Италијанските медиуми пренесуваат дека раководството на Јувентус ќе прави промени во играчкиот кадар на крајот на сезоната.
После раната елиминација од Лигата на шампиони и лошата сезона во Серија А во Јувентус се спремаат за промени, а најверојатно следната сезона ќе имаат нов тренер, но и капитен.
Се очекува на лето Џорџо Киелини да стави крај на кариерата и да ја предаде капитенската трака. Јасно е дека Бонучи нема да ја добие бидејќи го загуби кредибилитетот поради трансферот во Милан.
„Тутоспорт“ пишува дека нов капитен ќе биде Матијас де Лихт, кој веќе се наметнува како лидер на теренот, но и во соблекувалната.

Европската фудбалска унија (УЕФА), во блиска иднина има во план да го укине финансискиот фер-плеј. УЕФА го воведе овој систем за да ги спречи големите и финансиски моќни клубови да завладеат со фудбалот.
Италијанскиот новинар, Танкредо Палмери, објави дека УЕФА ќе воведе нов систем, кој на клубовите ќе им овозможи поголеми слободи во трошењето на парите.
Ова значи дека богатите клубови повеќе нема да имаат ограничувања и веројатно е дека повторно ќе сведочиме на големи трансфери.
Трансфер-рекордот се уште го држи ПСЖ, кога во август 2017 година на Барселона за Нејмар ѝ плати 222 милиони евра.

Според пишувањата на англиските и шпанските медиуми, Реал Мадрид се откажа од фудбалерот на ПСЖ. Едноставно, Мбапе е прескап за нив во моментот. Од друга страна, премиерлигашите се наоѓаат во подобра финансиска ситуација за Ерлинг Халанд. Претставници на Манчестер Сити веќе го контактираа неговиот татко Алфи, а наводно во трката е и Челзи. Затоа, тимот од Мадрид има ново приоритетно име во нападот.
Зидан го сака Хари Кејн.
„Убиствениот“ Англичанец се подготвува за уште една сезона без трофеј. Дури ни Мурињо не можеше да ја направи својата магија. Тотенхем беше елиминиран од Динамо во Лига Европа, во моментот се шести во Премиерлигата.
Англичанецот е веќе во зрели години, летово ќе наполни 28. Време е за трофеи, а сопственикот на Тотенхем, Даниел Леви и Флорентино Перез веќе имаат добра соработка од минатото.

Претставништвото на Панини во Македонија кој го произведува албумот со самолепливи сликички за големите фудбалски собири објави дека на 5 април, официјално ќе стартува со продажбата албумот за Европското првенство каде ќе настапи и македонската фудбалска репрезентација.
Колекционерите на албумот Панини во нашата земја ќе имаат голема причина за уживање и предизвик, затоа што прв пат во фудбалската историја Македонија ќе биде дел од ЕП или СП и во албумот, кој останува засекогаш.
Се уште не е познато колку ќе чини едно пакетче и колку сличиња ќе има внатре. Но јасно е дека македонските фудбалски репрезентативци ќе бидат најпосакувани во пакетчињата.

Лукас Васкез ги одби сите понуди на Реал Мадрид, на лето заминува како слободен играч, а заинтересиран е Баерн Минхен?
Ова е помалку неочекувана вест, Васкез отсекогаш бил универзален војник за сите тренери, посебно за Зинедин Зидан, но далеку од тоа дека беше меѓу првите ѕвезди на екипата.
Реал изрази непочитување со понудата за договор од една година, Васкез одамна ги стопираше преговорите и ја бара најдобрата опција.
Баш таква и се појави, а весникот Ас пренесува дека договорот би можел да биде постигнат веќе во наредните неколку денови.
Васкез во Баерн скоро сигурно би играл на позицијата десен бек, на која Ханси Флик не смета на последното засилување Сар од Марсеј.
Васкез по потреба може да игра и како крило, што беше негова примарна позиција, но со време, како Хесус Навас, и тој „израсна“ во одличен бек.

Селекторот на македонската репрезентација, Игор Ангеловски и репрезентативецот, Бобан Николов на официјалната прес-конференција пред натпреварот против Романија во Букурешт ги истакнаа своите очекувања за првиот наш натпревар од квалификациите за Светското првенство.
„Најпрвин, наискрени желби за брзо опоравување од вирусот со КОВИД-19 до мојот колега од романската репрезентација. Ова се времиња кога мора да бидеме солидарни еден со друг и посакувам селекторот Радои да има негативен тест и да ја предводи својата репрезентација.
Ние имаме одредени проблеми со повредени и фудбалери кои недостасуваат, но за Македонија е најважно да функционираме како тим. Јас како селектор посакувам да ги имам најдобрите, но и во вакви околности ќе се обидеме да го извадиме максимумот од фудбалерите.
Ја респектираме романската селекција, имаат одлични фудбалери, но ние повтрдивме и во Лига на нации и во претходните квалификации дека можеме да се носиме со силни противници и не гледам причина да не биде така и на овој натпревар.
Доаѓаме во една пријателска земја, носиме и емоции затоа што Букурешт ќе биде наш дом и на Европското првенство и верувам дека тоа ќе ни биде добар мотив за квалитетен натпревар. Со Романија ќе бидеме противници на терен, но Букурешт како наш дом за Европското првенство посакувам да ни ја даде сета поддршка во јуни. Посакувам како наш пријателски народ, романците да ни дадат безрезервна поддршка на ЕП. Сега сме фокусирани на овој дуел и желбата позитивно да ги стартуваме новите квалификации.“ – изјави Игор Ангеловски на прес конференцијата.
„Се радувам на можноста да се видам и да настапувам против моите поранешни соиграчи кои ги знам долго време, јас дојдов во Романија на 12-13 години. Но, и покрај тоа што сме одлични пријатели, на терен ќе бидеме вистински противници и нека победи подобриот. Може да кажам дека сум среќен што Букурешт ќе биде и наш домаќин на Европското првенство, имам многу пријатели тука кои знам дека ќе бидат наша вистинска поддршка.“ – вели Бобан Николов.

Напаѓачот на фудбалскиот состав Јувентус, Кристијано Роналдо, може да го напушти Торино во текот на летото иако неговиот договoр е валиден до 2022 година.
Како што информира весникот -„АС“, „старата дама“ сè уште нема добиено предлози за Португалецот, но, доколку 36-годишниот играч изрази желба да си замине, Јувентус ќе биде отворен за дијалог и нема да му прави проблем.
Торинскиот клуб е подготвен да ги разгледа предлозите за Роналдо од најмалку 25 милиони евра. Доколку нема конкретни понуди, Бјанконерите ќе го задржат во составот.