Комисијата за натпревари на ФФМ, на седницата одржана на ден 16.05.2025 година, донесе одлука со која го поништи натпреварот од 28. коло од Втора МФЛ помеѓу КОЖУФ Гевгелија и ФК БАШКИМИ 1947 Куманово, одигран на 06.05.2025 година во Гевгелија.

Натпреварот го евидентира како одигран, бодовите од натпреварот не се доделуваат на ниту една екипа, постигнатите голови не се евидентираат и не влегуваат во евиденција на дадени голови на фудбалерите.

Комисијата, имајќи го предвид Правилникот за натпреварување, но и етичкиот аспект на случајот, со цел заштита на интегритетот на натпреварувањето и зачувување на угледот на фудбалот како спорт, ја донесе оваа одлука со која се настојува да се избегне какво било легитимирање на неспортски и неетички дејствија, кои се спротивни на вредностите на Фудбалската федерација на Македонија.

Италијанските познавачи на фудбалот и дел од медиумите наведуваат дека луѓето од Јувентус ќе се обидат да го вратат Антонио Конте на тренерската позиција.

Искусниот стратег засега има добра сезона со Наполи бидејќи е во трката за титулата во Серија „А“. Неговото име и претходно се поврзуваше со „старата дама“.

Конте работеше во екипата од Торино од 2011 до 2014 година, освојувајќи 3 последователни титули во елитниот фудбалски шампионат на Италија.

Се очекува интензивен трансфер период, при што „Sky Sports“ известува дека Арсенал е подготвен да инвестира најмалку 100 милиони фунти, плус дополнителни средства од продажба на играчи за нови засилувања. 

Клубот од северен Лондон е во здрава финансиска состојба, удобно се вклопува со правилата за профитабилност и одржливост на Премиер Лигата и е решен да го засили тимот. 

Арсенал има потреба од засилувања на неколку позиции, а навивачите се загрижени дека сумата можеби нема да биде доволна, особено со оглед на тоа што клубот е близу до потпишување на Мартин Зубименди за 50 милиони фунти. 

Се вели дека новиот спортски директор на Топџиите, Андреа Берта, има на листата четворица фудбалери кои сака да ги донесе ова лето: Александер Исак, Мартин Зубименди, Матеус Куња и Нико Вилијамс. 

Во однос на играчите кои би можеле да заминат, Арсенал размислува за продажба на Габриел Мартинели и Леандро Тросард, додека Олександр Зинченко, Нуно Тавареш, Алберт Самби Локонга, Реис Нелсон и Маркињос најверојатно ќе го напуштат клубот. 

Со јасни цели и приоритети, Арсенал се подготвува за активно лето со цел да го освежи тимот и да се подобри под водство на Артета.  

Џенаро Гатузо ќе го предводи Хајдук за последен пат на натпреварот во Пољуд во недела. Дербито против Риека ќе биде негово збогување со сплитската публика, а натпреварот од последното коло, кој Хајдук ќе го игра во Шибеник, ќе биде негово збогување со клупата на сплитскиот тим.

Италијанскиот стручњак има договор за уште една година, но нема да го доврши и ќе го напушти клубот без отпремнина, објави „Индекс“ повикувајќи се на свои извори.

Гатузо одамна одлучи да си замине, дури и по победата од 1:0 во Копривница во натпреварот од 28. коло. Тогаш, Хајдук беше во многу подобра ситуација отколку денес, кога од третото место натабелата, може само да се надева на чудо што ќе им ја донесе титулата.

Доколку Динамо не попушти на утрешниот натпревар против Локомотив на „Максимир“, таа шанса повеќе нема да постои. Последната титула Хајдук ја освои во сезоната 2004/05.

Гатузо ќе го напушти Сплит без обештетување со спогодбен раскин на договорот. Во оваа сезона, Хајдук го водеше во 41 натпревар со сооднос од 18 победи, 14 нерешени и девет порази.

Дефанзивецот на Ливерпул, Трент Александер-Арнолд, ќе го напушти Ливерпул на крајот од сезоната и официјално ќе стане играч на Реал Мадрид.

Тоа ќе се случи на 1. јули, кога официјално истекува неговиот договор со Ливерпул.

Реал Мадрид сака Арнолд порано да го облече белиот дрес и да игра за нив на Светското клупско првенство, кое започнува на 15. јуни.

Со оглед на околностите, Ливерпул не сака да им излезе во пресрет на, но под услов Реал да плати 1,5 милиони евра, за да го раскине договорот со Трент три недели порано.

Според странските медиуми, Реал е подготвен да ја плати таа сума за англискиот дефанзивец, но велат дека Ливерпул би можел да побара повеќе, со оглед на околностите под кои Трент ги напушта „црвените“.

Англискиот репрезентативец без обесштетување ќе го напушти клубот.

Фудбалската федерација на Македонија ја започна завршната фаза во имплементацијата на системот за видео технологија на судиите (ВАР), преку детална комуникациска стратегија насочена кон медиумите и јавноста.

Во рамките на оваа фаза, денес во просториите на Фудбалската федерација на Македонија одржана е едукативна и информативна презентација, со цел да се создаде јасна, прецизна и објективна слика за функцијата и значењето на примената на ВАР во македонскиот фудбал.

Клучни цели од оваа комуникациска фаза се:

• Информирање за активностите поврзани со имплементацијата на ВАР, обуките на судиите и техничката логистика.
• Едукација на медиумите и јавноста за основните принципи и философија на ВАР – што е ВАР, кога и како се користи и кои се неговите ограничувања.
• Подобрување на медиумското известување, со цел да се намали ширењето на неточни или конфузни информации и да се воведе стандардизирана терминологија во известувањето.
• Градење доверба и транспарентност, преку отворена комуникација и јасно прикажување на улогите и процесите поврзани со ВАР.

Врз основа на претходно споделен анкетен прашалник до повеќе медиуми и спортски редакции, а имајќи ги предвид добиените резултати од анкетата, неминовно беше одржување на ваков настан, со единствена цел „да говориме ист ВАР јазик“.

Презентацијата понуди и практични објаснувања за тоа како функционира ВАР во реални натпреварувачки услови, односно кога и како се вклучува, кој комуницира со кого и кои критериуми се користат за да се одлучи дали ќе има ВАР проверка или ВАР преглед на снимката. Недвосмислено беше истакнато дека ВАР технологијата, односно ВАР судијата не ја заменува главната судиска одлука, туку служи како поддршка, односно совет во одредени ситуации од исклучително значење за текот на натпреварот, под еден основен услов, а тоа е да постои јасна и очигледна грешка во само четири дозволени типови на одлуки во кои е дозволена ВАР интервенција (голови, пенали, директни црвени картони и погрешна идентификација на играч).

Дополнително, медиумите беа запознаени со техничките предуслови за функционирање на системот, како што се ВАР собата, просторот за преглед на снимки комуникациските, безбедносните и логистичките протоколи што се неопходни за точна примена. Преку визуелизации и примери, беше демонстрирана улогата на ВАР судијата, неговиот асистент (АВАР), како и за техничките оператори за повторување на снимка.

ВАР технологијата во македонскиот фудбал со почетокот на новата натпреварувачка сезона ќе се применува во натпреварите од Првата македонска фудбалска лига, во Купот на Македонија од четвртфиналните натпревари до финалниот натпревар, во финалето на женскиот куп, како и на квалификациските (бараж) натпревари.

Сите натпревари во кои ќе се применува ВАР технологијата задолжително ќе се играат само и исклучиво на сертифицирани стадиони од ФИФА, а овие натпревари можат да ги судат исклучиво судиите кои во претстојниот период успешно ќе ја завршат обуката и сертификацијата реализирана од ФИФА. Целокупниот процес на имплементација, едукација и сертификација на судиите е во надлежност на ФИФА ВАР инструктор одреден од ФИФА, секако во тесна стручна и логистичка координација со ФФМ.

Со оваа комуникациска фаза, ФФМ не само што го приближува ВАР системот до јавноста, туку и ја испраќа пораката дека верува во единствена примена на Правилата на фудбалската игра, фер плеј и технолошки напредок. ВАР не гарантира 100% точност, што и не е негова цел, но ја намалува веројатноста за јасни и очигледни судиски грешки кои можат да влијаат на текот на натпреварите.

ФФМ ќе продолжи со едукативни сесии, јавни инфо-материјали и транспарентна комуникација со медиумите во сите идни чекори на развојот на ВАР во македонскиот фудбал и останува целосно отворена за комуникација со медиумите и јавноста и ќе продолжи со проактивен пристап во информирањето, во духот на професионалност, отчетност и транспарентност,

Ќе се согласиме, има разлика!

Капитенот на Манчестер Јунајтед, Бруно Фернандеш, вели дека „црвените ѓаволи“ мораат да се вратат во трката за титулата во Премиер-лигата.

„Очигледно во Премиер лигата започнавме да заостануваме а навивачите беа свесни дека можеме да добиеме многу повеќе од она што го сакаме.

Јунајтед нема цел да биде во топ 4 туку да ја освои Премиер лигата.Тоа е минатото на клубот, тоа е историјата на клубот и мора да биде сегашноста и иднината“, нагласи Фернандеш.

Во сезоната 2024/2025, Барселона стана освојувач на сите три официјални трофеи одиграни во шпанскиот фудбал.

Синоќа Барселона го победи Еспањол со 2-0 на гостувањето од 36-тото коло на Ла Лига и ја освоија титулата шпански шампион, создавајќи предност од седум бода пред нивниот најблизок противник, Реал Мадрид, на две кола пред финишот.

На 26 април, каталонскиот клуб го освои Купот на Шпанија, победувајќи го Реал Мадрид во продолжение во финалниот натпревар (дополнително време 3-2). Претходно, на 12 јануари 2025 година, Барселона го освои националниот Суперкуп, победувајќи во решавачкиот натпревар против Реал Мадрид (5-2).

Ова е втор пат во историјата Барселона да успее да ги освои сите три домашни шпански трофеи – првиот пат тоа го направија во сезоната 2008/2009.

Тренерот на фудбалерите на Болоња, Винченцо Италијано, може да добие понуда да го преземе кормилото на Милан, наведува денеска „Газета дело Спорт“.

Познато е дека „росонерите“ на крајот на сезоната ќе се разделат со актуелниот кормилар – Серхио Консеисао.

Претходно за тренерското место во Милано се потенцираа и имињата на Маурицио Сари и Масимилијамо Алегри.

Слично како и нивнииот противник во финалето, Манчестер Јунајтед е погоден од повреди на клучни играчи. Сепак, за разлика од кризата во средниот ред на Тотенхем, тимот од Олд Трафорд се соочува со сериозна дефанзивна криза. 

Лисандро Мартинез и Џони Еванс се отсутни подолго време, додека младиот Ајден Хевен е надвор од акција уште од март. Неодамна, и Лени Јоро, Матијс де Лихт и Диого Далот се здобија со повреди. 

„Не знам дали ќе бидат достапни за финалето“, изјави Аморим. „Сите играчи имаат желба да играат. Мислам дека нема да патуваат во Лондон за натпреварот против Челзи, но постои можност некои од нив да бидат подготвени за финалето.“ 

Иако има време некои од повредените да се вратат до тогаш, веројатно нема да бидат целосно опоравени и нема да се во почетниот состав. 

Црвените Ѓаволи против Челзи ќе играат само за гордост, со оглед на тоа што вниманието е насочено кон финалето во Лига Европа. Аморим призна дека ќе ги селектира составите за натпреварите во Премиер лигата со едно око кон финалето во Билбао.