Арсенал официјално го објави потпишувањето на крилниот напаѓач Нони Мадуеке од лондонскиот ривал Челзи во договор вреден околу 52 милиони фунти.
„Топџиите“ веќе некое време бараат нов крилен напаѓач, а интересот за Мадуеке првпат беше објавен кон крајот на јуни. По успешните разговори со Челзи и агентот на играчот, трансферот сега е завршен.
Мадуеке станува четвртото големо засилување на Арсенал ова лето, откако веќе ги потпиша Мартин Зубименди, Кристијан Њоргор и голманот Кепа Аризабалага. Се очекува Арсенал да ги финализира и договорите за Кристијан Москера и Виктор Гокерес во наредните денови.
По две и пол години на „Стемфорд Бриџ“, 23-годишниот Мадуеке пристигнува на „Емирати“ со надеж дека ќе ја оживее својата кариера. Тој има 92 настапи за Челзи, постигнувајќи 20 гола, освојувајќи ја Лигата на конференцијата и Светското клупско првенство со клубот ова лето. Мадуеке има и седум настапи за Англија.
Арсенал се надева дека ќе го комплетира својот состав со уште две засилувања пред нивната предсезонска турнеја во Азија, каде што ќе се соочат со Мила
Лилард се врати во својот Портланд
Демиан Лилард, еден од најпрепознатливите бекови во НБА лигата, официјално се врати во Портланд Трејл Блејзерс.
Клубот од Орегон потврди дека потпишал тригодишен договор со 34-годишната суперѕвезда, кој според достапните информации ќе заработи 42 милиони долари.
Враќањето на Лилард доаѓа откако неодамна беше отпуштен од Милвоки Бакс, иако во неговиот договор имаше загарантирани 113 милиони долари за наредните пет сезони. Одлуката на Бакс следеше по сериозната повреда на Ахиловата тетива во првото коло од годинашниот плејоф, поради која ќе ја пропушти целата наредна сезона.
Лилард беше избран како шести пик на НБА драфтот во 2012 токму од Портланд, каде ги помина првите 11 сезони од својата кариера и стана клупска легенда. Во 2023 се пресели во Милвоки, но неговата епизода таму беше краткотрајна.
Суспензија заради допинг за светската првенка во маратон
Кениската атлетичарка Рут Чепнгетич, светска рекордерка во женскиот маратон, е привремено суспендирана поради позитивен допинг тест, соопшти Единицата за интегритет во атлетиката (AIU).
Чепнгетич во март била позитивна на забранет диуретик и супстанца која се користи за прикривање на употреба на допинг.
AIU наведува дека спортистката доброволно прифатила привремена суспензија додека трае истрагата за случајот.
Кениската атлетичарка го постави светскиот рекорд во женскиот маратон во октомври минатата година на маратонот во Чикаго, со време од 2 часа, 9 минути и 56 секунди, подобрувајќи го претходниот рекорд за речиси две минути.
AIU не прецизираше кога ќе биде донесена конечната одлука во нејзината дисциплинска постапка.
Гарначо се предомисли и ќе се бори за место во тимот во Манчестер Јунајтед
Младиот фудбалер на Манчестер Јунајтед, Александро Гарначо, иако не влегува во плановите на менаџерот, Рубен Аморим, нема намера да ја напушти Англија.
Познато е дека 20-годишниот играч од Аргентина е трансферна цел на неколку екипи но, тој сака да остане во Премиер-лигата.
Според проценките, неговата вредност на пазарот изнесува 45 милиони фунти. Гарначо има договор со „црвените ѓаволи“ до летото во 2028 година.
Македонија пријави 181 спортист на ЕМОФ
Македонската спортска делегација ќе брои вкупно 203 члена, од кои 181 спортист на претстојниот Европски младински олимписки фестивал – ЕМОФ Скопје 2025, кој ќе се одржи од 20 до 26 јули во Скопје, Куманово и Осиек. Нашите претставници ќе се натпреваруваат во сите 15 спортови што се дел од програмата, што претставува историски момент за македонскиот спорт.
На денешната прес-конференција, на која официјално беше промовиран македонскиот националниот тим, се обратија Даниел Димевски, Претседател на Македонскиот олимписки комитет, Владимир Богоевски, Спортски директор на МОК и директор за спорт при ЕМОФ и Светлана Макаровска, шеф на мисијата на македонската делегација.
„Станува збор за исклучително голем настан – убедливо најголемиот што досега го организирала нашата држава. Очекуваме импресивна бројка од околу 6000 учесници, меѓу кои 4300 спортисти од 14 до 18 години и тренери, 700 судии и официјални лица, 200 ВИП гости и 800 волонтери. Тоа значи дека Македонија во овие седум дена ќе пулсира со младинска спортска енергија, што ретко се гледа дури и на многу поголеми европски спортски манифестации Организацијата на ваков фестивал е вистинска привилегија, а особено сме горди што успеавме Скопје да го вметнеме на мапата на најзначајните спортски настани во Европа. Ова е уникатна можност за промоција на нашата држава на европско ниво“, посочи претседателот на МОК.
Претседателот на МОК порача дека настапот на ЕМОФ Скопје 2025 ќе биде клучно искуство во формирањето на идните спортски шампиони на Македонија.
„Ова се тие клучни години кога секој млад спортист се профилира и се гради како идно спортско име. Убеден сум дека искуството што ќе го доживеат на ЕМОФ Скопје 2025 – можноста да се натпреваруваат со врсници од цела Европа, да носат дресот на Македонија и да бидат дел од еден европски олимписки контекст – ќе им помогне побрзо да созреат и да израснат во врвни спортисти. Горди сме што успеавме да формираме толку квалитетна и бројна делегација и што им дадовме шанса на најдобрите млади таленти од нашата земја да бидат дел од ова спортско семејство. Верувам дека нивното учество ќе биде само почеток на многу успешни спортски приказни,“ истакна Димевски.
Спортскиот директор на МОК, Богоевски нагласи дека ЕМОФ Скопје 2025 ќе биде најголемиот спортски настан што некогаш се одржал во Македонија – со рекорден број спортови и натпреварувачи.
„Официјалното име на настанот е Европски младински олимписки фестивал, во рамките на кој се одржуваат и спортски игри. Ова е 18-то издание на фестивалот, а Македонија досега на сите претходни изданија заедно била претставувана од вкупно 50 спортисти. Овој пат, само во Скопје 2025, нашата делегација брои 203 члена, од кои 181 се спортисти – што претставува огромен исчекор за македонскиот младински спорт. Делегацијата ќе биде сместена во студентскиот дом „Стив Наумов“ во Скопје, како и во Куманово, каде ќе се одвиваат натпреварите во кошарка, маунтајн бајк и друмски велосипедизам. Ова е историски момент за македонскиот спорт и организациски капацитет, и вистинска шанса да покажеме дека сме подготвени да бидеме домаќини на европско ниво.
Првпат во историјата на фестивалот ќе има 15 спортови, додека на досегашните изданија најмногу биле застапени 12. Тоа е рекорд и за самиот ЕМОФ, но и за Македонија како домаќин. Убеден сум дека настан од ваков обем не само што досега не бил организиран кај нас, туку нема да се повтори барем во следните 30 години.,“ посочи Богоевски, спортски директор на МОК и директор за спорт при ЕМОФ.
Шефот на мисијата на македонската делегација, Макаровска најави дека македонските спортисти се подготвени да остават силен впечаток на ЕМОФ Скопје 2025 – со поддршка од целата јавност и со Шајни, маскотата која ќе ги води низ фестивалот.
„Станува збор за млади луѓе кои се на почетокот на својата спортска кариера и за кои ова ќе биде непроценливо искуство. Преку настапот на ЕМОФ Скопје 2025, тие ќе научат како се натпреварува и како се претставува својата земја на младински олимписки игри – што ќе им биде исклучително важно како подготовка за идни олимписки циклуси.
Особено ми е чест да ја претставам маскотата Шајни, која ќе ги симболизира олимписките вредности – пријателство, единство, почит и спортски дух – на сите настани во рамките на фестивалот. Со голема гордост ги најавувам и нашите знаменосци на церемонијата на свеченото отворање – Кристијан Смилев, натпреварувач во кајак, и Матеа Поповска, одбојкарка. Тие ќе го носат македонското знаме пред очите на цела Европа.
Убедена сум дека македонската јавност ќе биде силен поддржувач на овие спортисти, кои ќе дадат сè од себе и на подготовките и на натпреварите, за Македонија да се претстави не само како најбројна, туку и како најтрофејна делегација на фестивалот,“ изјави Макаровска
Џеко убеден дека може да игра на врвно ниво и на 40 години
40-годишниот фудбалер, Един Џеко, откако во летниот трансфер период се врати во Италија и потпиша за Фиорентина, вели дека никој не смее да го отпише пред време.
„Годините не се значајни. Се чувствувам добро, работиме напорно. Играчите се многу мотивирани“ – рече играчот од Босна и Херцеговина.
„Никогаш не сум си поставил ограничувања и никогаш не сум кажал колку голови сакам да постигнам. Тимот е на прво место, головите и асистенциите се исто така моја работа“ -истакна ветеранот кој потпиша договор за една година со можност да му биде продолжен до 2027-ма.
Де Лаурентис најави нов стадион во Неапол
Наполи ќе добие нов стадион во рок од три години, најави првиот човек на италијанскиот шампион, Аурелио Де Лаурентис, по што се насочи кон новата сезона во Лигата на шампионите и неколкуте засилувања што дојдоа во текот на летово.
„Ќе бидеме конкурентни на највисоко ниво. Мора да донесуваме одлуки бидејќи во спротивно за две или три години фудбалот ќе исчезне, мора да интервенираме“, изјави Де Лаурентис.
„Имаме Серија Б која пропаѓа, Серија А која не успева да се намали. Политичарите веруваат дека сме милијардери а 90% од клубовите се заглавени во долгови“ – изјави Де Лаурентис.
Два европски гиганти го сакаат Донарума
Премиерлигашот Манчестер сити и бундеслигашот Баерн Минхен ја следат ситуацијата со голманот на Пари Сен-Жермен, Џанлуиџи Донарума, објави инсајдерот Николо Шира на социјалната мрежа Икс.
Претходно беше објавено дека иднината на 26-годишниот Италијанец во парискиот клуб зависи од неговата желба да го продолжи договорот.
Тековниот договор на Донарума со ПСЖ е до 2026 година.
Трансфермаркт ја проценува вредноста на голманот на 40 милиони евра.
Во сезоната 2024/25, Донарума играше на 47 натпревари во сите натпреварувања, прими 43 гола, а на 17 од нив ја зачува мрежата чиста.
Наполи го осигура потписот на Вања Милинковиќ Савиќ
TURIN, ITALY – OCTOBER 15: Vanja Milinkovic-Savic of Torino FC reacts during the Serie A match between Torino FC and Juventus at Stadio Olimpico di Torino on October 15, 2022 in Turin, Italy. (Photo by Valerio Pennicino/Getty Images)
Српскиот голман Вења Милинковиќ-Савиќ наскоро ќе стане дел од Наполи, откако преговорите достигнаа до крајната фаза.
Познатиот спортски новинар Фабрицио Романо извести дека трансферот влегува во финална фаза и дека официјализацијата се очекува во наредните денови.
Во оваа зделка е вклучен и Сирил Нгонд, кој ќе премине од Наполи во Торино како позајмен играч на една година за милион евра, а ќе има опција за трајно откупување за 11.000.000 евра следното лето.
Сè уште не е јасно дали договорот за трансферот на Милинковиќ-Савиќ ќе биде поврзан со преговорите за Нгонд, но се знае дека Милинковиќ-Савиќ наскоро ќе замине за лекарски прегледи во Наполи.
Иако во последните месеци беше поврзуван со неколку англиски клубови, Вања избра да остане во Италија и да му се приклучи на шампионот.
До сега во италијанската лига настапуваше за Торино, а има искуство и во Асколи и СПАЛ. Беше и на позајмица во Стандард Лиеж и Лехија Гдањск.
Својата кариера ја започна во Војводина, по што премина во младинската академија на Манчестер Јунајтед, но таму не ја доби вистинската шанса..
Ренато Марин нов голман на европскиот првак ПСЖ
Освојувачот на Лигата на Шампионите, Пари Сен Жермен, го објави ангажманот преку слободен трансфер на младиот голман на Рома и младински репрезентативец на Италија, Ренато Марин. 19-годишниот голман потпиша договор до 2030 година со освојувачот на тројната круна од минатата сезона.
Марин е родум од бразилскиот мегалополис Сао Пауло, но во 2020 година се преселува со своето семејство во Рим и започнува да игра за младинските и јуниорските тимови на Рома. Најверојатно, тој ќе биде трет голман во тимот на Луис Енрике по Џанлуиџи Донарума и Матвеј Сафонов.
На 7 јануари 2024 година, Ренато Марин првпат седнува на клупа за првиот тим на Рома во натпреварот против Аталанта. Вкупно за тимот на “волците” до 20 години одигра 50 натпревари во кои прими 59 гола и имаше 15 чисти мрежи.
Неговите добри настапи не останаа незабележани, и постепено стана младински репрезентативец на Италија, запишувајќи 13 настапи за тимот на “скуадра адзура” до 19 години.
