Хари Кејн даде интервју во кое откри што му тежи најмногу во кариерата. Напаѓачот на Баерн Минхен и Англија се уште нема освоено ниту една титула во тимот.

-Точно е дека имам индивидуални награди за најдобар стрелец и најдобар играч. Секоја сезона ја започнувам со цел да освојам трофеј и не сум среќен што не освојувам тимски трофеи. Не сум среќен поради тој факт. Но јас имам само 31 година, рече тој.

Според него, најдобрата верзија на Хари Кејн допрва доаѓа.

-Убеден сум во тоа, како и во фактот дека вториот дел од мојата кариера, кој започнува сега, ќе биде богат со големи трофеи. И кога ќе се пензионирам, недостатокот на титули веќе нема да биде тема на разговор, изјави Кејн за „Франс Фудбал“.

Интер Мајами разговара за продолжување на договорот со напаѓачот Лионел Меси, пренесе „Марка“. Актуелниот договор на 37-годишниот Аргентинец со клубот од МЛС истекува на крајот на оваа година.

Меси доби понуда за договор до крајот на 2026 година. Дополнително, новиот договор би можел да вклучи опција за потенцијално позајмување на напаѓачот во европски клуб во текот на сезоната во МЛС.

Меси игра за Интер Мајами од летото 2023 година. За тимот има одиграно 39 натпревари, постигнувајќи 34 гола и 18 асистенции.

Фудбалерите на Ливерпул се пласираа во 4. коло од ФА Купот со победата од 4-0 над Акрингтон Стенли.

Ова беше прва победа на „црвените“ по двата разочарувачки резултати во дуелите со Манчестер јунајтед во Премиер лигата (2-2) и Тотенхем во Лига Купот (0-1).

И покрај тоа што Арне Слот на теренот испрати комбиниран состав, навивачите го добија она по што дојдоа, убедлив триумф на нивните миленици.

Натпреварот засекогаш ќе гопамети Рија Нгумоха, кој со 16 години и 135 дена стана најмладиот стартер во историјата на Ливерпул.

Натпреварот го одбележа уште еден тинејџер, резервистот Џејден Денс, кој го замени новиот рекордер Нгумоха во 76. минута и набргу потоа се најде на вистинското место во вистинско време, го заврши нападот и го постигна третиот гол.

Стрелци за Ливерпул, покрај Данс, беа и Диого Жота (29), Трент Александер-Арнолд (45) и Федерико Киеза (90).

Тоа беше првиот гол на поранешниот играч на Јувентус за клубот откако се пресели од Италија, а натпреварот денеска го започна од клупата за резерви, во игра влезе во 46.минута на местото од Собослај.

Фудбалерите на Торино и Јувентус ремизираа (1-1) во градското дерби одиграно во рамките на 20.коло, во Серија А. Торино остана на само една победа во „Дерби деал Моле“ во последните три децении, а Јувентус ја продолжи серијата нерешени резултати. Шест пати тимот на Тијаго Мота одигра без пбедник на последните седум натпревари.

Јувентус дојде д предност во осмата минута, кога талентираниот Јилдиз шутираше од далечина и погоди.

Овој резултат беше активен до финишот на првиот дел. Во судиското надополнување топката стигна до Никола Влашиќ, кој постигна прекрасен гол.

Дербито на Торино го одбележа и вербалната пресметка на двајцата тренери, по што беа исклучени. Тиаго Мота и Паоло Ваноли се скараа по стартот на Савона над Карамоа, ситуацијата набрзо ескалира кога се вмешаа играчите.

„Старата дама“ останува непоразена, но ова е 12. реми за тимот во 19 кола. Моментално Јувентус се наоѓа на петтото место со 33 бода, додека Торино е 11-ти со 22.

Во следното коло Јувентус гостува кај Аталанта додека фудбалерите на Торино ќе патува во Фиренца.

Милан не ги искористи киксовите на Аталанта и Јувентус за да се доближи кон врвот, на Сан Сиро одигра 1-1 против Каљари.

По освојувањето на Суперкупот со победи над Јувентус и Интер, Консеисасо денеска првпат го водеше Милан во Серија А.

Неговиот прв меч во италијанската лига не помина славно, одигра само 1-1- против Каљари. Милан имаше повеќе шанси за гол, но искористи само една, а примија гол по лоша интервенција на Мењон

По шест минути игра во второто полувреме Мората донесе водство за Милан од 1-0, но предноста на росонерите траеше само четири минути кога Зортеа од далечина реализираше за конечни 1-1.

Баерн Минхен ја забележа 12-та победа во Бундеслигата оваа сезона, откако во Менхенгладбах ја победи Борусија со 1-0.

Моментот кој го реши дуелот се случи во 68. минута кога Хари Кејн беше прецизен од 11 метри.

Пеналот за Баерн беше досуден откако Лукас Улрих го фаулираше Мајкл Олисе. Кејн го постигна својот прв гол во ноември, откако во декември не играше месец поради повреда. За Англичанецот ова беше 15.гол сезонава во Бундеслигата.

Баерн има четири бода повеќе од актуелниот шампион Баер Леверкузен на врвот на табелата.

Борусија моментално е на десеттото место.

Манчестер Сити доминантно избори пласман во четвртото коло во ФА купот. „Граѓаните“ со 8-0 го победија Салфорд, клуб чии газди се Рајан Гигс, Гери и Фил Невил, Пол Сколс и Ники Бат.

Се започна со голот на Џереми Доку во осмата минута, на асистенција на Џек Грилиш.

Во 20. минута погоди дебитантот Дивајн Мубама, а младиот Нико О’Рајли во 43. минута го постигна третиот гол.

Грилиш, во вториот дел реализираше пенал, тоа е негов прв гол (во кое било натпреварување) од 16 декември 2023 година, кога постигна гол против Кристал Палас. Од тој натпревар поминаа 392 дена.

Манчестер сити има постигнато осум или повеќе голови на еден натпревар од ФА Купот за прв пат во 92 години. Џејмс Мекати е првиот Англичанец кој постигнал хет-трик во ФА Купот за Сити по Роби Фаулер во 2006 година.

Фиорентина официјално потпиша со играчот за врска Мајкл Фолоруншо од Наполи. 26-годишниот фудбалер пристигнува во Артемио Франки на позајмица до крајот на сезоната.

По завршувањето на сезоната „виолетовите“ имаат право да го купат играчот од средниот ред за 8 милиони евра.

Мајкл Фолоруншо е играч на Наполи од 2019 година, но оваа сезона дебитираше за првиот тим. Минатата сезона беше позајмен во Верона, а со добрите настапи се најде во составот на Италија за Европското првенство. Фолоруншо оваа сезона имаше седум настапи за Наполи.

Напаѓачот на ПСЖ, Рандал Коло Муани е подготвен да се пресели во Јувентус на позајмица, но клубовите во моментов разговараат за структурата на оваа зделка. Ова го објави новинарот Мирко Ди Натале на социјалната мрежа Икс.

Според изворот, клубот од Торино не сака целосно да ги покрие платите на францускиот фудбалер. Продолжуваат преговорите помеѓу Јувентус и ПСЖ.

Коло Муани оваа сезона забележа 14 настапи во сите натпреварувања, постигнувајќи два гола и една асистенција. Договор на напаѓачот со ПСЖ е до летото 2028 година. Според информациите објавени на порталот Трансфермаркт, пазарната вредност на фудбалерот е 30 милиони евра.

Голманот Иван Николоски е пред враќање во охридскиот прволигаш Воска Спорт, откако есенската полусезона ја помина во тимот на Поградец од Албанија.

Тој реши да се врати во македонскиот фудбал и речиси е пред трансфер во Воска Спорт, екипа за која настапуваше и во минатото.

Николоски, кој е поранешен младински репрезентативец на Македонија и има настапувано за селекциите У19, У20 и У21.

Во својата кариера има настапува за тимови како Победа, Брегалница, Работнички, Дрита Боговиње, Влазерими, Беласица, Силекс, Воска Спорт, Каменица Саса и последно Поградец.

Воска Спорт се наоѓа на последното место во Првата македонска фудбалска лига, а клубот со неколку засилувања кои ги направи се очекува да го подигне квалитетот и да донесе свежина и во пролетниот дел да избори опстанок во фудбалската елита на Македонија.