Кристијано Роналдо е во преговори за продолжување на својот престој во Ал Наср, но Португалецот постави свои услови кои бара да му бидат прифатени.
Според пишувањата на одредени медиуми, Роналдо побарал од клубот да доведе квалитетни играчи а еден од посакуваните бил поранешниот соиграч од Реал и Манчестер Јунајтед, Каземиро.
Управата на Ал Наср веќе ги разгледува барањата на својата најголема звезда и веќе подготви понуда за доведување на Каземиро во Саудиска Арабија.
Медиумите од Англија ја пренесуваат веста дека фудбалерот на Арсенал, Габриел Жезус, ги повредил вкрстените лигаменти на коленото за време на натпреварот против Манчестер Јунајтед во ФА Купот.
Тренерот на „топџиите“ Микел Артета, не сакаше да ја потврди оваа вест пред официјалните лекарски резултати, но сепак најави подолго отсуство за Бразилецот.
„Бевме многу загрижени после натпреварот со Јунајтед, Мораме уште еднаш да ја провериме состојбата со Габриел. Не сакам ништо да потврдам додека не добијам конечни резултати но повредата изгледа сериозно“, изјави Артета.
Голема е веројатноста дека Арсенал ќе мора да бара засилување за голгетерската позиција до затворањето на јануарскиот преоден рок.
Тренерот на Наполи, Антонио Конте даде свој коментар околу одлуката на Квича Кварцехлија да го напушти тимот.
Пред неколку дена Конте објави дека грузискиот крилен напаѓач побарал да биде ослободен од клубот и затоа е разочаран.
„Сакам да објаснам нешто. Чувствувам потреба да го направам ова затоа што ако бев во Англија, можеби ќе помислам дека нешто е пропуштено во преводот, но јас зборувам италијански и се чини дека луѓето погрешно го толкуваат она што го мислам. Зборував за разочарување не од играчот, не од клубот, туку од себе, бидејќи за шест месеци не можев да ја сменам ситуацијата. Не велам дека Кварацхелија или клубот ме изневери, јас секогаш ја преземам одговорноста за моите постапки и не ја префрлам на некој друг. Мислев дека можам да имам поинакво влијание во овие шест месеци, но сфатив дека се вративме таму каде што почнавме. Сакам да го објаснам ова бидејќи денес видов наслови: „Квара го изневери Конте“. Квара не ме изневери. Сметам дека тренерот треба да му помогне на клубот да донесе одлуки и да советува кои играчи да ги потпише. Кога ќе сфатам дека не можев да влијаам на ситуацијата, се разочарувам. Квича е добро момче и секој треба да си ја решава судбината, како што и клубот треба да носи свои одлуки“., изјави Конте.
Додаде дека малку повеќе бил самоуверен затоа што мислел дека може да има поголемо влијание.
„Не можев да го направам тоа. Штета е затоа што тој е одличен играч, но мораме да ја прифатиме и реалноста.
Кварацхелија кој е еден од најдобрите фудбалери на Наполи, одлучи кариерата да ја продолжи во Пари Сен-Жермен каде ќе заработува осум милиони евра годишно, односно пет пати повеќе од сегашната годишна плата.
Фудбалерот на Манчестер Сити, Кајл Вокер сака што поскоро да го напушти премиерлигашот.
Вокер веќе започнал разговори со Милан и на управата на „Росонерите“ ги соопштил своите барања.
Според новинарот Николо Шира, дефанзивецот кој решил да го напушти Манчестер сити бара договор до 2027 година со плата од четири милиони евра годишно плус бонуси.
Вокер има и профитабилна понуда од Саудиска Арабија, па останува да се види што ќе одбере.
Претходно беше објавено дека Милан се надева дека ќе го комплетира трансферот на Вокер оваа недела.
Одбранбениот фудбалер на Барселона, Иниго Мартинез се повреди синоќа на натпреварот од Суперкупот на Шпанија против Реал.
Триесет и тригодишниот Шпанец беше заменет во 28. минута, а на негово место влезе Роналд Араухо. Се очекува дефанзивецот да ги пропушти следните пет недели поради повреда, што значи дека нема да игра на натпреварите од Лигата на шампионите против Бенфика и Аталанта.
Мартинез оваа сезона одигра 27 натпревари за Барселона, постигна два гола и направи исто толку асистенции.
Барселона го победи Реал Мадрид 5:2 и го освои трофејот.
Новак Ѓоковиќ успешно стартуваше на Австралија опен. Во првото коло, со мали проблеми, го победи 107. играч на АТП листата, Американецот Нишеш Басавареди со 3-1 (4-6, 6-3, 6-4, 6-2).
Десеткратниот шампион на гренд слемот во Мелбурн, Новак Ѓоковиќ по три часа игра го совлада 19-годишниот Басавареди. Имаше проблеми Ѓоковиќ со мотовираниот противник, кој наметна силно темпо од самиот старт. Еден брејк му беше доволен да го добие првиот сет.
Ѓоковиќ прв пат по 19 години му се случи да го загуби првиот сет, во првиот меч на Австралија опен.
Србинот имаше проблеми и во вториот сет, не ги користеше брејк шансите, се до осмиот гем кога направи брејк, а потоа сервираше и го освои сетот. Тој момент беше клучен за конечниот исход.
Басавареди стана жртва на пеколното темпо кое го наметна. По завршувањето на вториот сет поради грчеви побара медицински тајм-аут. Не успеа да се опорави, Ѓоковиќ направи брејк веднаш во првиот гем од третиот сет, а потоа рутински го чуваше својот сервис.
Брејк во првиот гем, Ѓоковиќ направи и во четвртиот сет, а потоа уште еднаш му го одзеде сервисот на противникот и се пласира во втората рунда.
„Почетокот беше одличен, Нашиш беше подобар од мене сет и пол, силно удираше, така што ми беше тешко и навистина морам да му честитам. Да бидам искрен, начинот на кој игра е одличен бидејќи овие натпревари се тешки и проблематични, бидејќи, ова е негов прв Грен слем натпревар и тој е вистински натпреварувач. Пријатно ме изненади со начинот на кој играше и со спортскиот дух што го покажа“, изјави Ѓоковиќ.
Противник во ворото коло ќе му биде Хаиме Фари.
Дефанзивецот Симон Кјаер, кој од летото во 2024 година нема клуб, одлучи да стави крај на професионалната кариера.
„За одлуката размислував речиси една година пред Европското првенство. Потоа имаше многу причини да видиме што ќе се случи понатаму“ – вели 35-ет годишниот фудбалер кој има играно за данскиот Митјиланд, германскиот Волфсбург, францускиот Лил, шпанската Севилја, турскиот Фенербахче како и за италијанските состави: Палермо, Рома, Аталанта и Милан.
Кјаер со Данска го освои третото место на Европското првенство во 2021 година. Тој беше дел и од Мундијалите во 2010, 2018, 2022 а играше и на Европските првенства во 2012, 2021, 2024 година.
Актуелниот европски вицешампион со Борусија Дортмунд, Холанѓанецот Дониел Мален наскоро би требало да стане нов играч на Астон Вила.
Холандскиот напаѓач ги договорил личните услови со англискиот клуб, разговарал со менаџерот Унаи Емери, а неговиот трансфер во Бирмингем ќе ја чини Вила 23 милиони евра и дополнителни три милиони доколку Мален исполни одредени бонуси, пренесува Фабрицио Романо.
Мален е во Дортмунд од летото 2021 година, кога пристигна од ПСВ Ајндховен во трансфер вреден 30.000.000 евра.
Оваа сезона Холанѓанецот одигра 21 натпревар за „милионерите“ и постигна пет гола.
Вила моментално е на осмото место во Премиер лигата, додека во Лигата на шампионите е на одлична петта позиција на две кола до крајот првата фаза од натпреварувањето.
Легендарниот боксерски шампион Тајсон Фјури, познат по прекарот „Кралот на Циганите“, објави дека се повлекува од професионалниот бокс.
Фјури ја сподели оваа одлука со своите следбеници на Инстаграм, неколку недели по поразот од Олександр Усик, во борба која предизвика големи контроверзии.
Фјури не беше задоволен од исходот на мечот против Украинецот и тврдеше дека судиите го уништиле. Сега реши да е време да стави точка на својата богата кариера.
„Би сакал да го објавам моето повлекување од боксот. Бев благословен и ја сакав секоја минута од него. Време е да заврши ова. Дик Турпин носеше маска. Бог да ве благослови, да се видиме од другата страна”, рече Фјури.
Дик Турпин, познат како друмски разбојникот, беше симбол на измама и кражба, што многумина го толкуваат како директна критика на Фјури кон судиите од последната борба.
Фјури остави неизбришлива трага и стана еден од најомилените, но сепак најконтроверзни борци во историјата на тешката категорија.
Од неговите 37 професионални борби, тој победи на 34, од кои 24 со нокаут. Тој има и два порази на своето име, како и незаборавно реми со Дионтеј Вајлдер.
Фјури стана шампион во тешка категорија во 2015 година, откако го победи Владимир Кличко, ставајќи крај на долгогодишната доминацјија на славниот Украинец.
Успешно ги држеше појасите до првата борба со Олександр Усик, кој го победи, а потоа во реваншот ги одбрани титулите.
Напаѓачот на Ајнтрахт Франкфурт, Омар Мармуш, уште оваа недела треба да стане фудбалер на Манчестер Сити, објави Фабрицио Романо.
Сити ќе достави официјална понуда до Ајнтрахт, по што ќе има преговори меѓу клубовите. Германскиот клуб го проценува трансферот на 80 милиони евра, а Англичаните се подготвени да ја платат комплетната сума.
За Мармуш сериозен интерес имаше и од големиот ривал на „граѓаните“, Ливерпул, но се чини дека Сити ќе биде побрз и ќе го добие во својот тим уште оваа зима.
