feature

Гостивар го изненади Пелистер на дебито на Петровиќ на клупата

Кошаркарите на Пелистер не успеаја да забележат нова победа во Супер-лигата откако вечерва загубија на гостувањето против Гостивар со резултат 89-86. Фаворитската улога не беше оправдана на теренот, „зелено-белите“ му дозволија на домаќинот три четвртини да доминира, а подоброто издание во последните десет минути се покажаа недоволни за целосен пресврт и позитивен резултат.

Првото полувреме беше најслабото што Пелистер го одигра во Супер-лигата од стартот на оваа сезона. „Зелено-белите“ одиграа далеку под своите можности, му дозволија на противникот да доминира и да диктира темпо, зголемувајќи ја предноста како што одминуваше времето. Битолчани првите поени ги постигнаа преку Митревски по неспортскиот старт врз репрезентативецот, преку Малешевиќ поведоа со 2-4, по што Гостивар со серија од пет поени стигна до предност од 7-4. Стојановски за момент донесе ново минимално водство (7-8) на половина од првата четвртина, но Пелистер до крајот на овој период постигна само уште два поени, па Гостивар оствари предност од 19-10.

Митревски ја отвори втората четвртина со тројка за 19-13, но гостиварци повторно доминираа на теренот и набрзо стигнаа до првото двоцифрено водство (13. Минута, 25-15). Пелистер во долги периоди имаше сериозни проблеми во нападот, пред крајот на полувремето се влезе во серија на тројки, но во тој период „зелено-белите“ се соочија со проблеми во одбраната, па првото полувреме го завршија со негатива од 14 поени (46-32).

Малешевиќ го отвори второто полувреме со пет поени, Пелистер делуваше далеку подобро, амалувајќи со забивањето на Вилсон на 48-41. Голем проблем беше што центарот Вилсон во 23. Минута ја заработи и четвртата лична грешка. Госттивар го искористи тоа, набрзина поведе со 51-41, резултат при кој Пелистер промаши три слободни фрлања во низа. Гостивар поведе со најубедливи 16 поени (62-46), битолчани возвратија со мини-серија, со тројката на Митревски намалија на 67-58, за третата четвртина да заврши со 69-58 по примени поени по нов офанзивен скок.

Си-Џеј Вилсон погоди тројка намалувајќи на 69-61, потоа и за два за 69-63, резултат при кој на Стајиќ најпрвин му беше досуден фаул, а потоа и техничка грешка. Предноста пак стана двоцифрена, но Пелистер покажа карактер и не се предаде, па по брзите реализации на Андреј Митревски и на Дамјан Крстевски (две за десетина секунди) намалувајќи на 76-72 на четири минути до крајот.

Судиите изненадија со подарок за домаќините – слободно фрлање по неоправданата техничка грешка на треерот Даскаловски, гостиварци знаеја како да го искористат тоа и набрзина поведоа со 81-72. „Зелено-белите“ повторно собраа сили за да намалат на 81-75, при овој резултат Вилсон не погоди тројка со која ќе го внесеше мечот во неизвесен финиш, па Пелистер на крајот го загуби овој меч со конечните 89-86, со тројката на Лука Стојановски во самата завршницса.

Aндреј Митревски беше прво име кај Пелистер со 23 поени и смао две промашувања од поле, Лука Стојановски имаше 16 поени, две повеќе од Малешевиќ, додека Си-Џеј Вилсон реализираше 13 поени.

Шокантна дисквалификација за Норис и Пиастри во Лас Вегас

Возачите на Мекларен, Ландо Норис и Оскар Пјастри, се дисквалификувани од Големата награда на Лас Вегас.

Шокантна вест е што значително ќе ја искомплицира борбата за титулата пред последните две трки од сезоната во Формула 1.

Ландо Норис изгледаше дека е на дофат на шампионатот кога денес ја помина целта на второто место на Големата награда на Лас Вегас, но неговите бодови сега ќе бидат избришани, што значи дека победникот од Лас Вегас, Макс Верстапен, сега му се приближи, само 24 бода зад него.

Зошто Мекларен беа дисквалификувани?

Мекларен беше повикан пред судиите по трката бидејќи двата негови болида наводно ги прекршиле техничките прописи. По истрагата, се покажа дека ниту Норис ниту болидот на Пјастри не ги исполнуваат барањата за дебелината на задниот лизгачки блок, поради што беа дисквалификувани. Бодовите освоени од Норис и Пјастри за второто и четвртото место, соодветно, затоа се избришани.

Норис останува на врвот со 390 бодови, но Верстапен сега е израмнет со Пјастри на второто место. Британецот има 24 бода предност пред нив, а во последните две трки од сезоната, вклучувајќи ја и трката со спринт следниот викенд, можат да се освојат максимум 58 бода, па затоа е јасно дека сè е сè уште отворено.

Илиевски прозиза, кошаркарите се собираат за дуелите со Азербејџан и Ирска

Во понеделник (18:30 часот), прв собир на сениорите во СРЦ „Кале“ пред дуелите со Азербејџан и со Ирска.

Денот после викендот е предвиден за почеток на активностите на машката сениорска репрезентација на Македонија, која во ноемврискиот ФИБА „прозорец“ ги има првите обврски поврзани со натпреварите од претквалификациите за Евробаскетот во 2029 година.

Со оглед на краткото временско „растојание“ до првиот меч, оној против репрезентацијата на Азербејџан, кој го играме на 27. ноември во СРЦ „Кале “ во Скопје, селектороот Марјан Илиевски и неговите соработници предвидоа мини-подготовки во оној тренажен процес.

Првиот, од неколкуте планирани тренинзи, ќе биде реализиран во понеделник од 18:30 часот, во „базата“, односно салата на СРЦ „Кале“.

Наредниот ден, на 25.ноември, активностите се сведуваат на реализација на еден т.н. „централен тренинг“ од 10.30 до 12.30 часот.

Два тренинзи се предвидени и за наредниот ден, првиот, стандарден од 10:30 до 12:30 часот, додека вториот ќе биде „поместен“ за 20:00 часот.

А нашата најдобра селекција, која ќе биде сместена во хотелот „Алекасандар Палас“ во Скопје, ќе тренира и на денот на одигрувањето на средбата со Азербејџан, и тоа во периодот од 11:00 до 12:00 часот.

Средбата Македонија-Азербејџан ќе се игра на 27.ноември, од 19:00 часот.

Пелегрино донесе победа з Парма на „Марио Бентегоди“ во Верона

Фудбалерите на Парма славеа како гости во Верона (1-2), во првиот натпревар од денешната програма, во рамките на 12-то коло од Серија А.

Парма ја забележа првата победа на „Бентегоди“ од 2001 година. Херој беше Матео Пелегрино, кој постигна голови во 18-та и 80-та минута. Стрелец за домашниот тим беше Жиоване во 65-та минута од натпреварот.

Парма го постигна голот за победа по големата грешка на еден од играчите на Верона. Тој се обиде да ја врати топката од половина терен до својот голман, акцијата ја следеше Пелегрино, ја пречесе топката, а потоа го лобуваше Лоренцо Монтипо.

Парма славеше по два месеци и сега е 15-та со 11 бода, додека Верона остана заглавена на претпоследното место со шест бода и без ниту еден триумф од почетокот на сезоната.

Куња ќе го скокне дербито меѓу Јунајтед и Евертон

Новото засилување на Манчестер Јунајтед, Матеус Куња, предизвика загриженост кај својот менаџер Рубен Аморим и тренерскиот штаб на „црвените ѓаволи“ пред натпреварот против Евертон. Бразилецот требаше да учествува на церемонијата на палење на божиќните светла во предградието на Манчестер, Алтринчам, но организаторите објавија дека тој нема да присуствува поради здравствени проблеми.

Стана јасно дека Куња доживеал потрес на мозокот на саботниот тренинг и не може да учествува на настанот. Веста доаѓа само два дена пред дербито меѓу Манчестер Јунајтед и Евертон во понеделник на „Олд Трафорд“.

Сè уште нема официјални вести од Манчестер Јунајтед за состојбата на Матеус Куња.

Перез сериозно ја нападна УЕФА и најави дека Реал ќе се бори против неправдите

На годишната седница на Собранието на Реал, првиот човек на „кралскиот клуб“, Флорентино Перез, остро ги критикуваше практично сите нивоа на фудбалот во светот, а особено се наврати на проблемот со УЕФА:

„Не е вистина дека сме против сè, туку сме против она што е нелегално и неетичко. Не е ниту нормално ниту легално да се обидувате да им ја одземете можноста на клубовите сами да организираат турнири. Не е нормално УЕФА да се обидува да ја одреди нашата судбина или да нè принудува да играме натпревари во формати што не се добри за навивачите. Никој не може да нè казни – клубовите се слободни, како што покажува пресудата. Имаме две права – правото на обештетување кое се мери во милијарди евра и правото да го воспоставиме нашето натпреварување, и ве уверувам дека ќе ги искористиме обете права. Но, имајте на ум дека УЕФА се грижи за своите гласачи. Затоа нè принудуваат да играме натпревари во Азија или на границата со Кина. Тоа не е нормално во 21 век, а самото гледање фудбал станува премногу скапо“, рече Перез.

Рудигер се враќа во Премиер лигата

Антонио Ридигер ќе биде еден од искусните фудбалери кои наредното лето ќе имаат слобода да избираат нов клуб како слободен агент.

Иако се шпекулира дека Реал Мадрид сè уште не ги затворил вратите за преговори со него, шансите се мали дека Ридигер ќе го продолжи договорот. Германецот пристигна во 2022 година како слободен агент откако му заврши договорот со Челси, а во јуни ќе има можност повторно да избере клуб.

Некои извори пренесуваат дека Ридигер добил атрактивни понуди од Саудиска Арабија, но истовремено добива и контакти од Премиер лигата. Не е јасно кои клубови се заинтересирани, но се шпекулира дека дури и Челзи покажува интерес да го врати како искусен играч, слично на ангажманот на Тиаго Силва.

Во моментов, Ридигер е концентриран на своето враќање на терените и се очекува повторно да игра од декември откако се оперираше на задната ложа минатата сезона. По неколкумесечна пауза, му треба време за целосно опоравување, но целта му е да се врати во форма и да се наметне кај Јулијан Нагелсман за Светското првенство во 2026 година.

Погба се врати по суспензијата: Фудбалот не е завршен за мене

На вчерашниот меч меѓу Рен и Монако кој домаќините го добија со 4-1, Пол Погба влезе во игра во 85. минута за гостинскиот тим, тоа за него беше прв меч по повеќе од две години пауза во кои издржуваше суспензија поради допинг.

Во септември 2023 година Погба беше суспендиран за користење на допинг. Првичната казна беше четиригодини, но подоцна беше намалена на 18 месеци. Во меѓувреме тој го напушти Јувентус, а летото се пресели во Монако.

Вчера за првпат настапи на натпревар. Тој вели дека фудбалот за него не е завршен и има што да покаже.

„Многу сум среќен што му се вратив на фудбалот. Тоа е она што најмногу го сакам во светот. Фудбалот не е завршен за мене.

Работев, чекајќи повеќе од две години да се вратам. И покрај се што се случи, приказните надвор од фудбалот, јас бев тој кој страдаше најмногу“, заврши Погба.

Ланус по пенали ја освои Копа Судамерикана

Фудбалерите на Ланус го освоија трофејот во Копа Судамерикана, јужноамриканскиот пандан на Лига Европа. Во финалето, во престолнината на Парагвај, Асуснион, аргентинскиот тим го победи Атлетико Минеиро по изведувањето пенали со 5-4. Во основниот дел и по продолженијата немаше голови.

Финалето беше далеку под просекот, од стартот беше јасна намерата на Ланус да издржи до пенал серијата. Најдобрата шанса во основниот дел ја имаше шанса преку Хулк, но неговиот удар го запре стаивата.

Во продолженијата Биел имаше ситуација „еден на еден“ во 112-та минута, но Лосада го одбрани неговиот удар. Подоцна во пенал серијата, Биел прерасна во најголемиот трагичар на ово финале, бидејќи Лосада гму го одбрани и пеналот.

Боу и Хул промашија во првата серија, Биел во четвртата, а легендата на Ланус Лаутаро Акоста не успеа да му го донесе трофејот на својот тим во петтата серија. Неговиот удар заврши високо над голот.

Конечно во седмата серија Лосада го одбрани и ударт на Витор Уго.

Голманот на Ланус е вистински херој на својот клуб и најзаслужен за вториот осовоен трофеј во ова натпреварување.

Атлетико Минеиро се претворија во лузери, точно пред една година го загубија Купот на Бразил, потоа доживеаја пораз и во Копа Либертадорес.

Буфон: Италија нема подобар избор од Гатузо во моментот

Легендарниот италијански голман, Џанлуиџи Буфон верува дека Џенаро Гатузо е најдобриот избор за репрезентацијата.

„Сите ја сакаме италијанската репрезентација. Глупавите споредби меѓу сегашните играчи и минатото само ги прават да се чувствуваат инфериорно. Ајде да размислиме кој има корист од ова. Дали Гатузо е вистинскиот тренер?. Секако. Тој е вистинскиот тренер, тој е најдобрата личност што можеше да биде избрана. И вие новинарите го знаете тоа“, рече Буфон.

Под водство на Гатузо „Азурите“ ќе се соочи со плејофот во квалификациите за Светското првенство во 2026 година.

«< 207 208 209 210 211 >»