Репрезентацијата на Македонија до 21 година ги започна подготовките за претстојните натпревари од октомврискиот циклус на квалификациите за пласман на Европското првенство 2027 година.

На 10. октомври, во рамки на третото коло, нашата селекција во Битола на стадионот „Петар Милошевски“ ќе ја пречека репрезентацијата на Ерменија, додека на 14 октомври во Тузи ќе гостува кај Црна Гора. Селекторот на нашата репрезентација, Горан Станиќ поради повреда нема да може да смета на двајца фудбалери, Мухамед Елмас од Македонија Ѓ.П. и Џезаир Авдули од Арсими.

Фудбалерот од средниот ред, Теодор Николовски верува дека тимот ќе биде максимално фокусиран на подготовките и натпреварите, смета дека концентрација во завршницата овојпат нема да недостасува.

„Не очекуваат два тешки натпревари против Ерменија и Црна Гора. Максимално сме фокусирани и подготвени за претстојните предизвици. Се надевам дека ќе ги исполниме сите барања на селекторот и стручниот штаб и ќе оствариме позитивен резултат. На претходните два квалификациски меча, и покрај поразите, мислам дека не одигравме лошо. Имавме добри моменти и создадовме неколку сериозни прилики за погодок, но ни недостигаше повеќе концентрација во завршницата. Свесни сме каде погрешивме и верувам дека ќе ги поправиме грешките на следните натпревари“.

Во првите два натпревари Македонија двапати загуби од селекциите на Полска и Италија.

Фан зона за македонските навивачи во Гент

Фудбалската федерација на Македонија ги информира сите навивачи дека пред натпреварот Белгија – Македонија ќе биде организирана официјална фан-зона за македонските навивачи.

Место: Коренмаркт, Гент

Време: 11:00 – 18:00 | 10.10.2025

Фан-зоната ќе биде место на собирање, дружење и заедничка поддршка за репрезентацијата пред почетокот на натпреварот.

ФФМ обезбедува бесплатен организиран превоз за сите навивачи од фан-зоната на Коренмаркт до стадионот и назад. Поаѓање на автобусите: во 18:15 часот.

Навивачите може да ја најдат точната локација на фан-зоната преку QR-кодот на објавениот флаер.

Да ја покажеме македонската поддршка и заедно да создадеме вистинска навивачка атмосфера во Гент.

Холандскиот репрезентативец, Мемфис Депај, останал без пасош и морал да го пропушти собирот пред мечевите од квалификациите за Светското Првенство во 2026 година.

Фудбалерот на Коринтијанс не може да го напушти Бразил бидејќи патната исправа му била украдена. За целата ситуација се огласи селекторот на „лалињата“, Роналд Куман.

„Се надеваме дека тој ќе ни се придружи во кампот што е можно поскоро“ – рече предводникот на Холандија.

Фудбалерот на Кристал Палас, Марк Гехи, може да замине во редовите на Баерн Минхен, најавија дел од медиумите.

Сепак, се очекува германците да добијат сериозна конкуренција од Ливерпул и Барселона кои исто така се заинтересирани за Гехи.

Тој според одредени шпекулации може да добие понуда и од Реал Мадрид.

Maкедонскиот фудбалски прволигаш Пелистер ја информираше јавноста дека ја прекина соработката со досегашниот шеф на стручниот штаб на тимот, Димитар Капинковски.

Иако Пелистер беше во серија на лоши резултати, вчера успеа да освои бод на домашен терен против Шкендија, но и тоа не беше доволно Капинковски да остане на чело на битолскиот клуб.

„ФК Пелистер ја известува јавноста дека се раздели со шефот на стручниот штаб Димитар Капинковски. Клубот му се заблгодарува на Капинковски за ангажманот и прифесионалноста и му посакува успех во понатамошниот тек на кариерата. Во првите девет натпревари Пелистер запиша две победи, еден нерешен резултат и шест порази#, , се вели во соопштението.

Клубот деновиве ќе го промовира новиот шеф на стручниот штаб.

Џоуб Белингам наводно размислува за заминување од Борусија Дортмунд, само четири месеци по неговото пристигнување, разочаран од недостатокот на континуирана минутажа под водство на тренерот Нико Ковач. 

Иако беше едно од најгласните засилувања ова лето, 20-годишниот англиски играч од средниот ред сè уште не успеа да се етаблира во стартната постава. Во Бундеслигата досега има само 167 минути игра и ниту една целосна одиграна средба. 

Извори блиски до играчот велат дека Белингам чувствува дека се користи повеќе како резерва кога има повреди, отколку како дел од долгорочниот план на тимот. Оваа ситуација отвора прашања за неговиот развој и иднината во клубот. 

Борусија се надеваше дека тој брзо ќе стане клучен дел од нивниот среден ред, но сегашната состојба го доведува тоа во прашање. Како што се приближува зимскиот преоден рок, расте шпекулацијата дека Белингам би можел да бара постојана минутажа на друго место. 

Неговото можно заминување би претставувало удар за трансфер-стратегијата на Дортмунд и веројатно би предизвикало нов интерес од врвни европски клубови кои го гледаат како голем потенцијал. 

Барселона сериозно размислува да го донесе германскиот напаѓач Карим Адејеми од Борусија Дортмунд во летниот преоден рок, во обид да внесе нова младост и брзина во офанзивната линија. 

Адејеми посебно импресионираше оваа сезона со својата брзина, техника и офанзивен инстинкт, што го направи интересен за голем број европски клубови, меѓу кои и каталонскиот гигант. 

Иако има договор со Дортмунд до 2027 година, германскиот клуб, според извори, би размислил за трансфер доколку пристигне соодветна понуда. Намерата е да се искористи моменталната висока пазарна вредност на фудбалерот, наместо да се ризикува со негово евентуално заминување без обештетување по истекот на договорот. 

Барселона, пак, продолжува да ја гради својата иднина со млади и перспективни фудбалери, а Адејеми совршено се вклопува во таа стратегија.  

Кристал Палас се подготвува да му понуди нов долгорочен договор на Адам Вортон, со цел да го задржи во клубот и да ја спречи се поголемата заинтересираност од елитните клубови во Премиер Лигата и Европа. 

Младиот и талентиран играч остави силен впечаток со своите настапи оваа и минатата сезона, привлекувајќи внимание од Ливерпул, Манчестер Сити, Арсенал, Челзи, Манчестер Јунајтед и Реал Мадрид. 

Очекувано е Палас да му понуди подобрен договор кој ќе вклучи значајна откупна клаузула. 

Клубот го гледа Вортон како клучен играч за иднината и не сака да ризикува да го изгуби во време кога конкуренцијата за млади таленти се зголемува низ цела Европа. Со зимскиот трансфер прозорец на повидок, обезбедувањето на неговиот потпис навреме е приоритет за одржување на конкурентноста на домашна и европска сцена.