На Светското првенство во 2026 година, Бразил доби група по мерак. Во првата фаза петкратните светски шампиони ќе играат против Мароко, Шкотска и Хаити.

Бразил ќе го игра првиот натпревар на 13 јуни 2026 година против Мароко, по што ќе следат средби со Хаити на 19 јуни и Шкотска на 24 јуни.

„Мароко беше многу добар на последното Светско првенство во 2022 година во Катар, стигнаа до полуфиналето, додека Бразил беше елиминиран во четвртфиналето. Шкотска има многу силен тим, ќе биде многу тешко“, рече селекторот на Бразил, Карло Анчелоти.

„Мора да се обидеме да завршиме први во групата. Пред сè, мора добро да се подготвиме за првиот натпревар, кој ќе биде многу важен. Мора да размислуваме за победа на сите три натпревари. Прво против Мароко, што ќе биде најтешко, но и против другите два противници. Мора да имаме самодоверба“, додаде тој.

Бразил ќе одигра два пријателски натпревари во САД во март, против Франција и против Хрватска.

Лидерот во Премиер лигата падна на „Вила Парк“ во Бирмнигме. Емелијано Буендија, во 95-та минута постигна гол за триумф на Астон Вила над Арсенал 2-1. Аргентинецот им го нанесе на „топџиите“ вториот пораз оваа сезона.

Вила ја имаше првата голема шанса, но Раја имаше фантастична одбрана по ударот на Оли Воткинс во десеттата минута.

Играта беше интензивна на двете страни, потоа Арсенал малку ја презеде иницијативата – голот на Езе беше оправдано поништен поради офсајд, Сако исто така се обиде да упати удар со глава, но топката заврши веднаш до стативата.

Потоа домашните повторно наметнаа свој ритам, а во 36-та минута го видовме најважниот момент од првото полувреме – долг вовед во акцијата, аут од левата страна, Тимбер не реагираше доволно добро и топката заврши на втората статива, а таму Мети Кеш се протна зад Езе и го донесе својот тим во водство.

Арсенал започна уште поагресивно во второто полувреме, а наградата дојде брзо, во 53-та минута, резервистот Леандро Тросар постигна гол. Играчите на Вила загубија топка на средината од теренот, следуваше молскавична контра, Сака во шеснаесетникот дијагонално уфрли, а со малку среќа топката заврши пред Тросар, на кого не му беше тешко да изедначи.

Тросар го постигна 50-от гол во Премиер лигата.

Во 65-та минута, Раја одбрани удар на Воткинс, а четири минути подоцна, Емилијано Мартинез ја исфрли топката преку пречката со врвовите на прстите по феноменалниот удар на Едегор.

Се чинеше дека Арсенал е поблиску до водство, но по грешката на Калафиори, одлична шанса имаше Мален, кој го замени Воткинс. Сепак, шутираше покрај голот од добра позиција.

Тоа означи период на подобра игра на Вила, која заврши со голот на Бунедија.

Откако беше извршена жрепката за групите за Светското првенство во 2026 година, водечките светски обложувалници ја гледаат Шпанија како најголем фаворит за освојување на титулата.

Според обложувалниците, Шпанија е прв фаворит за светската титула со коефициент од 4,5.

На второто место се Англија и Франција со коефициент од 6,5, по што следат Аргентина и Бразил (8,5), Германија (14), Португалија (16) и Холандија (20).

Хаити има најмали шанси, со коефициент од 4.500.

Екипата на Шкендија стигна до рутинска победа на гостувањето кај Башкими во Куманово, совладувајќи ги домаќините со резултат 1-3. Тетовчани го отворија резултатот уште на самиот старт, а потоа го контролираа натпреварот и покрај брзото израмнување на Башкими.

На првиот напад, Шкендија поведе откако по центаршут на Вебстер, Арменд Алими несреќно ја смести топката во сопствената мрежа (0-1). Сепак, Башкими веднаш возврати. По асистенција на Пановски, Алексовски израмни на 1-1.

Клучниот момент во првото полувреме се случи во 34. минута. По акцијата на Бесарт Ибраими, топката дојде до Фабрис Тамба, кој погоди во незаштитениот агол за ново водство на Шкендија од 2-1.

Во второто полувреме, Шкендија ја потврди својата доминација. Откако во 70. минута Фитон Адеми ја погоди пречката, а голманот Јашар одбрани силен удар на Тамба, третиот гол беше само прашање на време. Тој пристигна по брзиот контранапад предводен од Лиридон Латифи, кога Фитон Адеми реализираше за 3-1. Ова е четврти гол за Адеми во сезоната.

Натпреварот помина со неколку шанси и од двете страни, но резултатот остана непроменет.

Фудбалерот на Аталанта, Едерсон, кој има договор до 2027 година, веројатно нема да ја продолжи соработката со италијанскиот елитен состав, наведуваат дел од медиумите повикувајќи се на изјавата на неговиот агент.

Ќе потсетиме дека пред една година Манчестер Јунајтед понуди 50 милиони за неговиот потпис но, сумата беше одбиена од екипата од Бергамо.

Бразилецот според одредени шпекулации се наоѓа на радарот на неколку екипи од Италија и Шпанија.

Легендата на Реал Мадрид и Бразил, Марсело откри дека веќе не гледа фудбал, дури и тешко му е да ги гледа неговите деца како играат.

Марсело беше запрашан што мисли за случајот меѓу Винисиус и Чаби Алонсо, тој одговори:

„Не гледам фудбал. Не знам што се случува, но Алонсо ми е голем пријател и тој е голем тренер“, рече Винисиус.

„Станувам нервозен кога ги гледам моите деца како играат фудбал, исто и Реал Мадрид. Од таа причина не сакам веќе да гледам фудбал“.

Марсело е еден од најтрофејните играчи на Реал Мадрид, со кралскиот клуб тој освои вкупно 25 трофеи, од кои пет Лигата на шампиони и шест Ла Лига. Но тој е скромен на оваа тема.

„Кога зборувате за мои трофеи, тоа е Реал Мадрид. Јас бев само вработен во Реал Мадрид. Титулите се наши, не можам да ги освојам сам“.

Фудбалската асоцијација на Англија објави дека играчот за врска на Барнли, Ханибал Мејбри, е суспендиран на четири натпревари по инцидентот на дуелот со Лидс во октомври. Репрезентативецот на Тунис плукна во насока на навивачите на Лидс во 67 минута од мечот што Барнли го доби со 2-0, по што против него беше покрената дисциплинска постапка.

ФА потврди дека фудбалерот го признал прекршокот: „Ханибал Мејбри ја призна обвинението, а регулаторната комисија му изрече суспензија од четири натпревари“, се наведува во соопштението.

Покрај казната за неиграње, на Мејбри му е изречена и парична глоба во висина од 15000 фунти.

Барнли моментално се наоѓа на деветнаесеттото место во Премиер лигата со десет бодови, што е четири помалку од Лидс кој е прв безбеден.

Тренерот на Ливерпул, Арне Слот се обиде да ја одбрани лошата форма на Александер Исак кој на почетокот од својата кариера на Енфилд игра под сите очекувања.

Не е само Исак, во Ливерпул сите се лоши, овие месеци и нема некоја светла точка во тимот. Но во центарот на вниманието се Исак, Вирц и Салах како фудбалери од кои многу се очекува, но играат далеку под своите можности.

„Го потпишавме Александер Исак за шест години, не за три месеци“, вели Слот кој сака да каже дека рано е за да му се суди на напаѓачот.

Самиот Исак вели дека очекувал многу повеќе.

„Очекував многу повеќе. Јас сум првиот кој знае кога играм добро, а кога лошо. Не треба некој да ми каже. Навистина не знам зошто е толку тешко. Тоа е фудбалот, понекогаш леташ, понекогаш не. Треба само да се продолжи да се работи и да се верува“, рече Исак.

Арсенал претрпе уште еден тежок удар во дедефанзивниот дел од тимот. Кристијан Москера ќе отсуствува најмалку шест недели поради комплицирана повреда на глуждот што ја заработи во победата против Брентфорд во средата.

Со оглед на тоа што Габриел Магаљаеш и Вилијам Салиба веќе се надвор од тимот, „топџиите“ се соочуваат со сериозни проблеми во одбраната, во клучниот период од годината.

Москера мораше да ја напушти играта за време на победата на Арсенал од 2:0 над Брентфорд откако направи незгоден старт, а првичните проценки сугерираат дека шпанскиот дефанзивец ќе отсуствува помеѓу шест и осум недели.

Неговата повреда дополнително го прошири списокот на повредени дефанзивци и создаде нови главоболки за тренерот Микел Артета, чиј тим се бори на неколку фронтови.

Арсенал е веќе без Салиба и Габриел. Французинот наводно е само „неколку дена“ од враќањето по мала повреда на тренинг, додека Бразилецот би можел да биде надвор од теренот до јануари поради проблем со бутниот мускул.

Во нивно отсуство, Москера формираше централен бек со Пјеро Хинкапи.

Артета сега ќе мора да формира нов пар во централниот дел од одбраната, извесно е дека покрај Хинкапи е ќе игра Калафјори.

Пред финалето на МЛС Купот, Жорди Алба призна дека натпреварот во сабота против Ванкувер ќе има единствена емотивна тежина.

Легендарниот лев бек на Интер Мајами ќе се збогува со фудбалот по последниот свиреж, надевајќи се дека ќе ја круниса блескавата кариера со уште еден трофеј

Иако играл во повеќе од 20 големи финалиња во текот на својата кариера, Алба влегува во непозната територија овој викенд – не поради важноста на натпреварот, туку затоа што тој го означува крајот.

Кога Интер Мајами ќе биде домаќин на Ванкувер Вајткепс, шпанскиот дефанзивец ќе ги врзе копачките за последен пат. Зборувајќи со медиумите пред натпреварот, тој нагласи колку е различен овој момент.

„Знаев дека ќе биде ново, но возбудливо искуство“, рече тој. „Повторно се сретнав со моите поранешни соиграчи и јасно е колку клубот пораснал. Достигнувањето до финалето е историско за Интер Мајами, и иако имав среќа да играм во многу од нив, ова е посебно бидејќи ќе биде моето последно. Тоа е финале – нема фаворити – но ако играме добро, ќе ги имаме нашите шанси.“