Младеновиќ отпадна, селекторот Лазаров со деветнаесет ракометари на подготовките
Селекторот на ракометната репрезентација на Македонија, Кире Лазаров изврши уште една измена во составот кој ќе настапи на Светското првенство кое ќе се одржи во Хрватска, Данска и Норвешка.
Лазаров го остава дома Михајло Младеновиќ (Алкалоид), кој игра на позицијата лев бек.
Македонија ќе ги започне натпреварите во групната фаза на 15 јануари со дуел против Унгарија. Потоа, на 17 јануари следи натпреварот со Холандија, а последниот натпревар во групната фаза ќе го одиграме против Гвинеја на 19 јануари.
Тројца фудбалери на Бока Јуниорс заразени од сифилис
Голем скандал го тресе Бока Јуниорс, кој е пред сериозен предизвик откако беше потврдено дека тројца играчи на првиот тим се позитивни на сифилис – пренесува аргентинскиот медиум „Перфил“.
Рутински здравствени прегледи, извршени во приватна клиника во областа Саведра, биле извршени од експерти кои тестирале вкупно 34 членови на тимот, од кои тројца биле позитивни. Бока се уште не излегле со официјално соопштение, но веста веќе стана тема на многу јужноамерикански портали.
„Бока Јуниорс ги испрати своите играчи и стручниот штаб на рутински прегледи во приватна клиника, каде што беа направени лабораториски испитувања. Резултатите покажаа дека тројца играчи биле позитивни на сифилис, што предизвика загриженост во клубот. Ситуацијата се следи, а играчите веќе започнале со лекување. Сепак, постои значителна тревога бидејќи не е јасно како се заразиле и дали постои ризик од ширење на инфекцијата“, изјави новинарот Федерико Флорес.
Ренџерс убедлив во новогодишното „Олд фирм“ дерби
Фудбалерите на Ренџерс славеа во „Олд Фирм“ против Селтик – многу убедливо, 3-0.
„Полицајците“ го надиграа актуелниот шампион на „Ајброкс“ и му го нанесоа првиот пораз сезонава.
Стрелци за домашниот тим беа Јанис Хаџи во седмата минута, Робин Пропер во 66. минута и Данило во 81. минута.
Ренџерс на тој начин му се реваншираше на Селтик за двата порази сезонава, во првенството и во финалето на Лига купот.
Селтик во септември во првенството беше подобар со 3-0, а потоа пред нешто повеќе од две недели славеше по пенал во Лига купот.
Ренџерс стигна до 39 бода во Премиершип, што е 11 помалку од Селтик.
Во следното коло Селтик го пречекува Ст. Мирен, додека Ренџерс ќе гостува во Хибернијан.
Дамфрис двоен стрелец, Интер прв финалист на Суперкупот
Фудбалерите на Интер се пласираа во финалето на италијанскиот Суперкуп. На „Конгдом арена“ во Ријад, актуелниот италијански шампион ја победи Аталанта, во првото полуфинале со 2-0 (0-0). Херојот на Интер е десниот бек, Дензел Дамфрис кој ги постигна двата гола.
Симоне Инзаги го испрати најсилниот тим на теренот, Џанпјеро Гасперини ротираше, Интер беше доминантен во првото полувреме, Лаутаро Мартинез промаши буквално се, а Карнесеки блескаше на голот на Аталанта.
Вториот дел му припадна на Дензел Дамфрис, кој покажа дека може да биде исклучително опасен во нападот.
Се играше во 49. минута кога Бисек со глава ја спушти топката во шеснаесетникот по корнер од десната страна, а таму Дамфрис го доби дуелот со Скалвини, ја прими топката на гради, со грб свртен кон голот, а потоа го фати „ножички“ и мајсторски ја погоди мрежата, за 1-0.
Во 61. минута Бисек во сопствениот шеснаесетник му ја одзеде топката на Адемола Лукман и иницираше молскавичен контранапад кој со прекрасен удар од 18 метри го заврши Дамфрис.
Во последните 30 минути Аталанта нападна со сите „оружја“, голот на Едерсон беше поништен по интервенција од ВАР собата, а потоа голманот на Интер, Зомер му одбрани зицер на Џимшити.
Интер ќе се бори за првиот трофеј во сезоната со победникот од натпреварот Јувентус – Милан кој се игра утре исто така во Ријад.
Џејден Ајви сериозно се повреди, Детроит во големи грижи
Изминатата ноќ во НБА лигата ја одбележа страшна повреда на кошаркарот на Детроит Пистонс, Џејден Ајви.
Детроит на домашен терен го совлада Орландо со 105-96, но сите на теренот и на трибините останаа во шок поради повредата на младиот играч на Пистонс, Џејден Ајви.
Ајви се повреди во борба за топка со Кол Ентони, потоа играчот на Орландо падна врз ногата на бекот на Детроит. Навивачите го скандираа неговото име за да ја покажат својата поддршка.
Играчите од двата тима беа во шок додека Ентони остана во солзи.
Во 29 натпревари оваа сезона, Ајви имаше просек од 17,4 поени и 4,2 скока. 22-годишниот кошаркар беше избран како петти пик на драфтот во 2022 година.
Реал го договори првото засилување за следната сезона
Еден од најдобрите кошаркари во Евролигата, Тео Маледон, ќе стане нов кошаркар на Реал Мадрид.
Францускиот плејмејкер постигнал договор со „кралскиот“ клуб, ексклузивно пренесува „Енцестандо“ и од следната сезона ќе стане играч на Реал.
Маледон е најдобриот играч на Асвел со просек од 18,8 поени, 4,2 скока и 4,8 асистенции, со одличен индекс на корисност од 23,5 во Евролигата.
Французинот „експлодира“ во декември кога беше прогласен за МВП на месецот во елитното европско натпреварување. Има само 23 години и нема сомнеж дека ќе биде еден од клучните играчи на Реал во наредните години.
Маледон ја започна својата професионална кариера во Асвел во 2017 година. Замина во НБА три години подоцна. Играше за Оклахома, Шарлот и Феникс, а летово се врати во клубот.
Ѓоковиќ пресилен за Монфилс, втора победа на Србинот бо Бризбејн
Новак Ѓоковиќ избори пласман во третото коло на турнирот од серијата 250 во Бризбејн. Во втората рунда, Ѓоковиќ за 72 минути го победи Гаел Монфилс со 6-3, 6-3.
Новак Ѓоковиќ, рутински против рудовната муштерија, Гаел Монфис, избори место во четвртфиналето. Еден брејк во првиот и два во вториот сет му беа доволи за пласман меѓу најдобрите осум. Српскиот тенисер искористи три од четирите брејк топки, а во исто време на протвникот не му дозволи ниту една шанса за брејк.
Неверојатно звучи податокот дека во 20. меѓусебен дуел, Ѓоковиќ ја забележа 20.победа над Монфис.
Ѓоковиќ во четвртфиналето ќе игра против Американецот Рајли Опелка.
Родри му одговори на Роналдо за темата „Златна топка“
Шпанскиот фудбалер Родри, добитник на престижната награда „Златна топка“, изјави дека е изненаден од ставот на Кристијано Роналдо дека не ја заслужил наградата.
Португалецот, за потсетување, неодамна изјави дека Винисиус од Реал е тој што требало да ја добие наградата за најдобар играч на годината.
Секако, Родри не се согласува со таа констатација. Тој рече дека не очекувал ваква изјава од Роналдо.
„Па, ме изненади, искрено, бидејќи тој знае подобро од кој било колку работа и одрекување е потребно за да се добие ваква награда и, пред се, како се избира победникот.
Оваа година, новинарите кои гласаа решија да ме изгласаат за победник. Веројатно, некои од тие новинари некогаш гласале и за него (Роналдо), а претпоставувам дека тој тогаш не се бунеше“.
Ричи доби договор до 2028 година со Торино
Торино денес соопшти дека Самуеле Ричи потпишал нов договор.
Ричи има 23 години, игра на позицијата дефанзивен играч за врска, а интересно е што Манчестер сити го следеше цела есен и што се споменуваше како замена за Родри.
Сепак, Италијанецот реши да потпише нов договор со Торино, до летото 2028 година.
Неговиот актуелен договор истекуваше во 2026 година. Ричи во Торнио пристигна од Емполи во летото 2022 година за 8,5 милиони евра.
Во меѓувреме Ричи стана италијански репрезентативец, со шест настапи за „азурите“.
Јунајтед ризикува да загуби многу пари од спонзорски договор
Манчестер Јунајтед може да загуби голем спонзорски договор со производителот на спортска облека и обувки Адидас доколку испадне од англиската Премиер лига, пишува „Телеграф“.
Според изворот, според условите на спонзорскиот договор во вкупна вредност од 900 милиони фунти (над 1 милијарда евра), компанијата има право да го раскине договорот доколку Манчестер Јунајтед го загуби местото во највисоката дивизија на англискиот фудбал.
Се известува дека втората опција на Адидас доколку „црвените ѓаволи“ испаднат во Чемпионшип е да ги преполови годишните исплати на 45 милиони фунти.
