feature

Пјерија Хенри суспендиран на четири години заради допинг

Кошаркарот на Басконија, Пјерија Хенри минатата година доживеа суспензија по рутинска антидопинг контрола, а Меѓународната кошаркарска федерација (ФИБА) денес официјално ја потврди и казната поради која ќе биде надвор од теренот до 13. јануари 2027 година.

Во јануари 2023 година Хенри не доби позитивен тест на допинг, туку беше откриено дека станува збор за лажна, синтетичка урина која ќе го оддалечи од теренот вкупно четири години.

Триесетиедногодишниот Американец кој ја покрива бековската позиција во текот на кариерата беше дел од Вита Тбилиси, Улм, Хапоел Еилат, Тофаш, Уникс Казањ, Фенербахче и Басконија.

Јаго Аспас доби нов договор во Селта Виго

Селта чекаше до Божиќ за да потврди дека легендарниот Јаго Аспас ќе го продолжи договорот.

Легендарниот капитен на Селта имаше договор до крајот на актуелната сезона, но двете страни се договорија да ја продолжат соработката до летото 2026 година.

Јаго Аспас има 37 години, а во својата Селта се врати во 2015 година по неуспешната епозида во Ливерпул.

Тој е дете на Селта, ги мина сите младински катагории во клубот, а во 2013 година се пресели во Ливерпул. Неговиот трансфер на „Енфилд“ ги реши финансиските проблеми со кои во тој момент се соочуваше Селта.

За својот сакан клуб одигра вкупно 509 натпревари, постигна 210 голови и забележа 82 асистенции.

На „Балаидос“ ќе остане до својата 39. година од животот и без сомнение ова е најдобриот божиќен подарок за сите фанови.

Винициус е најдобар во Примера за 2024 година

Новинарите од шпанското издание на порталот „90min“, ги избраа и рангираа десетте најдобри фудбалери во Ла Лига оваа година.

Реал Мадрид во 2024 година ги освои трофеите во Примера, Лигата на шампионите, Супер купот на УЕФА и Интерконтинеталниот куп.

Најдобар играч во Ла Лига, спроед новинарите на „90min“ е Винициус Жуниор, добитник на наградата „Најдобар“ на ФИФА и второ рангиран во изборот за „Златната топка“.

Најдобрите играчи во Ла Лига за 2024 година, избрани од „90min#:

Винициус |униор (Реал Мадрид)
Џуд Белингем (Реал Мадрид)
Ламин Јамал (Барселона)
Роберт Левандовски (Барселона)
Рафиња (Барселона)
Лука Модриќ (Реал Мадрид)
Антоан Гризман (Атлетико Мадрид)
Артем Довбик (Xирона)
Александар Сeрлот (Виљареал, Атлетико Мадрид)
Нико Вилијамс (Атлетик Билбао)

Кузмановски: Имаме доволно време да се подготвиме за Мундијалот

Најдобрите македонски ракометари продолжуваат со подготвките за настап на Светското првенство.

Селекторот Кирил Лазаров и неговите избраници, во Стара Пазова ја одработуваат првата фаза. Филип Кузмановски ја пренесе атмосферата во националниот тим.

„Расположението и мотивацијата се на највисоко ниво. Пред нас е уште едно големо првенство. Сите знаеме колку беше тешко да дојдеме до него и колку сите напорно работиме за да бидиме дел од овој колектив.

Од прв ден почнавме со анализа на нашите противници. Ќе се соочиме со квалитетни репрезентации, мораме да бидеме добро подготвени, и физички и тактички. Ќе имаме доволно време да се спремиме до стартот на првенството.
Во следниот период ќе одиграме и контролни натпревари на кои ќе можеме да го пробаме сето она што го подготвуваме за нашата група“.

Македонија на Светското првенство, своите натпревари во Д-групата ќе ги игра во Вараждин, Хрватска.

Првиот натпревар Македонија ќе го одигра на 15.јануари од 20.30 часот против Унгарија, два дена подоцна од 18 часот Македонија ќе игра против Холандија, а на 19.јануари последен противник во групата на избраниците на Лазаров ќе им биде Гвинеја.

Галевски: Настапот на Мундијалот е предизвик што бара максимум од сите ракометари

Македонската машка ракометна репрезентација се подготвува во српскиот град Стара Пазова за настап на претстојното Светско првенство кое ќе се одржи во јануари идната година во Хрватска, Данска и Норвешка.

Меѓу повиканите 20 ракометари е и младиот македонски репрезентативен голман, Иван Галевски, кој истакна дека настапот на Светското првенство е голем предизвик и мотив плус сите повикани да го дадат својот максимум.

„Чест и задоволство ми е што сум дел од овој колектив. Нè очекува еден голем предизвик, но тоа не треба да ни претставува притисок, напротив еден мотив плус за да секој го даде својот максимум. Подготовките се одвиваат добро и се надевам дека спремни ќе го дочекаме стартот на Светското првенство“, изјави 20-годишниот голман на Алкалоид за официјалниот сајт на Ракометната федерација на Македонија.

Македонската репрезентација настапот на Светското првенство ќе го почне на 15 јануари против Унгарија во Вараждин.

Дмитро Горига доби нов договор со Вардар 1961

Најтрофејниот македонски ракометен клуб Вардар 1961 го продолжи денеска договорот со украинскиот интернационалец Дмитро Горига.

Како што е соопштено, двете страни се договорија за продолжување на соработката за уште една сезона, до крајот на натпреварувачката 2025/2026.

„Горига сезонава покажа дека неговото ангажирање е вистински погодок и во многу ситуации ги потврди своите голгетерски способности. Борбеноста и лојалноста кон клубот секогаш биле очигледни, и не се штедеше тоа да го покаже и на терен“, посочи Вардар 1961.

Продолжувањето на соработката со Горига е во рамки на плановите на клупското раководство за создавање квалитетен и конкурентен тим за следните сезони.

„Како клуб работиме на формирање тим и задржување на сите играчи за кои сметаме дека можат квалитетно да помогнат, и на ангажирање на засилувања кои ќе донесат дополнителен квалитет. Во преговори сме со сите играчи кои можат да придонесат за силен Вардар, и знаеме дека изборот ќе ни донесе успех во иднина“, изјави за клупскиот сајт оперативниот директор на РК Вардар 1961, Андрја Нунев.ег

Укината забраната за Али Даеи, легендата може да се врати на фудбалот

Иранскиот претседател Масуд Пезешкијан му нареди на својот министер за спорт да ја укине забраната која му е изречена на фудбалската легенда на земјата Али Даеи, објави весникот Етемад, близок до претседателскиот кабинет.

Оваа мерка ќе му овозможи на Даеи да се врати во фудбалот. Набљудувачите сметаат дека ова е обид да се смират политичките протести во земјата. На Даеи му беа забранети сите фудбалски активности, а властите привремено му го одзедоа пасошот, поради неговата солидарност со демонстрантите кои протестираа низ целата земја во септември 2022 година по смртта на Махса Амини, која почина во полициски притвор откако беше уапсена поради кршење на строгите исламски правила за облекување.

Даеи, сепак, во првата реакција одби враќање во фудбалот, велејќи: – Не сум заинтересиран. Иранецот Даеи беше најдобар стрелец во историјата на репрезентативниот фудбал до септември 2021 година кога неговиот рекорд го урна Португалецот Кристијано Роналдо.
Даеи, исто така, е еден од првите ирански фудбалери кои играше во Европа, настапувајќи во сезоната 1997/98 за Арминија Билефилд, а следната ја мина во дресот на Баерн Минхен.

Поднесена кривична пријава против ракометарот Милош Кос

Загрепската полиција поднесе кривична пријава против ракометарот на хрватскиот првак Загреб, Милош Кос, кого го сомничи за физички напад врз клупски колега.

Инцидентот се случи на 27 ноември по одигрување на натпреварот меѓу Загреб и Нант во Лигата на шампиони.

Со истрагата е утврдено дека Кос по натпреварот во соблекувалната на Загреб Арена го нокаутирал соиграчот Матеј Мандиќ (22), а поголем инцидент спречиле другите ракометари на Загреб.

На инцидентот претходел вербален конфликт, а според пишувањата на локалните медиуми, Кос физички го нападнал голманот Мандиќ, кој му приговорил дека не се трудел доволно на теренот во поразот од Нант.

Терзиќ: Тешко е од неквалитетна српска лига да се успее во Лигата на шампионите

Генералниот директор на Црвена ѕвезда, Звездан Терзиќ изјави денеска дека лошиот квалитет на српското првенство, во кое црвено-белите се многу доминантни, му создава проблем на неговиот клуб во натпреварите од Лигата на шампиони.

„Голем проблем е оваа лига, каде што сме многу доминантни и која е многу бавна за она што ни треба. Не е лесно од многу неквалитетно и неинтересно натпреварување да се преселиме во Лигата на шампиони“, изјави Терзиќ.

Тој додаде дека доминантниот настап на Црвена ѕвезда во српската Суперлига не е добар ниту за неговиот клуб, ниту за српскиот фудбал.

„Се надевам дека ќе имаме посилни ривали. Мислам дека сме најдоминантниот клуб во сите 55 лиги во Европа. Црвена ѕвезда е најдоминантна во својата лига и тоа е сигурно не е добро ниту за српскиот фудбал, ниту за Црвена ѕвезда“, рече Терзиќ.

Црвена ѕвезда убедливо води во српското првенство со 19 победи и едно реми по 20 кола и има предност од 17 бодови пред второпласираниот Партизан.

Карлос Корберан промовиран како нов тренер на Валенсија

Карлос Корберан е нов тренер на Валенсија, објави шпанскиот фудбалски прволигаш.

Договорот со 41-годишниот шпански фудбалски стручњак е до 2027 година. Раководството на „Лилјаците“ активираше посебна опција во неговиот договор со Вест Бромвич, кој Корберан го водеше од 2022 година.

На 23 декември Валенсија објави дека ја прекина соработката со тренерот Рубен Бараха. Одлуката е донесена поради лошите резултати на тимот оваа сезона.

Валенсија е на претпоследното, 19. место во поредокот на шпанскиот шампионат, со 12 бода од 17 натпревари.

Член на Валенсија е македонскиот репрезентативен голман Столе Димитриевски.

«< 217 218 219 220 221 >»