Лотар Матеус процени дека младиот Џејдон Санчо имаше лоша проценка кога се определи да ја напушти Борусија Дортмунд и да се пресели во редовите на Манчестер Јунајтед.

Санчо кај „милионерите“ имаше речиси загарантирано место во првата постава додека кај „црвените ѓаволи“ не успеа да се избори за првотимскиот статус. Напаѓачот во меѓувреме го загуби и местото во репрезентацијата на Англија.

„Санчо треба многу да работи за да направи чекор напред. Мислам дека неговите настапи и значењето на мечевите на кои се појавува не се доволни да напредува“, изјави Матеус.

Од англиските медиуми пристигнуваат информации дека тренерот на Евертон, Рафаел Бенитез сака да доведе најмалку двајца играчи во јануарсkиот преоден рок. Тој изјавува дека на Евертон му се неопходни засилувања за да остане конкурентен во продолжението на сезоната.

Идејата на Рафа Бенитез е да го засили тимот со уште еден крилен напаѓач и играч од средината на теренот. Имиња на потенцијални засилувања не се соопштуваат бидејќи нема одговор од управата на клубот колку пари ќе му бидат ставени на располагање за трансфери оваа зима.

Милан во летниот преоден рок постигна договор со Реал Мадрид за двегодишна позајмица на Брахим Дијаз.

Милан за позајмицата плати 3 милиони евра, но на крајот на позајмицата ќе има право да го откупи за додатни 20 милиони евра. Шпанецот игра фантастично од почетокот на сезоната и Милан веќе донесе одлука да го откупи уште на крајот на оваа сезона.

Реал во договорот ќе има бај-бек клаузула и во следните две години ќе може да го врати Шпанецот за 27 милиони евра.

Брахим Дијаз е задоволен на Сан Сиро и дал согласност да остане и ќе потпише 5-годишен договор со „росонерите“.

Според информациите кои доаѓаат од спортските портали во Италија, напаѓачот на Аталанта, Јосип Иличиќ, ќе го продолжи договорот со клубот. 

Од управата на клубот од Бергамо, веќе се договориле со 33-годишниот репрезентативец на Словенија за потпишување на нов договор кој ќе важи до 2024 година.

Иличиќ настапува за екипата на Аталанта од јули 2017 година. Од стартот на сезоната, напаѓачот одигра 14 натпревари со постигнати 4 гола и 2 асистенции.

Единсон Кавани, кој ја реализира последната сезона на „Олд Трафорд“, во текот на летото може да добие понуда да се пресели во Палмеирас.

Бидејќи 34-годишниот фудбалер ќе може да направи трансфер без обештетување, неколку елитни тимови сакаат да дојдат до неговиот потпис. Тука се споменуваат Реал, Барселона и Бока Јуниорс.

Уругваецот кој го облече дресот на „црвените ѓаволи“ во 2020 година, има одиграно  47 мечеви со ефект од 18 голови и шест асистенции.

Мајкл Овен смета дека Премиер лигата е најсилното првенство во Европа.

Често се зборува за тоа која е најсилната лига во Европа, а во таа дебата сега се приклучи и поранешниот напаѓач на Ливерпул, Манчестер Јунајтед и Реал, Мајкл Овен. Овен смета дека Премиер лигата е далеку пред сите.

„Мислам дека Премиер лигата е далеку пред останатите европски лиги и дека е се посилна. Неколку години сме пред останатите. Сега потпишавме со двајцата најдобри играчи во Серија А – Роналдо и Лукаку. Меси премина во послаба лига, така и Ла Лига станува се послаба. Лига 1 никогаш не можам да ја сфатам сериозно“.

На денешната прес конференција, тренерот на Ливерпул, Јирген Клоп објави дека напаѓачот Роберто Фирмино заработил сериозна повреда во пределот на коленото и ќе паузира повеќе од четири недели.

 Бразилецот беше принудно заменет на натпреварот со Атлетико Мадрид во рамките од Лигата на шампиони, кој Ливерпул го доби со 2:0.

„Вестите за Боби не се добри. Тој има сериозна повреда на подколеницата. Не знам со сигурност колку ќе биде надвор од игра, но претпоставуваме дека ќе биде надвор од терените повеќе од 4 недели.Боби е играч кој обично брзо закрепнува“, изјави Клоп.

Јулијан Нагелсман,тренерот на Баерн Минхен, ќе може да рачуна на Лукас Хернандез и Никлас Суле за претстојниот натпревар против Фрајбург во Бундеслигата, откако двајцата ги санираја повредите и продолжија да тренираат со екипата.

Суле и Ернандез го пропуштија натпреварот од Лигата на шампиони, против Бенфика кој Баварците го добија со 5-2.

Во тимот од Минхен се враќа и напаѓачот Чупо-Мотинг кој се опорави од повредата на подколеницата.

Конечно добри вести за тренерот на Манчестер Јунајтед, Оле Гунар Солскјер. Дефанзивецот Виктор Линделоф се опорави од повредата и е подготвен за настап на дерби натпреварот против Манчестер Сити.

Линделоф го пропушти дуелот со Аталанта во Лигата на шампионите поради повреда која ја заработи на тренинг, но сега е целосно опоравен и подготвен за игра, стои во соопштението од медицинскиот тим на Манчестер Јунајтед.

Враќањето на Швеѓанецот во тимот е одлична вест за Солскјер во моментот кога Рафаел Варан заработи повреда и ќе отсуствува повеќе од еден месец. Тој сега има тројца подготвени дефанзивци за дерби дуелот со градскиот ривал и би можел да го започне мечот со Линделоф,Баи и Мегваер.