Иневстицискиот фонд Аполо Спортс Капитал е новиот мнозински акционер на Атлетико Мадрид, објави шпанската прва фудбалска лига.

„Атлетико Мадрид и неговите главни акционери, Мигел Анхел Хил, Енрике Серезо, Квантум Пацифик Груп и фондовите управувани од Арес Менаџмент, постигнаа договор Аполо Спортс Капитал (ASC), глобална компанија за спортски инвестиции, да стане мнозински акционер на нашиот клуб“, објави клубот.

Четирите поранешни главни акционери ги намалија своите удели за да му дозволат на новиот инвеститор, сега најголемиот акционер на клубот, да стекне удел. Клубот објави дека Мигел Анхел Хил и Енрике Серезо ќе продолжат да го водат Атлетико како извршен директор и претседател на одборот и ќе останат акционери, гарантирајќи го континуитетот и визијата на проектот и нивното водство.

„Инвестицијата на ASC ќе ја зајакне позицијата на нашиот клуб меѓу фудбалската елита и ќе ја поддржи нашата амбиција да постигнеме долгорочен успех за милиони наши фанови низ целиот свет. Акционерите планираат да обезбедат нов капитал за поддршка на долгорочните планови на клубот, вклучувајќи понатамошни инвестиции во тимот и големи инфраструктурни проекти.

Ова вклучува развој на Градот на спортот, нов спортски и забавен центар веднаш до стадионот „Ријад Ер Метрополитано“.

„Целта на овој проект е да стане светска дестинација за спорт, слободно време, култура и социјални активности“, се додава во соопштението.

Финансиските детали од договорот не се откриени, а пазарните проценки за вредноста на Атлетико се движат помеѓу 2,5 и 3 милијарди евра, врз основа на неодамнешните финансиски резултати, вредни земјишни средства и конзистентно учество во Лигата на шампионите во текот на изминатите 13 сезони.

Аполо е брзорастечка, глобална компанија за управување со средства. Според најновите податоци, Аполо има приближно 908 милијарди долари средства под управување.

Екипата на Силекс ѝ стави крај на серијата од две кола без победа во Првата македонска фудбалска лига и против Шкупи извојува убедлив триумф с0 5-1.

Домашните фудбалери уште од самиот старт на натпреварот наметнаа силно темпо, и гостинската одбрана капитулираше уште во седмата минута, кога Алиќ стрелаше за водство на Силекс од 1-0. Мигел Пиреш, во десеттата минута по една контра погоди за 2-0. Овој резултат беше активен до 35. минута, во која одбраната на чаирчани одново беше немоќна, а убедливи 3-0 за домаќинот донесе Алиќ. Мартин Мирчевски погоди во 39. минута, за убедливи 4-0.

Во вториот дел, по една грешка на одбраната, Рибеиро го совлада Џеков и намали на 4-1. Сепак, Мирчевски со нов гол, овој пат од дистанца, ја врати позитивата на кратовци од четири гола (5-1).

Во следното коло, Силекс на свој терен ќе се сретне со Арсими, додека Шкупи ќе ја пречека Шкендија.

Тетовска Шкендија немаше проблеми да се справи со младиот состав на Македонија ЃП во рамките од денешниот натпревар од 13. коло во ПМФЛ. „Црвено-црните“ на крајот запишаа убедлив триумф со 7-2. Гостинот на овој натпревар играше со многу изменет состав, и со дури девет играчи под 18 години. Единствено интернационалците Еступињан и Кабаркас беа во ростерот од искусните играчи. Во една таква ситуација немаа сила да парираат на далеку поискусниот состав на Шкендија, иако на моменти солидно се носеа со противничките фудбалери. Триумфот на тетовци можеше да биде и поубедлив ако беа искористени уште неколкуте шанси, особено во финишот на мечот.

После првото полувреме, Шкендија имаше солидна предност од 3-1, и со оглед на случувањата на теренот се чини уште тогаш ги имаше обезбедено сите три бодови.

Уште во 8. минута Мазари зема топка од средината на теренот, стигна на 16-17 метри од голот на Македонија ЃП, иако шутот беше по средината, сепак, Јовчев не успеа да одбрани, па топката заврши во голот. Во 16. минута 2-0 за Шкендија. Мазари прими топка на 20 метри на средината, го проигра по лево Флорент Рамадани, а овој со прецизен шут го совлада Јовчев.

Во 19. минута Македонија ЃП се врати во игра. По еден противнапад, Стефанов од левата страна ја упати топката на петерецот, таму недоразбирање на одбраната на Шкендија и голманот, по што топката стигна до осамениот Етеми, кој само ја спроведе во празната мрежа.

Се играше 25. минута кога беше досуден пенал за Шкендија. Фитон Адеми ја презеде одговорноста, но Јовчев успеа да му одбрани. Во 30. минута, сепак, 3-1 за Шкендија. По изведен корнер и мешаницата во петерецот, Ибраими додаде до Мелиќи кој од свртување успеа да упати удар, и да го матира Јовчев.

И покрај тоа што на стартот на вториот дел Шкендија ја имаше иницијативата, сепак, првата шанса дојде од гостите. Удар на Талевски кој успеа да го одбрани Рамани. Оваа прилика како да ги „разбуди“ домашните, па следуваше одличниот обид на Ибраими, кој со уште поубава парада го одбрани Јовчев во корнер.

Адхе Мазари во 67. минута зголеми на 4-1. Откако доби топка од Адеми, шутираше млако, но крајно прецизно и го совлада Јовчев за Шкендија првпат да има +3 гола предност. Шкендија не застана тука, во 73. минута Фитон Адеми погоди со волеј, по асистенцијата од Красниќи за највисоки 5-1.

Дефанзивецот на Шкендија Егзон Белица се уфрли во нападот и со глава погоди во 80. минута за предност и од 6-1 на тимот од Тетово. Три минути подоцна Латифи се проби по левата страна, и шутираше прецизно во голот на гостите од Ѓорче Петров за седми гол за Шкендија на овој натпревар.

Македонија ЃП успеа да намали во 89. минута. Центаршут од десната страна, а Омер Сулејмани со глава успеа да постигна гол и да намали на 7-2, што беше и конечен резултат од овој меч.

Селекторот на македонската фудбалска репрезентација, Благоја Милевски денеска го имаше собир со нашата репрезентација пред натпреварите со Летонија и Велс. На собирот пристигнаа скоро сите од 28-те повикани фудбалери за престојните две пресметки, во четврток во Скопје против Летонија во пријателски натпревар, акко и оној на 18-ти кога ќе му гостуваме на Велс во последното коло од квалификациите за СП 2026.

„Пред нас се два предизвика во облик на пријателски односно квалификациски дуел. За мечот против Летонија можам да кажам дека е одлична можност да се добие дополнително репрезентативно искуство за оние кои чекаат шанса и поголема минутажа. Што се однесува пак до мечот против Велс, се знае. Македонија чека историски успех, пласман, па зошто тоа да не го оствариме. Македонија не признава друго освен победничка тактика. Против кого и да играме нашата цел се знае, победа“, истакна нашиот репрезентативец Лука Станковски на денешниот собир.

Попладнево нашата селекција од 17.30 часот на терените на ФФМ ќе го има и првиот тренинг.

Реал Мадрид се соочува со нови проблеми поради повреди на двајца клучни фудбалери. Уругваецот Феде Валверде доби повреда на семимембранозниот мускул на ногата, поради што нема да може да настапи за својата репрезентација во претстојните натпревари. Медицинскиот тим на клубот внимателно ќе ја следи неговата состојба за време на репрезентативната пауза, со надеж дека ќе се врати во тимот во најбрзо време. Отсуството на Валверде е сериозен удар за тимот, бидејќи оваа сезона е меѓу најконзистентните играчи на секоја позиција каде што е потребен .

Во меѓувреме, Тибо Куртоа се соочува со повреда на адукторниот мускул на десната нога, потврдена по медицинските прегледи по натпреварот со Рајо Валекано. Белгискиот голман ќе паузира околу две недели и ќе ги пропушти натпреварите на својата репрезентација против Казахстан и Лихтенштајн. Што е одлична вест за нас Македонците!

Отсуството на двајцата фудбалери претставува голем предизвик за Реал Мадрид, кој ќе мора да се потпре на ротации и тактички прилагодувања доколку отсутсвуваат подолг период. И покрај тоа, стручниот штаб останува оптимистичен дека Валверде и Куртоа ќе се вратат во составот пред продолжението на шампионатот.

По повеќе од два месеци пауза, Алисон Бекер конечно е подготвен да се врати на голот на Ливерпул. Бразилскиот чувар на мрежата, кој беше надвор од терените од септември поради повреда на задната ложа, ќе биде на располагање по репрезентативната пауза. Тренерот Арне Слот потврди дека Алисон треба да биде подготвен за дуелот со Нотингем Форест на 22 ноември.

За разлика од Алисон, Џереми Фримпонг сè уште не е целосно закрепнат. Десниот бек продолжува со рехабилитација и, според Слот, веројатно ќе се врати кон крајот на месецот, можеби за натпреварот со Вест Хем на 30 ноември. До тогаш, Ливерпул ќе мора да се потпре на алтернативни решенија, особено бидејќи тимот го очекува напорен распоред со шест натпревари во само 17 дена.

Во отсуство на Алисон, Гиорги Мамардашвили одлично се снајде меѓу стативите. Грузискиот голман импресионираше со неколку сигурни одбрани, меѓу кои чиста мрежа против Астон Вила и Реал Мадрид, како и одбранет пенал од Ерлинг Халанд. Сепак, враќањето на Алисон се смета за голема предност. Неговото искуство и лидерство треба да донесат стабилност во одбрана на која многу му треба.

Кристијано Роналдо призна дека пред многу години бил на чекор до трансфер во Арсенал. Во неодамнешно интервју, португалската ѕвезда изјави: „Бев блиску до потпишување со Арсенал… скоро беше готово. Но тоа е минато.“

И покрај тоа што договорот никогаш не се реализирал, Роналдо нагласи дека има пријателски однос кон клубот од Лондон.

Роналдо изрази голема почит кон актуелниот состав на Арсенал и верува дека „Топџиите“ имаат реални шанси да ја освојат Премиер лигата оваа сезона. „Арсенал може да ја освои лигата, сигурен сум. Ми се допаѓа начинот на кој играат, имаат одличен тим,“ рече тој.

Тој додаде дека не ги гледа Арсенал како ривали: „Искрено, кога ги гледам Арсенал, не ги сметам за противници. Ми се допаѓа клубот.“

Изминатиот викенд, Роналдо постигна уште еден погодок, со што неговата вкупна кариера брои 953 гола. Со тоа, тој е сѐ поблиску до историската бројка и неговата цел од 1000 голови.

Ливерпул ги започна првичните разговори со Доминк Собослај за нов, долгорочен договор, поради неговите извонредни настапи оваа сезона. Унгарскиот ас е меѓу клучните играчи во тимот на Арне Слот и се наметна како еден од најконзистентните фудбалери во клубот, и покрај катастрофалната форма на тимот.

Иако преговорите се сè уште во рана фаза, постои позитивен напредок меѓу клубот и претставниците на Собослај. Ливерпул сака да го задржи играчот долгорочно со подобрени услови и продолжување на сегашниот договор, кој важи до 2028 година.

Заедно со Рајан Гравенберх, Собослај се смета за централен дел од иднината на клубот. Ливерпул сака да избегне евентуални интереси од други европски гиганти и да го награди неговото влијание, лидерство и техничка зрелост.

Собослај оваа сезона ја има одиграно секоја минута во Премиер лигата и Лигата на шампионите, има постигнато 2 гола и запишано 5 асистенции. Неговата постојаност и високо ниво на игра ја зајакнаа решеноста на клубот што поскоро да го финализира новиот договор. Потврда дека Унгарецот е еден од највредните адути на Ливерпул оваа сезона.

Хери Мегваер доживеа повреда на задната ложа за време на натпреварот меѓу Манчестер Јунајтед и Тотенхем, кој заврши 2-2. Капитенот на англиската репрезентација беше заменет во 72-та минута од мечот, кога на негово место влезе Лени Јоро. Мегваер, кој неодамна се врати во составот по претходна повреда, доби медицинска помош на теренот, но не можеше да продолжи со игра.

Ова е нов удар за Јунајтед, кој го продолжи својот низ на натпревари без пораз, но повторно остана без клучен дефанзивец. Тимот водеше со 1-0 речиси цел натпревар, но по излегувањето на Мегваер предноста се стопи. Тотенхем израмни, а во судиското продолжение Матијс де Лихт со удар со глава му донесе бод на Јунајтед.

Дополнителен проблем за „црвените ѓаволи“ беше и повредата на Бенџамин Шешко, поради која тимот мечот го заврши со играч помалку.

Повредата на Мегваер доаѓа во незгоден момент, бидејќи искусниот стопер беше еден од најстабилните играчи во дефанзивата оваа сезона. Од клубот ќе ја проценат сериозноста на повредата и времето потребно за негово заздравување.

Манчестер Јунајтед по репрезентативната пауза го пречекува Евертон на „Олд Трафорд“ и ќе се надева дека англичанецот ќе биде подготвен за настап. Фановите со нетрпение ќе ги очекуваат новостите за неговата состојба и можноста за брзо враќање на теренот.

Фудбалерот на Челзи и аргентински репрезентативец, Ензо Фернандез, објави дека нема да биде на располагање за националниот тим поради проблем со коленото што го мачи последните четири месеци.

Фернандез откри дека се бори со коскен едем на коленото, состојба што се влошила поради големиот број натпревари и недостигот од одмор. По консултација со медицинскиот тим на Аргентина и селекторот, заеднички било одлучено тој да направи пауза за да се опорави за време на паузата.

„Се носев со оваа болка уште од почетокот на сезоната, но со толку многу натпревари немав време за одмор. Болката стана посилна, па решивме дека најдобро е да запрам две недели. Најважно е да бидам подготвен за битните делови од сезоната и тоа го направив во согласност со докторите,“ изјави 24-годишниот играч.

Одлуката се смета за превентивна, со цел да се избегне поголема повреда пред важните мечеви, вклучувајќи ја „Финалисимата“ против Шпанија.