feature

Милош Раониќ го пропушта Австралија опен

Тенисерот од Канада, Милош Раониќ, нема да учествува на Австралија опен. Неговото место го главната ждрепка ќе го заземе шпанскиот тенисер Карлос Табернер.

Раониќ поради повредите кои го мачат подолго време, минатата сезона го пропушти учеството и на Ролан Гарос, Вимблдон, УС опен и Олимписките игри.

Последен турнир на кој учествуваше беше оној во Атланта кој се одржа минатиот јули, а севкупно во 2021 година има одиграно само 12 меча.

Австралија опен е единствениот гренд слем на кој Раониќ зеде учество минатата сезона и тогаш успеа да стигне до четвртото коло каде беше поразен од Новак Џоковиќ.

Костадинов промовиран во полскиот Пјас Гливици

Тихомир Костадинов ја продолжува кариерата во Пјас Гливици од Полска, тим со кој потпиша договор до 2025 година.

Костадинов се одлучи да го напушти Ружемборк каде што настапуваше во претходните четири сезони и сега 25-годишниот фудбалер од средниот добива нов предизвик.

„За мене ова беше лесна одлука. Сигурен сум дека правам чекор напред во кариерата. Пјаст е голем клуб и игра во силна лига, мило ми е што добивам ваква прилика. Се надевам ќе помогнам за подобри резултати на тимот“, изјави Костадинов.

Санчез Викарио се соочува со затворска казна заради финансиска проневера

Аранча Санчез Викарио, некогаш прва тенисерка на светот, е во големи финансиски проблеми.

Според „Тенишед“, таа се соочува со тужба која може да заврши со одлука за долгорочна затворска казна.

Должи 5,2 милиони евра на Банката на Луксембург на име даноци што никогаш не ги платила. Порталот пренесува дека Аранча и нејзиниот сопруг Хосеп Сантана имале план да го заобиколат плаќањето на данокот на доход. Се започнало кога Санчез Викарио излезе во јавноста со приказната дека била изманипулирана и дека во текот на нејзината кариера родителите се грижеле за сите аспекти од нејзиниот живот, вклучувајќи ги и финансиите.

Инаку, Санчез Викарио на 18 декември го прослави својот 50-ти роденден.

Кристијан Хорнер ќе го води Ф1 тимот на Ред Бул до 2026 година

Кристијан Хорнер постигна договор за продолжување на договорот со тимот на Ред Бул кој ќе го води до 2026 година.

Австриецот Хорнер, пристигна на чело на екипата во 2005 година, и во периодот до сега , тимот освои пет титули во поединечна конкуренција во Формула 1 шампионатот, како и четири титули во конкуренција на конструктори.

Во изминатава сезона, шампионскиот наслов во Ф1 му припадна на Макс Ферстапен од Ред Бул во една од највозбудливите трки во историјата на натпреварувањето. После оваа победа очекувано беше продолжувањето на соработката помеѓу тимот и Хорнер.

Гвардиола: Нема да купуваме напаѓач оваа зима

Тренерот на Манчестер Сити, Пеп Гвардиола, на новинарско прашање во врска со потенцијални засилувања во нападот на тимот, одговори дека не планира доведување на нов голгетер во јануарскиот трансфер период.

„Нема да доведуваме ниту еден напаѓач оваа зима“, истакна шпанскиот тренер на прес конференцијата, каде меѓу другото го потврди и заминувањето на Феран Торес во Барселона.

После ова е јасно дека Манчестер Сити, остатокот на сезоната ќе го одигра со еден класичен центарфор – Габриел Жесус. Но Гвардиола повеќе пати во улога на напаѓачи ги користи и Фил Фоден како и Рахим Стерлинг.

Нема сомнеж дека популарните „Граѓани“, планираат засилување за следното лето и ќе припремат примамлива финансиска понуда за тоа. Останува да се види дали повторно ќе тргнат по Хари Кејн или во план се и Душан Влаховиќ, односно Ерлинг Халанд.

Сите спортски манифестации во Германија ќе бидат без публика

Германскиот канцелар, Олаф Шолц, соопшти дека сите спортски натпреварувања во Германија, започнувајќи од 28.декември ќе се играат без публика.

Оваа одлука е донесена поради ширењето на омикрон сојот на коронавирус.

„Големите меѓурегионални настани повеќе нема да можат да се одржуваат со присуство на публика. Тоа особено се однесува на фудбалските натпревари“, истакнува Шолц.

Германската фудбалска лига со натпревари продолжува на 7.јануари.

Донација на новогодишни пакетчиња

Во пресрет на Новогодишните и Божиќните празници нашите три фирми Евротип, Голд Слот и Голд Фелициа, им донираа новогодишни пакетчиња на децата од дневниот центар за лица со поцебни потреби во Кичево.

“Традицијата за донирање во оваа установа ја продолжуваме и оваа година. Во 2019 година им дониравме специјална компјутерска столица за нивните секојдневни потреби.” – изјави Томас Јованоски, менаџер на Евротип и Голд Слот клубовите во Кичево

Во Кичевскиот дневен центар секојдневни активности имаа 20 деца со попреченост.

Празничниот период е време кога сите ние треба да си помогнеме меѓусебе. Евротип, Голд Слот и Голд Фелициа и понатаму ќе ја продолжат својата мисија и општествена одговорност, да помагаат онаму каде што е најпотребно.

Буфон: Доаѓањето на Роналдо во Јувентус ја промени тимската ДНК

Легендарниот голман на италијанската репрезентација и на екипата на Јувентус, изјави дека пристигнувањето на Кристијано Роналдо во Јуве во 2018 година доведе до губење на тимската ДНК.

„Јувентус имаше шанса да ја освои Лигата на шампионите во првата година кога дојде Роналдо, тоа беше годината кога бев во Пари Сен Жермен и не можев да сфатам што се случи. Кога се вратив, работев со Роналдо две години и добро се снајдовме заедно, но мислам дека Јувентус ја загуби својата ДНК како тим. Стигнавме до финалето на Лигата на шампионите во 2017 година бидејќи бевме тим полн со искуство, но пред се генерално бевме едно, имаше голема конкуренција во составот. Со доаѓањето на Кристијано го загубивме тоа“, изјави Буфон.

Роналдо во дресот на „бјанконерите“ постигна 101 гол на 135 натпревари и два пати беше освојувач на Серија А. Но клубот со Роналдо во своите редови, три години не успеа да го мине четвртфиналето во Лигата на шампионите.

Дерик Роуз два месеци надвор од кошаркарскиот терен

Членот на Њујорк Никс, Дерик Роуз, имаше операција на скочниот зглоб поради која осум недели ќе отсуствува од настапи за својот тим.

Роуз, кој е поранешен МВП на НБА лигата, својата повреда ја заработи на натпреварот против Хјустон Рокетс. После деталните прегледи лекарите утврдија дека е потребен хирушки зафат после кој го очекува подолга пауза.

33-годишниот играч, оваа сезона во дресот на Њујорк Никс, има просек од 12 коша, 3 скока и 4 асистенции.

Одложени два натпревари од божиќната програма на Премиер лигата

Деновите што претстојат отсекогаш биле посебен период во животот на секој љубител на англискиот фудбал. Како што се приближува популарниот „Боксинг деј“, толку е поголема еуфоријата кај сите навивачи. За жал, се чини дека овој фудбалски празник нема да биде вистинскиот сезонава, а се надеваме дека нема да има целосно одложување, што е се пореално.

Натпреварите меѓу Ливерпул и Лидс, односно Волвс и Ватфорд се одложени поради зголемениот број на позитивни случаи на коронавирус. Овие две средби требаше да ја отворат целата програма и низата на возбудливи натпревари, на 26 декември. Лидс и Ватфорд беа лидери и креатори на овој предлог, а четата на Марсело Бјелса беше принудена дури и да го затвори тренинг кампот. Што се однесува до моменталниот однос на челниците во лигата, планот е натпреварите, без разлика на неизбежните одложувња, да се одиграат, барем некои од нив. Буквално секој натпревар ќе биде под голем знак прашалник до последен момент.

«< 1365 1366 1367 1368 1369 >»