feature

Руските клубови ќе бидат домаќини во Евролигата на неутрален терен

Руските евролигашки клубови ќе продолжат да играат во натпреварувањето, но на неутрални терени, беше објавено во петокот. Евролигата во петокот одржа состанок на кој разговараше за кризната ситуација во Украина со рускиот напад врз таа земја.

Се сретнаа претставниците на 18 клубови и првата точка на одлуката е натпреварите да се играат надвор од Русија.

„Евролигата ќе ги анализира алтернативите за спроведување на одлуките и ќе му даде одобрение на Извршниот одбор на акционери за одобрување, заштита на интегритетот на натпреварувањето, заштита на правото на клубовите да се натпреваруваат на теренот и да го изолираат спортот од политичко дејствување. Сето ова е во согласност со највисокиот приоритет на Евролигата, а тоа е заштита на играчите, тренерите, навивачите и персонал, без никаков ризик“, се наведува во соопштението на Евролигата.

Од натпреварувањето порачаа дека ќе ја следат состојбата и прописите што ги донесуваат поединечни земји.

Дополнително, Евролигата го осуди секој чин на војна, вклучително и оној што се случува во Украина. Генералниот директор на Жалгирис, Паулиус Мотијунас предложи бојкот на сите руски клубови, но не доби поддршка од другите.

Рафаел Надал победник на турнирот во Акапулко

Шпанскиот тенисер, Рафаел Надал, е победник на АТП турнирот во Акапулко, Мексико. Тој во финалето беше подобар од Британецот Камерон Нори кој го совлада со 2:0, по сетови 6:4, 6:4.

Веднаш по дуелот, Надал не го криеше задоволството од освојувањето на трофејот и ги сподели импресиите од турнирот.

„Акапулко одсекогаш било специјално место за мене. Енергијата која доаѓа од мексиканските фанови е неверојатна. Имав неколку тешки моменти во финалето, но успеав да ги добијам двата сета. Презадоволен сум од победата и оваа титула е многу важна за мене“, изјави Надал.

Рубљов доминантно го освои АТП турнирот во Дубаи

Рускиот тенисер Андреј Рубљов ја освои титулата на АТП титулата од серијата 500 во Дубаи.

Рубљов во големото финале беше подобар од „џелатот“ на Новак Ѓоковиќ, чешкиот рекет Јиржи Весели кого го совлада со 2-0 во сетови со 6-3 и 6-4. Во првиот сет видовме само еден брејк, додекаво вториот имаше поголема борба, прв удар зададе Андреј, потоа возврати Весели за да на крајот фаворитот го има последниот збор и со вториот одземе сервис на ривалот се доведе до ситуација која потоа ја круниса за 10 АТП титула.

Бускетс од следната сезона ќе игра во МЛС лигата

Серхио Бускетс ги игра последните натпревари за Барселона и кариерата ќе ја продолжи во МЛС лигата.

Шпанецот добил понуда од Интер Мајами, клубот на Бекам, кој сака да го довесе во „пакет“ со Луис Суарез.

Според шпанските медиуми Бускетс дал начелна согласност за трансферот и кариерата ќе ја продолжи во МЛС лигата.

ПСЖ го договори Канте од Челзи

Нголо Канте на лето би можел да се пресели од Челзи во ПСЖ.

Според информација на британски „Телеграф“, парискиот клуб сериозно ќе тргне по потписот на францускиот репрезентативец. Неговиот договор со Челзи е до следното лето и најверојатно нема да биде продолжен.

30-годишниот играч од средниот ред одигра 16 настапи оваа сезона во Премиер лигата, постигнувајќи два гола и две асистенции.

Барселона блиску до ангажман на Кристенсен од Челзи

Дефанзивецот, Андреас Кристенсен, по се изгледа дека на крајот од сезоната ќе го напушти неговиот актуелен клуб Челзи.

Данскиот интернационалец нема намера да потпише нов договор со клубот од Стенфорд Бриџ, и најверојатно кариерата ќе ја продолжи во Барселона.

Каталонците од поодамна ја следат ситуацијата со Кристенсен, и сега се во можност да ја искористат шансата за негово ангажирање како слободен играч, без обештетување.

25-годишниот Андреас Кристенсен настапува за Челзи од 2015 година, и неговата пазарна вредност според Трансфермаркт изнесува 35 милиони евра.

Петров од Металург позајмен на РК Вардар 1961

Екипата на ракометниот клуб Вардар 1961 донесе уште едно засилување во своите редови. Станува збор за пивотменот на Металург Костадин Петров, кој за „црвено-црните“ ќе настапува како позајмен играч до крајот на сезоната.

Според договорот на двата клуба, 29-годишниот Петров после завршувањето на сезоната ќе се врати во екипата на Металург.

Нов удар за Русија: ФИДЕ ја дислоцира шаховската Олимпијада од Москва

Меѓународната шаховска федерација (ФИДЕ) објави дека 44. шаховската Олимпијада нема да се одржи во Москва како последица на руската инвазија врз Украина.

„На вонредниот состанок донесовме одлука сите планирани натпреварувања да ги дислоцираме од Русија. Брзото влошување на геополитичката ситуација го принуди Советот да донесе тешка одлука“, се наведува во соопштението на ФИДЕ.

Тоа значи дека покрај Олимпијата нема да се реализира и годишниот конгрес на Светската шаховска федерација.

УЕФА го раскинува договорот за спонзорство со рускиот „Гаспром“

После одземањето на организацијата за домаќинство на финалето од Лигата на шампионите кое требаше да се одржи во рускиот град Санкт Петерсбург, УЕФА се реши на уште еден чекор со што ќе го изрази своето незадоволство од руската воена акција во Украина.

Имено, од УЕФА бараат начин како да го раскинат спонзорскиот договор за Лигата на шампионите со компанијата „Гаспром“, која е еден од главните финансиери на натпреварувањето.

Оваа разрешница се очекува во наредните денови кога и ќе се дознае какви финансиски последици истата би предизвикала.

Рудигер ќе го издаде Челзи и ќе потпише за Манчестер Јунајтед

Антонио Рудигер би можел да направи сензационален трансфер на лето и да потпише за Манчестер Јунајтед, пренесуваат медиумите на Островот.

Договорот на Рудигер со Челзи истекува на лето, но се помали се шансите да ја продолжи соработката со „сините“ откако ги одби сите нивни понуди. ПСЖ и Реал Мадрид од поодамна се заинтересирани за Германецот, но сега во трката се вклули и Манчестер Јунајтед.

Англиските медиуми пренесуваат дека „црвените ѓаволи“ испратиле најдобра понуда до неговиот агент и во моментов се во пол-позицја за неговиот потпис.

Доколку вистина дојде до овој трансфер, тоа сигурно би било големо предавство и тоа навивачите на Челзи нема да му го простат.

«< 1651 1652 1653 1654 1655 >»