Тренерот на Барса, Роналд Куман не се откажува од можниот пласман во четвртфиналето на Лигата на шампионите. Овие две екипи знаат да предизвикаат драма во елитното натпреварување, а предводникот на Каталонците смета дека неговиот тим има потенцијал да го неутрализира поразот на „Камп Ноу“. „Најважно е да се рехабилитираме по тешкиот натпревар. Не сакам да размислувам дека не е изводливо да направиме пресврт во Париз. Одиме таму и ќе се бориме до последната минута за да се пласираме во следната рунда“, изјавил Куман. Реваншот е закажан за 10 март, а ПСЖ на првата средба победи со 1- 4.

Катарскиот тум Ал-Сад, чиј тренер е легенда на Барселона и шпанскиот фудбал, Чави Ернандез, стана шампион на Катар. Ал Сад го победи Ум-Салал со 3:0 како гостин во натпревар од 18-тото коло на шампионатот на Катар. Така, Ал-Сад е недостижен на врвот на табелата со 16 победи и 2 нерешени натпревари, а оваа екипа има импресивна гол разлика 69- 12. Ова е шести трофеј за Чави во неговата тренерска кариера. Поранешниот играч за врска на Барселона го презеде Ал-Сад во мај 2019 година.

Фудбалерот на Арсенал, Александер Лаказет е понуден на Јувентус кој на лето планира да доведе напаѓач, пренесува Калчомеркато. Договорот на францускиот фудбалер истекува во 2022. година и мали се шансите и во наредната сезона да настапува на „Емирати“. Минатото лето беше на чекор од трансфер во Атлетико Мадрид, но сепак остана во северен Лондон, но овој пат тоа ќе биде тешко замисливо. Како што се пренесува, поранешниот напаѓач на Олимпик Лион е во потрага по нов предизвик, на крајот од месец мај полни 30 години и смета дека е вистинско време за промена. Се додава дека, судејќи по профилот на играчот, трите најдобри клубови за продолжување на кариерата се – Атлетико, Барселона и Јувентус. Лаказет е член на Арсенал од 2017. година и за тоа време постигна 59 погодоци во сите натпреварувања во 157 натпревари.

Фудбалерот на Јувентус, Артур Мело ќе конкурира за тимот на утрешниот реванш натпревар од осминафиналето во Лигата на шампионите против Порто. Оваа информација ја пренесуваат голем број на блиски извори до клубот, а се очекува да ја потврди и тренерот на Јувентус, Андреа Пирло воочи натпреварот против португалскиот клуб. Јувентус пред нешто помалку од три недели беше поразен на „Драгао“ со 2:1 и ќе брка заостаток од еден погодок, а во отсуство на Родриго Бентанкур, враќањето на поранешниот играч за врска на Барселона ќе значи и опција повеќе за Пирло. Артур не беше на теренот повеќе од еден месец, кога против Рома доживеа повреда на ногата. Оваа сезона одигра 23 натпревари во сите натпреварувања и постигна еден погодок. Реванш дуелот помеѓу Јувентус и Порто е со почеток од 21. часот, а најдобрата понуда за овој меч можете да ја најдете на www.evrotip.mk.

Глазгов Ренџерс е нов шампион на Шкотска. Култниот шкотски клуб ја прослави својата 55. шампионска титула, прва уште од 2011. година. По големата криза и банкротот, клубот беше испратен во четвртата лига во 2012. година и беше присилен да го промени името. Во последните неколку сезони започна да расте, а со оваа титула го достигна и врвот. Еден од најсреќните во екипата на Стивен Џерард беше легендарниот Џермејн Дефо. Овој сјаен 38-годишен напаѓач со години беше еден од најугледните голгетери во Премиерлигата, но никогаш во кариреата не успеал да освои еден голем трофеј. До сега, имаше само една титула и тоа во Лига купот со Тотенхем. Кариерата ја започна во Вест Хем, а играше уште за Тотенхем, Портсмут, Сандерленд, Торонто и Борнмут, а од 2019. година е член на Ренџерс.

Актуелниот англиски шампион Ливерпул игра катастрофална сезона во Премиерлигата, па тренерот Јирген Клоп направи листа на потенцијални засилувања за наредната сезона. Оваа информација ја пренесе некогашниот напаѓач на Ливерпул, Стен Колимор повикувајќи се на тоа дека лошата форма на поединци и повредите на други играчи ги забрзаа плановите на „црвените“ за претстојната сезона. Како што се наведува, на листата желби се наоѓаат најмалку четворица фудбалери. Меѓу нив е фудбалерот на ПСЖ, Килијан Мбапе, за кој се интересира и Реал Мадрид, Давид Алаба, кој од ова лето ќе биде слободен играч, а на истата беше и Дајот Упамекано, кој веќе се договори со Баерн Минхен. Тука е и првата ѕвезда на Астон Вила, Џек Грилиш за кој се интересира и најголемиот ривал на Ливерпул, Манчестер Јунајтед. Се додава дека оваа листа не е заклучена и дека во некои решенија може да се прошири и на Ерлинг Халанд од Борусија Дортмунд. По поразот од Фулам, тимот на Клоп е на седмото место на табелата со четири бодови заостанување од местото кое води во Лигата на шампионите.

Mилан сезонава игра одлично, иако во последно време „росонерите“ малку паднаа во формата.
Сепак, и понатаму не може да се каже дека Скудетото им е недостижно. Ќе потсетиме, нивна главна цел пред почетокот на сезоната беше тимот на да се врати во Лигата на шампионите и тоа е речиси обезбедено.
Сега во италијанските медиуми се најавува дека тимот може да добие нов сопственик и тоа бизнисменот од Молдавија, Александар Јуцов. Адвокатскиот тим на Јуцов објави дека тие добиле дозвола да започнат преговори со Инвестициониот фонд „Елиот“ за превземање на клубот.