Тренерот на фудбалерите на Атлетико Мадрид, Диего Симеоне, не крие дека е задоволен од минималната победа во второто коло во Ла Лига против екипата на Елче.
Неговите избраници на домашен терен славеа минимално со 1:0 иако имаа изобилство на шанси, но, не ги искористија.
„Мислам дека немаше свежина кај моите фудбалери. Имавме многу обврски во летниот период. Сакаме да ангажираме уште еден играч во нападот“’, потенцираше популарниот „Чоло“.
Лионел Меси во еден од најголемите трансфери во историјата на фудбалот се пресели од Барселона во ПСЖ. Сагата заврши, Меси заврши со подготовките и се очекува да дебитира во недела против Ремс од 20.45 часот.
На Аргентинецот, според таблоидите во Франција, а тоа го пренесува и Мирор, понудена му е куќа од 25 милиони евра во престолнината на Франција.
Меси треба наскоро да го одбере својот нов дом, а според медиумите вака изгледа новата куќа на еден од најдобрите фудбалери на сите времиња.
Кристијан Ериксен се уште закрепнува по инцидентот на ЕУРО, неизвесно е кога и дали ќе се врати на теренот. Иако има многу шпекулации, Данецот засега е во мирување.
Ериксен нема да може да продолжи да игра за Интер, бидејќи според правилата на Серија А, не е дозволено да играат фудбалери со вграден дефибрилатор.
Навивачите не го заборавија данскиот интернационалец, а оваа фотографија се прераскажува во Италија.
Реал Мадрид објави дека се враќа на својот стадион на 11. септември, кога ќе биде домаќин на Селта Виго во првиот домашен натпревар сезонава.
Уште од почетокот на пандемијата во 2020. година, која го забрза почетокот на работењето на култниот стадион, Реал играше на помошниот стадион „Алфредо Ди Стефано“.
Капацитетот на Сантијаго Бернабе ќе остане 81.000 места, но со потполно нов надворешен изглед ќе добие и бројни нови атракции, како голем екран од 360 степени, шопинг центар, хотел, нови ресторани и подземна гаража на пет нивоа.
На стадионот има се уште многу да се работи, а клубот очекува целосно да биде завршен до крајот на 2022. или почетокот на 2023. година.
Поранешниот извршен директор на Баерн и легенда на светскиот фудбал, Карл Хајнц Румениге се осврна на ситуацијата која владее во тој спорт и ја повика УЕФА да направи ред, бидејќи би можеле да следат тешки моменти за фудбалот.
Румениге го изјави тоа анализирајќи ја состојбата на пазарот и разликите помеѓу клубовите, па а пример го наведе Кристијано Роналдо. Португалскиот напаѓач, се верува, сака да го напушти Јувентус, а Румениге предупредува:
„Најголем проблем е неговата плата. Тој заработува 35 милиони евра годишно за што треба да се издвојат 70 милиони бруто. Кој може тоа да си го дозволи? ПСЖ? Можеби некој од англиските клубови? Тоа не е здрав начин на напредок, УЕФА мора да интервенира и нешто да направи.“
„Потребна е регулација на цените, бидејќи трошоците повторно растат и ако нешто не се направи, за фудбалот следат тешки времиња.“ – додава Румениге.
Левиот бек на Манчестер Јунајтед, Брендан Вилијамс, ќе биде на позајмица во Норвич до крајот на сезоната.
„Канаринците“ ја добија трката со Њукасл и Саутемптон, кои исто така беа заинтересирани за младинскиот репрезентативец на Англија.
„Првпат играм за друг клуб, но навистина сум возбуден. Мислам дека менаџерот ќе ми помогне да се развивам . Имам чувство дека ќе биде добра година”, рече Вилијамс.
Откако Ромелу Лукаку направи трансфер во Челзи, шампионот на Италија Интер не чекаше долго за да го надомести недостатокот на белгискиот напаѓач во нападот.
На Меацца пристигна Един Џеко, но управата на клубот одлучи дополнително да ја засили конкуренцијата, па заврши уште еден звучен трансфер. Откако од сите комбинации отпадна Маркус Турам, Интер се сврти кон домашните сили, па го купи Андреа Белоти, напаѓачот на Торино.
Преговорите беа завршени доцна синоќа, а репрезентативецот на Италија ќе се пресели во Милано за 15 милиони евра.
Овој 27-годишен фудбалер досега во Серија А има постигнато 99 погодоци, а и во првото коло беше стрелец против Аталанта.
Женската селекција на Македонија за кошаркарки „Под 16“ години го донесоа во „Куќата на кошарката“ трофеjoт освоен на „Челенџерот“ во Тбилиси.
Нашите златни кадетки имаа одличен настап на турнирот во Тбилиси каде стигнаа до четири убедливи победи во дуелите со Малта, Албанија, Ерменија и Грузија, и со максимален ефект ги ставија златните одличја на своите гради.
Предводени од селекторот Никола Златев и асистентите Ведран Белешковски и Форка Георгиева, дојдоа во просториите на федерацијата, каде имаа прием организиран од страна на раководството на федерацијата, предводено од претседателот Перо Антиќ, генералниот секретар, Владимир Георгиевски и спортскиот директор Тодор Гечевски.
Селекторот Златев не го криеше задоволството од постигнатиот резултат во Грузија.
„Голема благодарност до раководниот тим на федерацијата кој ги препозна сите оние наши желби, очекувања поради кои и ја добивме довербата да работиме со оваа наша, сега веќе, златна селекција“ – рече Златев на приемот во федерацијата. „Мислам дека возвративме на тоа на најдобар можен начин. За Тбилиси заминавме без било какви притисоци, резултатски императиви. На турнирот одевме чекор по чекор, макар недоволно запознати со квалитетите на противниците. Но откако ја реализиравме првата победа, потоа беше доста полесно. Во исто време можевме да ги скаутираме и другите противници, што ни ја олесни работата во подготовката на наредните натпревари. Доминиравме во секој поглед, и во Тбилиси ни се врати сето ова што го работевме во тие 40 и повеќе деови на подготовките во Скопје, Кавадарци и во Крива Паланка“- дополни селекторот на оваа наша репрезентативна селекција.
Самуел Умтити одбил уште една побуда и е на чекор да добие отказ од клубот, пренесува каталонски „Спорт“. Понудата дошла од турски клуб и била поволна за Барселона, но Умтити ја одбил.
Од Камп Ноу не сметаат повеќе на дефанзивецот и му порачаа да си најде нов клуб, но тој ги одбива сите понуди.
Сега Барселона сериозно размислува на еднострано раскинување на договорот, иако се свесни дека тоа многу ќе ги чини.
Барса е спремна да го раскине договорот и да му плати отштета, како што беше случајот со Матеус Фернандез.
Тајландски Бурирам Јунајтед на посебен начин го претстави својот трет дрес за новата сезона. Четворица фудбалери на клубот на различни локации го претставуваа третиот дрес на својот тим. Се снимаа дури и во када, а како сето тоа изгледаше, погледнете во видеото.
Минатата сезона Бурирам заврши како втор во тајландското првенство, а последен пат беше шампион во 2018. година.
