размисли и да ја анализира бидејќи ќе мора да го напушти својот клуб“, истакна Маскерано кој обелодени дека Анхел Ди Марија веќе го одбил повикот, понудата да настапи во Париз.
Празнувајте ја Женската Сила секој ден!
По повод меѓународниот ден на жената 8-ми март компаниите на КС Групацијата (Голд Фелициа, Голд Слот, Евротип, КС Сервис и Премиум Сејфти Солушн) организираа неколку активности во духот на општествената одговорност. Секоја жена, мајка, девојка заслужува признание за својата улога во обликувањето на општеството и за придонесот кој го дава секој ден. Компаниите од КС Групацијата постојано ги поддржуваат и охрабруваат жените, бидејќи токму тие се двигател на промени од социјален и економски аспект.
Една од тие активности беше поддршката на Голд Фелициа за Конкурсот на Краток Расказ кој 11та година по ред го организира Организацијата на жени од Битола во соработка со НУ Универзитетска Библиотека Св.Климент Охридски – Битола. Темата на конкурсот беше ,,И цвеќе и шлаканица”. Беа доделени по 3 награди во двете категории – категорија ученици и категорија возрасни. Претставници од канцелариите на дирекцијата на КС Групација беа присутни на настанот и му ги доделија наградите на среќните добитнички.
На 7-ми март претставнички од канцелариите на дирекцијата на КС Групација присуствуваа на панел дискусија на тема: „Успехот не е случајност. Жените инспирираат и создаваат!“ во организација на Советот за женско претприемништво на општина Битола која се одржа во Офицерскиот Дом. Целта на настанот беше да се прослават жените во бизнисот, достигнувањата на жените, а со тоа да се подигне свеста против дискриминацијата и да се преземаат акции за поттикнување на родовата еднаквост.
На 8-ми март Голд Фелициа донираше професионален инхалатор на клиничката болница “Д-р Трифун Пановски” на одделот Педијатрија. Инхалаторот беше купен со парите од Новогодишниот хуманитарен базар кој се одржа во луксузниот амбиент на Голд Фелициа. Хуманитарниот базар беше организиран во соработка со Ротари Клубот – Битола Широк Сокак и приватната детска градинка Мали Чекори. Инхалаторите ќе бидат од голема важност при секојдневното работење со малите пациенти. Нашата групација сака да биде пример за сите останати компании и со личен пример да поттикне промени во општеството. Менаџерскиот тим на групацијата сака да акцентира дека “Нашето малку за некого е многу” и повикува на поголема општествена одговорност кај сите компании.
Пех за Лејкерси, Леброн го повреди зглобот
Кошаркарот на Лос Анџелес Лејкерс, Леброн Џејмс, ја објасни својата постапки на крајот од натпреварот со Сакраменто (120-130).
Џејмс отиде во соблекувалната без да чека сирената да го заврши натпреварот. Извор на „ESPN“ тврди дека проблемите на играчот се поради „прекумерна работа“. Џејмс за 36 минути на паркетот постигна 31 поен и 13 асистенции.
„Ќе бидам добро. Јас сум само загрижен за мојот глужд. Ова продолжува и по Ол-стар паузата. Правам се што можам за да се справам со проблемот. Не станува збор за многу сериозна ситуација. Ја одиграв цела трета четвртина, одморив малку на почетокот на четвртата, а кога се вратив, проблем. Ова е она што ме загрижува. Во некои натпревари сè е подобро – против Оклахома воопшто не обрнав внимание. И денеска – до четвртиот“, рече Џејмс.
Учеството на Џејмс на мечот против Кралевите беше доведено во прашање поради повреда на левиот зглоб.
Настапот на големата НБА-ѕвезда на натпреварот со Милвоки бакс ноќта петок кон сабота останува неизвесен.
Мануел Фелер го освои малиот кристален глобус во слалом
Австриецот Мануел Фелер ќе го освои малиот кристален глобус во слалом, откако последните планирани трки во оваа дисциплина беа откажани поради лошите временски услови во Крањска Гора.
„Поради обилните дождови во последните 24 часа, кои целосно ја уништија патеката, откажан е и слаломот од Светскиот куп за мажи во Крањска Гора“, соопшти ФИС.
Организаторите на Светскиот куп се обидоа да најдат алтернативна патека за домаќин на овој слалом кој беше закажан за в сабота, но за кратко време не успеаја да најдат решение.
Реал ќе го позајми Арда Ѓулер во Милан
Арда Ѓулер минатото лето пристигна во Реал Мадрид со големи очекувања, меѓутоа уште на почетокот се соочи со проблеми со повреди.
„Кралевите“ сакаат да го испратат на позајмица каде што ќе собира искуство по што може да се врати во шпанскиот гигант. Силен интерес за Арда покажува Милан, кој сака да го доведе на „Сан Сиро“ по истата формула како Брахим Дијаз.
„Росонерите“ го сакаат турскиот „бисер“ на позајмица со право на откуп, но Реал да има бај-бек клаузула во договорот.
Реал е спремен да ја прифати таквата понуда поради доброто искуство кое го имаше со Брахим Дијаз и поради фактот што Арда не добива голема минутажа во Мадрид.
Јунајтед спремен да понуди 80 милиони за Кимих
Џошуа Кимих на лето може да го напушти Баерн Минхен, тврди германски „Билд“.
Баерн Минхен нема намера да го пушти Кимих да замине бесплатно летото 2025 година и ќе биде отворен да ги слушне понудите за него. Кимих не е во добри односи со Томас Тухел и тоа е главната причина поради која одбива да преговара за нов договор.
Манчестер Јунајтед покажува најсериозен интерес за Германецот, но ситуацијата будно ја следат уште ПСЖ, Арсенал, Барселона и Ливерпул.
Баерн за слободата на 28-годишниот играч за врска ќе бара најмалку 80 милиони евра, сума која „црвените ѓаволи“ се спремни да ја платат.
Начо го напушта Реал и се сели во Рим
Рома е силно заинтересирана за дефанзивецот на Реал Мадрид, Начо Фернандез пренесуваат шпанските медиуми.
Поранешниот шпански репрезентативец е дете на клубот, а веќе цели 12 години е дел од првиот тим. Анчелоти му верува и Начо се уште е важен дел од тимот, но договорот на 32-годишниот дефанзивец истекува на лето.
Реал се уште не му понудил нов договор бидејќи сака да донесе нов дефанзивец, а Рома ќе се обиде да ја искористи таквата ситуација и да го доведе без обештетување.
