Бенџамин Менди доби уште две обвиненија за силување. Тој утре треба да се појави пред судот.

На 27-годишниот фудбалер кој и понатаму е во затвор, сега ќе му се суди по вкупно шест точки од обвинението за силување и една точка за сексуален напад. Претходно беше објавено дека Кралското обвинителство уште на 26 август, поднело обвинение против францускиот државјанин кој категорично ги негира обвиненијата.

Англискиот фудбалски состав времено го суспендираше црномурестиот играч во исчекување на резултатите од истрагата.

Рома и Милан се силно заинтересирани за офанзивниот фудбалер на Манчестер Јунајтед, Џеси Лингард. Англиските медиуми пренесуваат дека Лингард одбил да стави потпис на нов договор со Манчестер Јунајтед.

Лингард последните шест месеци ги помина во Вест Хем каде блескаше во дресот на „чеканите“, но двата клуба не се договорија за трансфер.

Манчестер Јунајтед му понуди нов договор, но играчот одбива да потпише, бидејќи не е задоволен со својот статус во тимот.

Договорот на Лингард истекува следното лето, па „црвените ѓаволи“ се спремни да го продадат во јануари за „само“ 12 милиони евра.

Невиден интерес и километарски редици за набавка на влезници се забележани во аргентинскиот град Сан Хуан каде ќе се игра големото јужноамериканско фудбалско дерби помеѓу репрезентациите на Аргентина и Бразил. Натпреварот е дел од квалификациите за пласман на Светското првенство во Катар 2022. 

Билетите за Ел класико дуелот се пуштени во продажба два дена пред почетокот кој е закажан за во среда наутро по наше време. 

Според информациите од локалните медиуми сите летови до Сан Хуан и сите хотели во градот се преполни со навивачи кои се надеваат дека ќе обезбедат влезници и ќе можат да го следат натпреварот на стадионот Сан Хуан дел Бицентенарио.

Ѕвездата на аргентинската фудбалска репрезентација, Лионел Меси ќе биде стартер за „гаучосите“ на пресметката со Бразил во јужноамериканските квалификации за пласман на СП 2022. 

Натпреварот ќе се одигра вечерва во Сан Хуан, а Меси ќе биде во 

тимот со капитенската лента, откако комплетно се опоравил од повредата.

Фудбалерот на ПСЖ одигра само 15 минути како замена во победата од 1-0 над Уругвај.

Јирген Клоп внимателно ќе ја следи ситуацијата со репрезентативецот на Сенегал, Садио Мане, кој вчера беше принудно повлечен од игра на квалификацискиот меч со Того.

Напаѓачот на англискиот  состав мораше да го напушти теренот во 28. минута  откако доби непријатен удар. Селекторот на Сенегалците, Алиу Сисе,  по дуелот побрза да ги смири страстите кај англичаните велејќи дека промената била само мерка на претпазливост.

Ливерпул во наредната рудна во Премиер-лигата го очекува дерби мечот со Арсенал а Клоп најверојатно ќе го остане без услугите на Џордан Хендерсон, кој исто така се повреди додека беше во кампот со Англија.

Напаѓачот на Челзи, Ромелу Лукаку веќе подолг период се мачи со повреда на скочниот зглоб и не настапува за својот клуб како и за белгиската фудбалска репрезентација.

Меѓутоа тој неодамна преку пост на Твитер им се обрати на своите фанови во кој го најавува неговото враќање на терените.

„Кога си отсутен со недели, сфаќаш колку е забавно само да тренираш и да се натпреваруваш против други тимови“, напиша Лукаку на својот Твитер профил.

Играчот од средината на теренот на Ливерпул, Харви Елиот е на добар пат кон конечно враќање на настапите за тимот. Младиот Елиот започна со лесни вежби со трчање во тренинг центарот на „црвените“ по сериозната повреда на зглобот од стапалото која ја заработи во септември.

18-годишниот супер талент на Ливерпул, одлично ја започна оваа фудбалска сезона но набрзо заработи тешка повреда на натпреварот против Лидс Јунајтед поради која мораше да замине на операција.

 Од медицинскиот тим на клубот од Енфилд најавија дека опоравувањето на Елиот се одвива многу добро и се надеваат на негово започнување со понапорни тренизни.

Бразилската фудбалска федерација соопшти дека Нејмар кој е еден од најдобрите играчи во тимот,поради повреда на бутниот мускул нема да настапи на Ел класико натпреварот против Аргентина.

Напаѓачот на Париз Сен Жермен повредата ја заработил на последниот тренинг на бразилската репрезентација пред нивното поаѓање за Аргентина и тренерот Тите нема да може да рачуна на неговите услуги.

Репрезентацијата на Бразил веќе обезбеди директен пласман на Мундијалот со победата над Колумбија од 1:0. Тие се први на табелата со 34 бодови , додека Аргентина е на втората позиција со 28 бода.

Енес Сали дебитираше во квалификациите за СП 2022 против Лихтенштајн. Тој се појави во игра во 82. минута и со тоа стана најмладиот фудбалер кој настапил за европска репрезентација на официјален натпревар.

Сали тоа го направи со 15 години и 264 дена. Претходниот рекорд му припаѓаше на Мартин Јодегер, кој дебитираше за Скандинавците на 15 години и 300 дена. Норвежанецот тоа го направи во август 2014 година на пријателски натпревар  против ОАЕ.

Што се однесува до Сали, тој е роден во Канада а неговите родители се Турци.

Извесно е дека Рома нема да ја активира опцијата за Мајорал која чини 20 милиони евра, а со тоа ќе се отвори можноста за Фиорентина и Реал Мадрид да можат да постигнат договор за Влаховиќ.

Со тоа што Фиорентина е заинтересирана за ангажман на Борха Мајорал, напаѓачот кој за Рома настапува на позајмица од Реал Мадрид, „Виолетовите“ би имале можност да имаат одредени придобивки доколку постигнат договор со „Кралевите“ за Душан Влаховиќ.

Реал Мадрид сериозно размислува за ангажман на Влаховиќ, а за таа цел би можел на Фиорентина да и ги понуди токму Мајорал, но уште и Лука Јовиќ, како и продолжување на позајмицата за Алваро Одриозола за дополнителна сезона.

Се верува дека Реал Мадрид веќе дал зелено светло за трансфер на Мајорал во Фиорентина, меѓутоа, останува отворено прашањето околу одлуката на Влаховиќ, за кого истовремено се интересираат уште Јувентус, Арсенал, како и Тотeнхем.