Според новинарот Фабрицио Романо, играчот од средниот ред на Реал Мадрид, Цезар Паласиос, ќе се приклучи на Фулам.

Клубовите веќе се договориле за сите детали од трансферот на 21-годишникот. Фулам ќе плати 10 милиони евра за Паласиос. Реал Мадрид ќе задржи 30 проценти од секој нареден трансфер на фудбалерот.

Паласиос одигра 44 натпревари за сениорскиот и младинскиот тим на „Кралевите“ во сезоната 2025/26, постигнувајќи 16 гола и пет асистенции.

„Трансфермаркт“ го проценува играчот на 7,50 милиони евра.

Како што пренесува Л’Екип, Арсенал и Њукасл начелно постигнале договор за трансфер на Бруно Гимараеш вреден околу 90 милиони евра, останува да се испеглаат уште бонусите и провизиите за агентите.

Трета среќа за Арснеал, по две одбиени понуди од 70 и потоа 80 милиони евра, „топчиите“ успеаја да пронајдат заеднички јазик со Њукасл за преселба на Бруно Гимараеш во Лондон.

Како што пренесува Л’Екип, двата клуба начелно договориле трансфер вреден околу 90 милиони евра (77 милиони фунти).

Сега останува уште да се испеглаат бонусите, како и провизиите за агентите.

Од оваа зделка ќар ќе има и Лион, кој треба да добие 20% од профитот, или околу 8 милиони евра.

Пари Сен Жермен конечно успеа да постигне договор со Монако во врска со трансферот на младиот Магнес Аклиуш.

Преговорите меѓу клубовите траеја со недели, а според француските медиуми, Монако се согласи на петтата понуда на актуелниот европски шампион.

Француски медиуми тврдат дека Монако се согласил да го продаде својот млад крилен напаѓач за 50 милиони евра, што е за пет милиони повеќе од последната понуда на ПСЖ.

На неговото доаѓање инсистираше шефот на стручниот штаб, Луис Енрике, кој верува дека Магнес Аклиуш брзо ќе се вклопи во неговиот систем.

Сепак, за да се реализира трансферот, сега е потребно играчот и ПСЖ да се договорат за условите, но тоа ќе биде најлесниот дел.

Аклиуш одигра вкупно 139 натпревари за Монако и постигна 23 гола на кои додаде 28 асистенции.

На Светското првенство, тој одигра еден натпревар за Франција, а вкупно има 10 настапи за репрезентацијата со еден гол.

Германскиот голман Марк-Андре тер Штеген ќе биде новиот голман на славниот холандски Ајакс.

Ајакс успешно го заврши второто коло од квалификациите за Конференциската лига. Ја елиминираше Војводина и ќе ги продолжи квалификациите против ирскиот Шелбурн.

Се очекува за тие натпревари, на голот да биде Тер Штеген, кој пристигнува од Барселона. Германецот утре ќе пристигне во Амстердам, кога ќе ги помине лекарските прегледи и ќе потпише договор.

Не станува збор за траен трансфер, туку за позајмица што ќе трае цела сезона. Овој голман нема да го чини ништо клубот од Амстердам бидејќи Барса ќе плаќа 90 проценти од неговата плата.

Спортскиот директор Жорди Кројф и тренерот на Ајакс Мичел, кои работеа со овој голман за време на неговиот период во Џирона, инсистираа на трансферот.

Најдобриот млад играч на Ла Лига минатата сезона е новото засилување на Реал Мадрид.

Реал Мадрид доцна синоќа, го извести Леванте дека ќе ја кативира клаузулата за откуп на 21-годишниот напаѓач.

„Кралскиот клуб“ за Еспи плати 25 милиони евра. Минатата сезона, Еспи, минатата сезона постигна 11 голови во дресот на Леванте.

Англискиот фудбалски репрезентативец Џон Стоунс официјално стана ново засилување за Интер.

„Нероаѕурите“ го објавија потпишувањето на договорот со 32-годишниот англиски репрезентативец како слободен агент.

Договорот на поранешниот играч на Манчестер Сити ќе биде до средината на 2028 година.

Англичанецот за првпат ќе игра надвор од својата татковина. Минатата сезона одигра девет натпревари во Премиерлигата, а исто така учествуваше и на пет натпревари на СП во 2026 година.