Роберт Левандовски би можел ова лето да го напушти Баерн Минхен. Како што пренесува дека германски „Скај“, Левандовски сериозно размислува да го напушти Баерн Минхен бидејќи сака нова авантура во својата кариера. Менаџерот на Левандовски, Пини Захави сака да преговара со заинтересираните клубови,а цената на Полјакот би била 60 милиони евра. Јулијан Нагелсман ќе биде нов тренер на Баерн од следната сезона, па сигурно сака да го подмлади тимот, а тоа значи дека Левандовски може да биде продаден.

Лукас Васкез е блиску до продолжување на договорот со Реал Мадрид. Договорот на Васкез истекува на крајот на сезоната, па долго време се шпекулираше дека двете страни не можат да се договорот и дека ќе си замине како слободен агент. „Кралевите“ испратиле нова, подобрена понуда, а 29-годишниот фудбалер е спремен да ја прифати и да продолжи да го носи дресот на Реал Мадрид. Васкез ќе добие договор на три години со можност за продолжување на уште една сезона, со годишна плата од пет милиони евра.

Родриго де Паул игра фантастично во Удинезе и оваа сезона, па
наскоро би можел да направи трансфер во Милано.
Италијанските гиганти веќе подолго време го следат Де Паул, а
медиумите тврдат дека „росонерите“ веќе презеле конкретни чекори
за негов ангажман.Пиоли смета дека Аргентинецот ќе му го донесе потребниот квалитет на средината на теренот бидејќи Де Паул може да игра на повеќе позиции во средниот ред.
Удинезе за неговата слобода бара 40 милиони евра, а Милан веќе
испратил прва понуда. Имено, „росонерите“ нудат кеш плус Петер
Хауге, кој оваа сезона постигна осум гола и покажа дека е голем талент.

Челзи ќе биде многу активен во летниот преоден рок, а приоритет ќе биде доведување на врвен напаѓач. Томас Тухел како приоритет означил доведување на нов напаѓач затоа што Вернер не воодушеви, но нема да биде отпишан и да дојде нов напаѓач. На „Стенфорд Бриџ“ се надеваат дека ќе успеат да ја добијат битката за потписот на Ерлинг Халанд, иако се свесни дека трансферот ќе биде многу скап. Лондонскиот тим има план да продаде неколку фудбалери за да ги собере потребните 200 милиони фунти за трансферот на Халанд.

Мино Раиола, еден од најмоќните фудбалски менаџери, даде големо интервју за шпански „АС“. Во него говореше за Суперлигата, но и за иднината на некои од неговите најпознати клиенти, како
што е Пол Погба. За него кажа дека најважно е дека она што Јунајтед го сака, но и дека негов сон е да игра за Реал Мадрид, како и дека идол му е Зинедин Зидан. Раиола се осврна и на гласините за можна размена Азар- Погба.
„Ништо не е невозможно, ова е фудбал и секој ден е различен. Морате да бидете подготвени на сите можности. Што ако утре Реал предложи и сите четири страни бидат заинтересирани. Има смисла, зар не?“, вели славниот менаџер.

Барселона му даде на ПСЖ понуда за трансфер на напаѓачот Нејмар ,
објавиа француските медиуми. Напаѓачот ќе биде најголем приоритет на клубот за време на летниот преоден рок.
Според информациите кои беа објавени, самиот Нејмар е скептичен
во врска со можноста да се врати на „Камп Ноу“. Претходно, тој
објави дека прашањето за продолжување на договорот со ПСЖ е
практично решено и пред реализација.
Нејмар се пресели во ПСЖ од Барселона во 2017 година за рекордни
222 милиони евра, кои беа наведени во неговиот договор како
обештетување. Оваа сезона, 29-годишниот бразилски напаѓач одигра 14 натпревари во француската Лига 1, постигнувајќи шест гола и три асистенции. Актуелниот договор на Нејмар со парискиот клуб е до летото 2022 година.

Синиша Михајловиќ наредната сезона би можел за прв пат во кариерата да води клуб надвор од Италија. Иако се уште нема официјална понуда, англиски Кристал Палас е заинтересиран за 52-
годишниот српски тренер, пишуваат италијанските медиуми.
Истите извори потсетуваат на тоа дека клубот од Лондон беше заинтересиран за Михајловиќ уште пред неколку години, а се додава и дека кандидат за клупата е и легендарниот француски
фудбалер, Патрик Виеира. Кристал Палас е на 13. место во Премиерлигата и столчето на Рој Хоџсон не е загрозено, но договорот на 73-годишниот Хоџсон истекува на крајот од оваа сезона, а тој се уште не одлучил дали ќе ја продолжи кариерата.
Михајловиќ скоро целиот тренерски век го помина во Италија, започна во Болоња, каде се врати во 2019. година. Водеше само италијански екипи, а кратко беше и селектор на Србија. Летото 2018 година потпиша тригодишен договор со португалски Спортинг, но доби отказ само девет дена по доаѓањето на новата управа.

Клубовите во Премиер лигата биле информирани дека ќе треба да обезбедат услови за присуство до 500 навивачи на гостинските екипи кои би можеле да ги следат натпреварите во последните две кола од шампионатот во живо. Планот е да се примаат до 10 000 гледачи на стадионите, но досега категорично беше наведено дека навивачите на гостинските екипи нема да смеат да патуваат. Во принцип, 10% од капацитетот на стадионот треба да биде наменет за гости, но во овие услови процентот ќе се преполови на 5%. Такво писмо беше испратено од извршниот директор на Премиер лигата Ричард Мастерс за да ги подготви клубовите за планираното олеснување на мерките на владата. Во писмото се нагласува дека мора да се запази ограничувањето на цената на билетите за гостинските навивачи, што е 30 фунти.

Един Џеко, најверојатно ќе го напушти „Олимпико“ по крајот на сезоната. Договорот на Џеко со Рома истекува на 30 јуни 2022 година, но двете страни можат да се договорат за раскинување на договорот. Годишната плата на Џеко е 7,5 милиони евра. Во еден момент од сезоната, Џеко имаше несогласувања со тренерот Пауло Фонсека. Португалскиот стручњак најверојатно нема да ја предводи Рома во новата сезона, но сепак, се очекува Џеко да го напушти Рим ова лето.