Напаѓачот на Белгија, Ромелу Лукаку, кој поради повреда го пропушти првиот натпревар на СП во Катар, повторно започна да тренира со екипата.
Селекторот на Белгија, Роберто Мартинез, во изјава за новинарите рече дека потребно е да се види како Лукаку ќе реагира на тренинзите после што ќе донесе одлука дали тој ќе може да настапи на средбата со Мароко.
Својата одлука селекторот ќе ја донесе еден ден пред натпреварот кој се игра во недела од 14.00 часот.
Рома и Лидс се силно заинтересирани за плејмејкерот на Торино и српски репрезентативец, Саша Лукиќ. Лукиќ игра одлична сезона и го привлече вниманието на многу клубови, а „Тутоспорт“ пишува дека главната битка за неговиот потпис ќе ја водат Рома и Лидс.
Мурињо е голем симпатизер на Србинот и верува дека одлично ќе се вклопи во неговиот систем на игра, а во Лукиќ гледа наследник на Матиќ.
„Волчицата“ важеше како фаворит за неговиот потпис, но сега во трката се вклучи и Лидс, кој е спремен да понуди повеќе.
Лукиќ после Мундијалот ќе донесе конечна одлука дали ќе остане во Серија А или ќе се пресели во Премиер лигата.
Најголемата технолошка компанија во светот – „Apple“ ќе биде сериозен кандидат за купување на Манчестер Јунајтед откако семејството Глејзер објави, дека е подготвено да ги продаде „црвените ѓаволи“.
Англиските медиуми тврдат дека технолошкиот гигант кој никогаш немал учество во спортски клуб, планира да плати 5,8 милијарди за Јунајтед.
Годишните приходи на компанијата изнесуваат околу 326 милијарди фунти.
Јувентус во текот на зимскиот трансфер период ќе се обиде да се засили на позицијата десен бек, најавија медиумите во Италија.
Како потенцијални засилувања се гледаат: Јоаким Мален од Аталанта, Синого Вилфрид од Торино и Емил Холм од Специја. Што се однесува до играчите од другите лиги, Јуве е заинтересиран за португалскиот дефанзивец на Валенсија, Тиери Кореја и 18-годишниот Шпанец на Валјадолид, Иван Фрешед.
Кудрадо во тековното италијанско првенство одигра 14 од 15 натпревари и забележа 3 асистенции.
Илкај Гундоган влезе во последната година од договорот со Манчестер Сити и на лето ќе биде слободен агент. Германските медиуми пренесуваат дека нема најави за продолжување на соработката со „граѓаните“, а целата ситуација будно ја следат Милан и Јувентус.
Италијанските гигати сакаат да го доведат Германецот без обештетување на лето, па наскоро ќе стапат во контакт со неговиот агент.
Интерес за Гундоган покажува уште Баерн Михен, а конечната одлука ќе ја донесе после Мундијалот во Катар.
Претседателот на фудбалскиот клуб Париз Сен Жермен, Насер Ал Келаифи, ја разгледува можноста клубот да го напушти стадионот Парк на принцовите, бидејќи екипата од Париз заслужува подобар стадион.
„ПСЖ заслужува да игра на подобар стадион. Моја прва опција беше да не се селиме на друг стадион, меѓутоа градските власти во Париз не тераат да го направиме тоа. Досега имаме потрошено 85 милиони евра за модернизација на стадионот, кој не е во наша сопственост. Имаме желба да го купиме Паркот на принцовите но властите во Париз побараа многу висока цена“, изјави Келаифи.
Француските медиуми пренесуваат дека ПСЖ планира купување и преселба на друг стадион во Париз.
Португалија во еден драматичен натпревар ја совлада Гана со 3-2. До водство Португалците стигнаа со гол од пенал на Роналдо врз кого и беше направен прекршокот. Селекторот на репрезентацијата на Гана, Ото Адо смета дека судиите немало да покажат на белата точка ако место Роналдо бил друг фудбалер во таа ситуација.
„Главниот судија досуди пенал кој не беше пенал, сите можеа да го видат тоа. Зошто го досуди? Затоа што во прашање беше Роналдо. Ако некој постигне гол нормално ќе му честитам, меѓутоа ова беше подарок од судијата за Роналдо“, изјави Ото Адо по натпреварот.
Еден од најдобрите светски тенисери, Рафаел Надал, изјавува дека нема намера во скоро време да му каже збогум на тенисот, но истакнува дека е подготвен за живот после професионалната кариера.
Надал деновиве се наоѓа во Аргентина каде ќе одигра неколку егзибициони натпревари со Каспер Руд. Надал на прес-конференција во Буенос Ајрес одговараше на бројни новинарски прашања.
„Јас сум прилично реална личност, и знам дека ќе дојде и тој момент кога ќе ја завршам профи кариерата. Спремен сум за живот после тенисот, и мислам дека нема да имам проблеми да се прилагодам на промените во животот. Тенисот како спорт го обожувам, но постојат и други работи кои се подеднакво битни. Можам само да кажам дека крајот на кариерата сепак не е блиску“, изјави Надал.
Австралијанецот Даниел Рикардо во наредната сезона на Формула 1 шампионатот ќе биде трет возач во екипата на Ред Бул.
33-годишниот Рикардо оваа сезона возеше за Мекларен, а сезоната ја заврши на 11.место во генералниот пласман со освоени 37 бода. Рикардо во минатото веќе возеше за Ред Бул од 2014 до 2018 година.
Наредната сезона за екипата на Ред Бул повторно ќе вози тандемот Макс Верстапен и Серхио Перез.
Манчестер Јунајтед во јануари ќе се засили со холандскиот крилен фудбалер Коди Гакпо, пренесуваат англиските медиуми.
22-годишната ѕвезда на ПСВ одигра фантастична сезона и го привлече вниманието на многу европски гиганти, а Јунајтед не успеа да го донесе во летниот преоден рок.
Гакпо е еден од најголемите таленти во Холандија во овој момен и оваа сезо на 22 меча постигна 13 гола и запиша 16 асистенции во сите натпреварувања, а постигна гол и на првиот меч на Мундијалот.
Гакпо веќе има договор со „црвените ѓаволи“, а преговорите помежу двата клуба брзо напредуваат и наскоро се очекува конечен договор.
Со заминувањето на Роналдо, Јунајтед отвори простор во тимот за нов офанзивен фудбалер, а Тен Хаг верува дека Гакпо идеално ќе се вклопи во неговиот стил на игра.
