Андреа Белоти наскоро ќе биде претставен како ново засилување за новиот калчолигаш Комо.

Комо предводен од Сеск Фабрегас од клупата успеа да избори место во Серија А, а сега сака да се засили за и да избори опстанок.

Најавите во медиумите се дека Комо ќе плати сума од околу 4.5 милиони евра што е прифатливо за Рома и преостанува само уште напаѓачот да ги договори личните услови што не би требало да претставува проблем.

Белоти не е во плановите на Рома за следната сезона, па веројатно и затоа брзо се постигнал договор за негова продажба.

Бразилскиот репрезентативец Касемиро сакаова лето да го напушти „Олд Трафорд“.

Манчестер Јунајтед исто така ја разгледува можноста да го продаде Бразилецот и да заработи на негово заминување.

Најсилен интерес за Касемиро покажуваат клубовите од Саудиска Арабија, но ветеранот сепак може да остане во Европа.

Имено, интерес за Касемиро покажува Баерн Минхен кој стапил во контакт со агентот на фудбалерот и наскоро ќе испрати понуда до Манчестер Јунајтед.

Квича Кварацхелија ова лето готово сигурно ќе го напушти Наполи, а трката за неговиот потпис веќе започна.

Грузиецот и оваа сезона го потврди својот  потенцијал, па силен  интерес за него  покажува ПСЖ, кој важи како фаворит за неговиот потпис.

Меѓутоа, сега во трката за неговиот потпис сериозно се приклучи и Ливерпул, кој стапил во контакт со неговиот агент.

Наполи нема лесно да се откаже од својата ѕвезда и сака да го продолжи договорот, но без пласман во Лигата на шампиони тешко дека ќе може да го задржи. Ливерпул наворно е спремен да плати 80 милиони фунти за Грузиецот и сака да ја победи конкуренцијата.

Шпанската Ла Лига како и Премиер лигата претходно, го објави
распоредот за новата сезона, па така е познато дека Столе
Димитриевски ќе дебитира против Барселона.
Сезоната во Ла Лига започнува викендот 17/18 август и во првото
коло ќе има неколку интересни натпревари. Секако ќе биде
интересно да се види и првиот натпревар во Ла Лига за Килијан
Мбапе.
Реал Мадрид сезоната ја отвора против Мајорка. Димитриевски
со Валенсија ќе биде домаќин на Барселона, додека Атлетико
Мадрид ќе игра против Виљареал.
Барселона и Реал Мадрид во првото „Ел Класико“ ќе се соочат во првото коло кон крајот на октомври, додека второто е во месец мај.

Астон Вила не ја искористи опцијата за откуп на Николо Заниоло
и тој на крајот од сезоната се врати во Галатасарај.
Италијанецот не сака да остане во Турција и сака да се врати во
Серија А, а неколку клубови веќе ја започнаа трката за неговиот
потпис.
Изминатите недели се споменуваше за интерес од страна на
Милан и Јувентус, сепак Заниоло е најблиску до Аталанта.
Гасперини го сака во својот тим и Аталанта веќе постигнала
договор со агентот, а се очекува за неговиот потпис да плати околу
20 милиони евра.

Јувентус е заинтересиран за играчот од средниот ред на Манчестер јунајтед, Џејдон Санчо.

Како што пренесе „Corriere Torino“, Јувентус фокусот го префрлил на 24-годишниот Англичанец по неуспехот во преговорите со уште еден играч на Манчестер јунајтед, Мејсон Гринвуд, кој е склон да се пресели во Валенсија.

Втората половина од сезоната 2023/24 Санчо ја мина на позајмица во Борусија Дортмунд. Играчот од средниот ред одигра 21 натпревар за тимот, постигна три гола и исто толку асистенции.

Порталот „Трансфермаркт“ ја проценува вредноста на крилниот напаѓач на 30 милиони евра.

Реал Мадрид е подготвен да го продолжи договорoт со 32-годишниот десен бек Даниел Карвахал, кој завршува летото 2025 година, објави „АС“.

Според изворот, од Реал Мадрид имаат намера да му понудат на Карвахал продолжување на договорот за уште една сезона. Сепак, се нагласува дека во моментов раководството на мадридскиот клуб сака да ја реши ситуацијата со продолжување на договорите на играчот од средниот ред Лука Модриќ и Лукас Васкез.

За 32-годишниот фудбалер интерес пројавуваат и клубови од Саудиска Арабија.

Да потсетиме, минатата сезона Карвахал учествуваше на 42 натпревари на сите турнири, на кои постигна седум гола и пет асистенции. Според информациите објавени на порталот Трансфермаркт, пазарната вредност на фудбалерот е 12 милиони евра.