Иднината на Килијан Мбапе повторно е главна тема во медиумите бидејќи неговиоот договор со ПСЖ истекува на крајот на сезоната.

Мбапе одбива да стави потпис на нов договор, па на лето најверојатно ќе го напушти клубот како слободен агент.

Реал Мадрид веќе подолго време фажи како фаворит за неговиот потпис, интерес покажува и Ливерпул, а сега во трката за неговиот потпис се приклучи и Баерн Минхен.

Според „Sport1“, Баерн се сомнева во изводливоста на трансферот на 24-годишниот Французин поради неговата висока плата, но неговото име неколкупати се појавува во разговорите со раководството на Минхен. Од клубот не ја исклучуваат можноста да влезат во трката за да го доведат без обештетување. Мбапе не само што е еден од најдобрите фудбалер на светот, туку ќе придонесе многу комерцијални придобивки на германскиот гигант.

Фудбалерот на Њукасл, Бруно Гимараеш, може да добие понуда да се пресели во Барселона, наведуваат дел од медиумите во Англија.

Каталонците процениле дека 24 годишниот играч може да биде наследник на ветеранот Серхио Бускетс. Бразилецот пристигна во Англија пред една година за 45 милиони евра и веднаш се наметна со неговите игри во Премиер лигата.

Барса е подготвена за потписот на Бруно да понуди пари и еден фудбалер.

За време на сослушувањето, дефанзивецот на Милан и италијанската репрезентација и откри на обвинителката Мануела Педрота дека се обложувал на рулет.

„Не се обложив на фудбал, туку на други видови игри како што е рулетот“, изјави Алесандро Флоренци на сослушувањето кај јавната обвинителка Мануела Педрота.

Триесет и двегодишниот фудбалер е осомничен за нелегално обложување додека беше член на Рома.

Флоренци е обвинет за истото кривично дело како Фаџоли, Тонали и Заниоло, единствените тројца играчи кои досега беа запишани во регистарот на осомничени, врз основа на тамошните закони.

Одбранбениот фудбалер отиде во обвинителството во придружба на адвокатите Конте и Тогноци, исто како и Николо Заниоло. 

Фудбалерот на Вилјареал Џереми Пино, ги повреди лигаментите на левото колено, и се очекува да го пропушти останатиот дел од сезоната.

Пино тешко и да се опорави за идното Европско првенство, на кое Шпанија веќе се квалификацираше.

Овој 21-годишен фудбалер досега одигра 12 натпревари во дресот на Шпанија, и постигна два гола.

Освен за Шпанија, повредата на Пино е тежок удар и за Вилјареал, кој по 13 кола е на 14 позиција на табелата и му престои битка за останување во Ла Лига.

Фудбалскиот сојуз на Англија излезе со оптужба за тренерот на Арсенал, Микел Артета, за недоличното однесување и коментарите за судењето после натпреварот со Њукасл во Премиер лигата.

Артета изрази големо незадоволство од одлуката на ВАР судијата после поразот од Њукасл со 0-1, кога судијата Антони Гордон во три наврати проверуваше спорни ситуации и во сите случаи одлуките беа во корист на Њукасл.

Од фудбалскиот сојуз на Англија излезе соопштение во кое се вели дека коментарите на Артета претставуваат недолично однесување бидејќи се навредливи спрема судијата и дека го нарушуваат натпреварот.

Тренерот на Арсенал има рок до вторник за да стави жалба на одлуката.

Екипите на Макаби Хаифа и Макаби Тел Авив од Израел, домашните дуели во фудбалските натпреварувања под капата на УЕФА ќе ги играат во Србија пред празни трибини.

Европската куќа на фудбалот дозволи таков развој на настаните со израелските екипи поради воениот конфликт на тој дел од светот. Според програмата, Хаифа мечот со Рен од групната фаза во Лига Европа ќе го одигра на 30 ноември на стадионот „Рајко Митиќ“ во Белград.

Составот од Тел Авив ќе се сретне со Зорја на 14 декември на стадионот „ТСЦ“ во Бачка Топола во групната фаза во Конференциската лига.

Македонскиот фудбалски репрезентативец, Енис Барди, кој со прекрасен погодок беше креатор на ремито со Италија во Скопје, вели дека утрешниот меч со „аѕурите“ во Рим, претставува голем мотив за сите репрезентативци.

„Натпреварот во Македонија против Италијанците остана во историјата. Утре ни следи нов натпревар, веројатно нови фудбалери и нов систем. Не треба да потенцирам дека сме мотивирани. Имаме нови, млади фудбалери и тоа е шанса да бидеме подобри а за тоа ни требаат вакви натпревари. Сите индивидуално се подготвуваме, имаме одличен квалитет и не верувам дека Италија ќе нè потцени. Верувам дека

Фудбалерот на Наполи и на нашата репрезентација, Елиф Елмас, вели дека Италија ќе има голема поддршка од фановите на утрешната пресметка со Македонија во Рим во рамките на квалификациите за ЕП.

„Мечот е многу значаен за Италија но, ние треба да се насочиме кон нашата игра. Дојдовме тука за да освоиме три бода. За нас е задоволство да играме против Италија. Не знам дали не потценуваат но, дојдовме тука да извлечеме добар резултат. Знаеме како играат тимовите на Спалети, верувам дека ќе биде исто како во Наполи. Тие ќе се обидат да бидат агресивни“, вели македонскиот репрезентативец.