Спасиќ бронзен на Светското првенство во кајак во дисциплината Мастерс
На првото официјално Светско првенство во Мастерс А во
Саберо, Шпанија, велешкиот и македонски кајакар, член на
Македонската кајакарска репрезентација Љубомир Спасиќ
денеска се пласира на третото место и за 0.62 не успеа да го
освои второто место, односно за 21.3 секунди не успеа да биде
светски шампион.
Светското кајак првенство Мастерс А се одржува на реката Рио
Есла во Саберо Шпанија од 14 до 18 август.
В сабота, македонската кајакарска репрезентација составена од
четворица кајакари членови на ККК „Арка Борец“ од Велес ќе се
натпреваруваат тимски на спринт.
Конте го сака Мектоминеј во Неапол
Наполи е заинтересиран за потписот на играчот од средниот ред
на Манчестер Јунајтед, Скот Мектоминеј , објави Скај Спортс.
Според изворот, „црвените ѓаволи“ го ценат 27-годишниот
Шкотланѓанец на 30 милиони евра и не размислуваат да го
позајмат играчот.
Мектоминеј е производ на школата на Манчестер Јунајтед и
напредуваше од академијата до главниот тим. Договорот на
играчот со клубот е до летото 2025 година. Трансфермаркт го
цени играчот од средниот ред на 32 милиони евра.
Минатата сезона Мектоминеј одигра 43 натпревари, постигна 10
гола и даде 3 асистенции. Вкупно, Шкотланѓанецот одигра 253
натпревари за Манчестер Јунајтед, на кои постигна 29+8 во
системот гол+аистенција. Мектоминеј го освои ФА Купот и
англискиот Лига куп со Манчестер Јунајтед.
Познат НБА-календарот, Сан Антонио ќе го предизвика Далас
Првиот натпревар од втората сезона на францускиот кошаркар, Виктор Венбањама, во дресот на Сан Антонио ќе биде на 24 октомври на теренот на Далас.
Тогаш ќе го видиме и дебитантскиот настап на кошаркарот, Крис Пол за екипата на „Спарси“. Од другата страна ќе ги имаме Лука Дончиќ, Карјри Ирвинг и Клеј Томпсон.
Тоа ќе биде првата голема пресметка на фаворитите за титулата на стартот на новата сезона во НБА лигата.
Борнмут се пофали со Мексиканецот Хулиан Алварез
Англискиот фудбалски состав Борнмаут се пофали преку социјалните мрежи дека го ангажирал Хулијан Араухо кој потпиша договор до 2029 година. Дефанзивецот беше купен од Барселона за околу 10 милиони евра.
Десниот бек практично нема одиграно ниту еден меч во дресот на Каталонците бидејќи настапуваше како позајмен во Лас Палмас. Мексиканскиот интернационалец откако го загуби првотимскиот статус, се определи да се соочи со нов предизвик и да замина во Англија.
Араухо има одиграно 13 натпревари за мексиканската селекција а има искуство и од шампионатот на САД или МЛС лигата. Таму играше за ЛА Галакси.
Мигуел Пинто мора на операција, се враќа на терените по два месеци
Португалското засилување за РК Вардар, Мигуел Пинто е
успешно опериран по повредата на менискусот на коленото и сега
ќе го започне процесот на рехабилитација.
Поради проблемите кои се појавија во подготвителниот период
пред сезоната, беше решено оперативниот зафат да биде
направен побрзо, и истиот го изврши др. Небојша Настов.
Се очекува Пинто да се врати на теренот за 8-10 седмици, кога би
требало да дебитира за Вардар.
Португалецот во тимот на Вардар пристигна од тимот на Агунас
Сантас од неговата татковина. Изминатата сезона на 30
натпревари постигна 74 гола.
Димитриевски може да се врати во Рајо?
Шпанскиот Рајо Ваљекано има три позиции на кои очекува
засилување, а една од нив е голманската позиција.
Батаља беше еден од кандидатите за пристигнување во Ваљекас
за покривање на голот, но името на Столе Димитриевски во
последните денови влегува како можна опција.
Управата на Рајо стапила во контакт со Валенсија за да го врати
Димитриевски на позајмица.
Македонецот пристигна на Местаља со идеја да го замени
Мамардашвили чија продажба се чинеше сигурна, но доцнењето
на заминувањето на Грузиецот предизвикува голманот да дочека
можно враќање во Рајо за кого бранеше шест години.
Боксот нема да биде дел од следните Олимписки игри
Боксот нема да биде во програмата на Олимписките Игри во Лос
Анџелес во 2028 година.
Секој град-организатор има можност да укине или воведе некој
спорт, а организацискиот одбор на Лос Анџелес ги предложи
безбол/софтбол, крикет, флег фудбал, лакрос и сквош со тоа што
испаѓаат боксот и брејкденсот.
Причина за елиминацијата на боксот е Интернационалната
боксерска асоцијација која го загуби кредибилитетот кај ИОК
поради обвиненија за корупција и неможност да ги имплементира
потребните реформи.
Пеп го сака Луис Диаз како замена за Алварез
Луѓето од фудбалскиот состав, Манчестер Сити, постигнаа договор за трансфер со 27-годишниот крилен напаѓач на Ливерпул, Луис Диаз.
Според одредени извори, „граѓаните“ сакаат да платат за потписот на Колумбиецот 70 милиони евра а нему да му дадат договор за пет сезони.
Диаз во претходната сезона се појави на 51 меч за „црвените“ на кои даде 13 голови и имаше пет асистенции за погодок.
Стипендисти на КС групација
КС Групација во чиј состав влегува и компанијата Евротип, минатата година ја започна програмата за стипендирање која е резултат на стратегијата за општествена одговорност чиј основен постулат е вложување во иднината на новите генерации. Стипендиите кои ги доделува КС Групацијата имаат формат на годишно стипендирање со исплати на месечно ниво вклучувајќи 10 месеци стипендирање плус 2 месеци платена пракса.
Практикантскиот дел од програмата за стипендирање претставува неверојатна прилика за стипендистите да стекнат практично искуство, да го зголемат своето знаење и да се подготват за идната кариера.
Од првиот ден, стипендистите се вклучени во реални проекти каде имаат прилика да го покажат своето знаење и вештини, но во исто време и да научат многу нови работи. Под менторство на искусните вработени од КС Групацијата, младите талентирани стипендисти успеваат да го прошират своето знаење и да ја искристализираат насоката на својот професионален развој.
Со искуствата и знаењата кои ги стекнуваат стипендистите за време на двомесечната пракса тие излегуваат подготвени за предизвиците во професионалниот свет, но и мотивирани да ја обликуваат иднината на индустријата.
Стипендистите кои имаа привилегија да бидат дел од програмата за стипендирање на Групацијата и кои веќе учествуваа во двомесечната пракса го опишуваат своето искуство како клучен момент во нивниот професионален развој. Со комбинација од теоретско знаење и практична примена на знаењето оваа пракса им понуди непроценлива можност да се запознаат со реалните предизвици и одговорности во професионалниот свет.
За време на праксата стипендистите работеа со професионалци од КС Групацијата, учејќи од нивните богати искуства и добивајќи повратни информации за своите задачи. Тие се соочија со диманичната природа на деловните процеси, а во исто време имаа прилика да се вклучат во различни проекти кои го продлабочија нивното разбирање за деловниот свет.
Менаџерскиот тим на КС Групацијата со голема радост ги поздравува напорите на овие млади индивидуалци признавајќи го нивниот труд и посветеност.
Нерес приоритет на Конте во Наполи
Италијанскиот фудбалски состав Наполи се обидува да издејствува трансфер на играчот на Бенфика, Давид Нерес, тврдат медиумите на „чизмата“.
Калчо-лигашот нуди 25 милиони евра иако португалците инсистираат на 30-ет. Наполи му нуди на Нерес договор на пет години со плата од три милиони евра.
Новиот тренер на Наполи, Антонио Конте, сака да има повеќе опции во нападот и затоа инсистира на трансфер и на Ромелу Лукаку.
