feature

Непредвиден пораз од Кожув за крај на календарската година на Пелистер

Кошаркарите на Пелистер не успеаја победнички да ја завршат оваа календарска година откако вечерва загубија во Битола од Кожув со резултат 76-83. „Зелено-белите“ одираа под своите можности, особено потфрлија во втората и во четвртата четвртина што се покажа пресудно за Пелистер во 11. рунда да го забележи четвртиот овосезонски пораз.

Пелистер одлично го отвори натпреварот, набрзина поведе со 5-1, а нешто подоцна стигна и до осум поени предност (14-6) со поените на Митревски и на Дејвис. Американецот Брејси Дејвис беше одличен во стартните десет минути, предводени од него „пелистерци“ поведоа со 18-9, а потоа со поените на Милошевиќ стигнаа и до првото двоцифрено водство на мечот (22-11).

Првата четвртина заврши со предност на Пелистер од 22-14, а „зелено-белите“ одржуваа солидна предност до 25-18, по што гостите целосно се вратија во мечот, во 15. Минута со тројката на Пурвис поведувајќи со 27-28. Серијата на Кожув продолжи и гостинскиот состав стигна и до девет поени предност (29-38). Пелистер конечно се разбуди, со тројката на Стојановски намали на 36-39, имаше и тројка за израмнување што Вилсон не ја искористи, па по тројката на Пурвис на спротивната страна на одмор се замина со предност на гостинскиот тим од 36-42.

Kожув го контролираше резултатот до 43-52 и 45-54, по што Пелистер се врати во посакуваниот ритам. Одбраната беше на највисоко ниво, се врати и ритамот во нападот, па за само неколку минути резултатот беше свртен во корист на „зелено-белите“, а гостинскиот тренер Малинков мораше да побара тајмаут по цепелинот на Вилсон за 58-57. Кожув поведе со 58-61, но Брејси Дејвис погоди со звукот на сирената и во последните десет минути се влезе со миниминално водство на гостите од 60-61.

Пелистер одигра катастрофално во првите минути од четвртата четвртина, период во кој Кожув се одлепи и поведе со 62-70. При 65-76 на пет и пол минути до крајот Даскаловски побара уште еден тајмаут. Сепак, ситуацијата на теренот не се промени, гостите ја задржаа предноста до конечните 76-83 и се вратија со цел плен назад во Гевгелија.

Центарот Ленгстон Вилсон имаше импресивен дабл-дабл од 24 поени и 16 скокови, Брејси Дејвис го заврши мечот со 19 поени, Малешевиќ имаше 14, а Митревски 13 поени, недоволно за оваа календарска година да се заврши со триумф.

Ал-Наср добива забрана за трансфери

Меѓународната фудбалска федерација ( ФИФА ) му забрани на саудискиот клуб Ал-Наср да потпишува нови играчи, објави официјалната веб-страница на организацијата.

Според „Мундо Депортиво“, забраната за трансфери можела да му биде изречена на Ал-Наср поради долгот на клубот кон Манчестер Сити за трансферот на централниот дефанзивец Емерик Лапорт во 2023 година. Се нагласува дека саудискиот клуб не им исплатил на „Граѓаните“ приближно 9 милиони евра. Рокот за отплата на долгот истече на 31 август. Минатата есен, Лапорт се пресели од Ал-Наср во Атлетик Билбао.

Да потсетиме дека во саудискиот клуб игра и суперѕвездата, Кристијано Роналдо.

Јунајтед спремен да понуди 100 милиони за Јилдиз

Манчестер Јунајтед планира да ја победи конкуренцијата за да го потпише играчот од средниот ред на Јувентус, Кенан Јилдиз, нудејќи 100 милиони евра (88 милиони фунти) за играчот. Лондонски Арсенал исто така покажува интерес за овој играч.

20-годишниот Јилдиз стана мета на клубовите од Премиер лигата бидејќи сè уште не потпишал долгорочен договор со Јувентус. Двете страни имаа неколку рунди преговори, но не успеаа да постигнат договор.

Манчестер Јунајтед подготвува „астрономска“ понуда за да ги изненади своите ривали од Премиер лигата и да го обезбеди потписот на Кенан Јилдиз. Клубот верува дека таква сума ќе го убеди Јувентус да го пушти својот играч. Понатаму, Манчестер Јунајтед ќе може да му го понуди на играчот финансискиот пакет на кој се надевал.

Според изворот, Јилдиз би можел да формира напаѓачко партнерство со Бенџамин Шешко, Брајан М’бемо и Бруно Фернандеш. Доколку трансферот на „Олд Трафорд“ се реализира, турскиот играч ќе се натпреварува со Матеус Куња за позицијата лев напаѓачки играч од средниот ред, носејќи го дресот со број 10.

Тиаго Силва пред потпис со Порто

Бразилскиот дефанзивец Тиаго Силва би можел да се врати во европскиот фудбал. Тој е во активни преговори со Порто за договор што ќе важи до јуни 2026 година.

Договорот може да вклучува опција за продолжување до 2027 година. Ова го објави познатиот новинар и инсајдер Николо Шира на својот профил на социјалните мрежи.

Тиаго Силва претходно го напушти бразилскиот клуб Флуминензе како слободен агент. Дефанзивецот одигра 212 натпревари за Флуминензе, постигнувајќи 19 гола и беше капитен на тимот. За време на неговиот престој во клубот, тој го освои Купот на Бразил во 2007 година. Според порталот „Трансфермаркт“, вредноста на играчот е 600 000 евра.

Корнелија Хутер победи на спустот во Вал д’Изер

Австриската алпска скијачка Корнелија Хутер победи во спуст трката од Светскиот куп 2025/26 одржана денес во Вал д’Изер, Франција. Таа ја заврши патеката за 1:41,54.

Второто место го освои Германката Кира Вајдле-Винкелман, со заостанување од 0,26 секунди. Легендарната 41-годишна Американка Линдзи Вон (+0,35) ги заокружи првите три на подиумот.

По изминатите 12 натпревари, во генералниот пласман за Големиот кристален глобус сè уште води фаворитот Микаела Шифрин (САД) со 558 поени, пред Алис Робинсон од Нов Зеланд со 404. На третото место досега е Германката Ема Ајхер со 345.

Во пласманот за спуст, Линдзи Вон е на врвот со 240 поени, пред Ајхер со 171, Хутер со 155 е третта.

Корнелија Хутер веќе има пет победи во спуст од вкупно 10 во својата кариера во Светскиот куп. Таа ќе биде главен кандидат за медал во олимпискиот спуст, закажан за 8 февруари во Кортина д’Ампецо. Таа се пласираше на четвртото место во спуст на секое од двете светски првенства одржани по Олимписките игри во Пекинг 2022 година, каде што заврши седма.

Враќањето на Вон по речиси шест сезони надвор од патеките е насочено кон Зимските игри во Италија, што ќе биде нејзина петта Олимпијада. Таа освои злато во Ванкувер во 2010 година и бронза зад Гоџа во Пјонгчанг во 2018 година.

Утре, Вал д’Изер ќе биде домаќин на супер-велеслаломот, една недела откако Вон заврши на четвртото место во оваа дисциплината во Сент Мориц, на која победи Алис Робинсон од Нов Зеланд.

Гризман има три понуди да ја смени средината

Напаѓачот на Атлетико Мадрид, Антоан Гризман, привлече интерес од неколку тимови. Три клуба веќе му испратија конкретни понуди за трансфер на Французинот.

Меѓу главните кандидати се Ал-Ахли од Саудиска Арабија, Ал-Вахда од Обединетите Арапски Емирати и Шарлот од МЛС лигата. Покрај клубовите споменати погоре, и други тимови ја следат ситуацијата на играчот. Американскиот Интер Мајами, Лион, Јувентус од Торино и Галатасарај од Истанбул изразија интерес за 34-годишниот Французин.

Тековниот договор на Гризман со мадридскиот клуб е до средината на 2027 година. Оваа сезона, напаѓачот настапи на 24 натпревари во сите натпреварувања, постигнувајќи осум гола и една асистенција, а неговата пазарна вредност се проценува на 11 милиони евра.

Барса се предомислува, сега сака да го откупи Рашфорд

Барселона се повеќе се стреми кон потпишување на договорот со крилниот напаѓач Маркус Рашфорд , кој е на позајмица од Манчестер Јунајтед до крајот на тековната сезона, објави „Мундо Депортиво“.

Според изворот, тимот на Ханс-Дитер Флик високо ја цени разноврсноста на Англичанецот, способен да игра на двете крила и во центарот на нападот. Исто така, се забележува подготвеноста на Рашфорд постојано да врши притисок врз одбраната на противникот, неговото шутирање од далечина и неговата способност да дава асистенции.

Се нагласува дека доколку каталонскиот клуб конечно одлучи да го откупи 28-годишниот напаѓач, тој ќе мора да плати 30 милиони евра.

Претходно, медиумите објавија дека Барселона нема да го реализира целосниот трансфер на крилниот напаѓач.

Рашфорд оваа сезона настапи на 23 натпревари во сите натпреварувања, постигнувајќи седум гола и 11 асистенции. Неговиот тековен договор со Манчестер Јунајтед е до летото 2028 година, пазарна вредност е 40 милиони евра.

Ливерпул по само една сезона ќе го продаде Исак

Поранешниот фудбалер на Ливерпул, Диди Хаман вели дека Александер Исак може да биде продаден по крајот на сезоната доколку не го подигне нивото на перформансите.

Александер Исак стана најскапиот трансфер на „островото“, во последните денови од летниот преоден рок се пресели на Енфилд во зделка вредна околу 125 милиони фунти.

Напаѓачот сепак се мачи во дресот на „црвените“ и игра далеку под очекувањата.

И според Диди Хаман, тој би можел да биде продаден веќе по крајот на сезоната доколку не го подигне нивото на перформансите.

„Мислам дека Ливерпул нема да продаде никого во јануари, но доколку работите не се подобар за Александер Исак во март или април, големи се шансите летоска да го продадат на клуб како Барселона“ – вели поранешниот фудбалер.

„Мислам дека Ливерпул нема да има проблем со финансиите, дури и без настап во Лигата на шампиони, сигурно немаше да потрошат толку многу пари доколку не можат да си го дозволат тоа“.

Започна лицитацијата на англиските гиганти за ѕвездата на Борнмут

Во моментов тешко дека има поатрактивно име на трансфер-пазарот во Премиер лигата од Антоан Семењо. Напаѓачот на Борнмут игра во одлична форма, претставува постојана закана за секоја одбрана и со своите настапи го привлече вниманието на голем број англиски клубови.

Досега најчесто се споменуваше Ливерпул, но во трката според последните информции сериозно се вклучл и Манчестер сити, клуб кој би можел целосно да ја преземе водечката позиција во битката за неговиот потпис.

Семењо има откупна клаузула која се движи меѓу 60 и 65 милиони фунти. Освен Ливерпул и Манчестер сити, интерес покажуваат и Тотнем и Манчестер јунајтед, додека Арсенал внимателно ја следи ситуацијата и би реагирал само доколку до крајот на јануари продаде еден од своите крилни фудбалери.

Манчестер сити има јасна цел, враќање на шампионската титула на „Етихад“. Со оглед на повредите на Боб и Доку, како и отсуството на Омар Мармуш кој настапува на Африканскиот куп на нации, „граѓаните“ ќе мора да тргнат по вистински засилувања, а Семењо се вклопува во тој профил, иако за реализација ќе биде потребна сериозна финансиска инвестиција.

Според информациите, Манчестер сити уште две недели пред стартот на преодниот рок започнал разговори со фудбалерот, па во наредниот период се очекува да биде појасен и исходот од преговорите.

Семењо има 25 години, а сезонава постигна седум погодоци во Премиер лигата на 15 одиграни натпревари, што дополнително ја зголемува неговата пазарна вредност

Одложено враќањето на Хаверц, Германецот ќе причека до јануари

Лидерот во Премиер лигата и Лигата на шампионите, Арсенал, се соочува со сериозни проблеми кога станува збор за повредите на фудбалерите, а менаџерот Микел Артета денеска доби уште една лоша вест, германскиот офанзивец Каи Хаверц нема да се врати на терен во терминот што првично беше планиран.

Хаверц е надвор од тимот уште од август. Ја санираше повредата на коленото која долго време го оддалечи од натпреварите, но во меѓувреме се појави нов проблем, поради што се очекува да биде подготвен дури по околу три недели.

Во меѓувреме, Арсенал доби добри вести со враќањето од повреда на Мартин Одегард, Виктор Ѓокереш, Габриел Жезус и Нони Мадуеке, додека сè уште се надвор од комбинација Габриел, Кристијан Москера и Бен Вајт.

„Топчиите“ се наоѓаат на првото место на табелата во Премиер лигата со 36 бодови, два повеќе од Манчестер сити и три од Астон Вила, а во сабота од 21 часот ќе гостуваат кај Евертон во рамки на 17. коло.

Во Лигата на шампионите, Арсенал има максимален учинок со шест победи од исто толку натпревари.

«< 154 155 156 157 158 >»